حللوا معاشكم يا المدرسات

السلام عليكم ورحمه الله وبركاته

يعطيكم العافيه خواتي المدرسات والغير مدرسات

واللي يايتني طااااااااااايره من قرت العنوان …..اعصابج حبيبتي شوي شوي لا تتعرجبين بالقسم وتتعورين

بس ما الومج يايه مندفعه ومنقهره لان هالكلمه تضايقج صح؟

فعلا بنات انا لاحظت ان هالجمله تنقال للمدرسه من (أكثريه) من الناس…اولياء امور والا ناس من برا ……واللي يسمعهم يقولون جذي يعتقد انهم يصرفون على المدرسه من حلال ابوهم
ويعتقد ان المدرسه ماعندها لاشغل ولامشغله

ليش يقولون حق المدرسه حللي معاشج واهي يبدا دوامها من ال7:30 ,,,,,وطبعا قبلها لازم تكون صاحيه يعني بال5 او بال6 ……وتعالي ركض حق التوقيع والدفتر

بينما ((((((((((((((((((((((((( أغــــــــــلـــــــــــــــب ))))))))))))))))))) وزارات الدوله يبلشون دوامهم من 8 وفوق

ليش المدرسه تسمع هالكلمه مع انها ما تقعد راحه من تدخل سور المدرسه لما تطلع منه؟
شغل متواصل من 7:30 – 1:20 وساعات يكون قبل هالوقت (مناوبه صباحيه) وساعات عقب هالوقت (ظروف طارئة من تدخيل درجات وتصحيح)

بينما موظفين الدوله ( الاغلب) قاعد ومرتاح بالمكتب لا شغل ولا مشغله……حتى لي درجه البعض قام (ينام) بالدوام من كثر الملل وماكو شغل

ليش المدرسه تنقال لها هالكلمه واهي تقوم بأعمال ثانيه غير مهنه التدريس ولا تاخذ عليها بدلات ولا مكافآت
(تناوب بالفرصه….تبيع بالمقصف….تصير مربيه فصل والا مشرفه)

بينما الاداريه واهي الاداريه اللي معاها بالمدرسه ما يخلونها تسوي هالشي….يمكن يبيعون بالمقصف ممكن
لكن سوالف اشراف ومربيه…..لا

ليش المدرسه مطلوب منها تحلل معاشها……واهي اساسا قاعده تصرفه على دوامها وما تتهنى فيه براحه؟
بينما الوظايف الثانيه محد يحط فلس حمر بالدوام غير حق نفسه(اكل وشرب…والا ديكورات مكاتب)

ليش المدرسه لازم تحلل معاشها واهي توقف باليوم من حصتين الى اربع ممكن يوصلون……وساعات 6 حصص
وباجي الدوام تقظيه بين احتياطات وتصحيح كتب ودفاتر وامتحانات….وبين اعداد وسايل وبين تحضير مسبق وبين مناوبات واشراف

يعني يومها محكوووووك حك وحتى الفرصه واهي الفرصه ما ترتاح فيها

طبعا انا اقول هالكلام لان اغلب المدرسات فيهم الخير والبركه ويقومون بكل هالشغل اللي قلته واكثر
وما يمنع ان في فئة قليلة من المدرسات اهما اللي مهملين ومتسيبين ومو قاعدين يسوون شغلهم على اكمل وجه

لكن هالفئه موجوده بكل الوظايف مو بس التدريس…والمدرسه الحقانيه مو ذنبها تسمع لها هالكلمه اللي تضايق بسبب هالفئة المهملة….بدال لا تسمع لها كلمه شكر وتقدير

اغلب الوظايف الادارية في وزاراتنا المختلفه شغلهم راحه…..وبعضهم ماكو شغل……وبعضهم توصل فيهم لي درجه ان ما يداومون الا ساعتين ثلاث بس…
لكن ما سمعنا احد يحن عليهم ويقول لهم حللوا معاشكم

بعض الوظايف فيها تسيب اثناء الدوام الرسمي (بعكس المدرسه) ……ونلقاهم طالعين مجمعات كافيهات مطاعم
لكن ما سمعنا اللي يقول لهم حللوا معاشكم

الهدف من الموضوع اني اوصل رساله حق اللي يطالبون المدرسه انها تحلل معاشها كأن بكلامهم انها تاكل معاشها حرام والعياذ بالله

اقولهم قبل لا تقطون هالكلمه على الراهي وتمشون…..تذكروا شنو تسوي المدرسه بدوامها وذيك الساعه حللوا وحرموا على كيفكم

والكلمه الحلوة بدوها ..

واللي حابه تضيف شي او حست اني نسيت شغله او نقطه مهمه……تتفضل مشكوره تفظفظ هني براحتها

حياكم الله

عاد انا قريت العنوان بغيت اقولج والله لو تجربين الشغل اسبوع واحد ما تتحملين

::

تدرين اختي الناس مالها الا الظاهر ..

على بالهم المدرسة تروح المدرسة تقعد وترد البيت .. وتعطل عطلة نصفية وصيفية ..

لكن

لو يجربون اللي احنا نعانية .. جان تلاقينهم [ يبجون ] على حالنا

ومشكووورة على هـ الموضوع

الحمدلله والشكر الناس صايرين اي شي
جنهم حاسدينا هالفليسات إللي ناخذها عقب طلعة الروح
لا وحطي فبالج إذا كانت المردسه متزوجه يعني يكون فيه نوعا ما اهمال بالزوج والاطفال لأنها داااااااااايما تاخذ شغلها معاها للبيت واتكمله
على عكس بعض الوظايف الثانيه من تطلع من باب شغلها خلااااااااااااااص ولا فتفوته من شغلها يروح معاها للبيت

ماني مدرسسسسسسسسسسسسسة بس نقدرين تقووولين مجربة الكراف بالمدرسسسسسسسسسسسة بس ان شاءالله معاشنا حلال ولاتزعلين من اللي يقول هالكلااااااااااام طنشي الله كريم واحسن شي التطنيش شي بينا وبين ربي العالمين هذا غير الاقساط والمصاريف على المدرسسة
وتردين البيت مرات من التعب والله تنامين بالعباية بس تبين الصج على حسب المدرسسة والقسم لان بدنك عليك حق وشفت اللي يطنش ومشتري راحته هو اللي عايش ومرتاااح فعلا اما اللي يتعب ويذبح عمره وبضمير ياكلها انا صرت اسوي اللي علية وخلاص اشتغل حق ربي
مو للناس وكل شي عند ربي مايضيع مشكوورة

والله بالبداية قلت ماني داشة على موضوعج ((قلت بقلبي الحقران أحسن))

بعدين قلت شنو أحقرها ..لأ لازم أرد عليها شنو حللو معاشاتكم ؟؟؟

تصدقين عاد قبل لا أدش من قريت العنوان إنقهرت وقمت أغلي من داخلي لأني فعلا أنقهر من هالكلمة

طريقتج في طرح الموضوع فيها إبداع وتخلي الواحد قصب طيب يدش

المهم يالغالية

أكيد سمعتي

كاد المعلم أن يكون رسولا

ليش قالوا هالشي ..لأن الرسل واجهوا الكثير من الصعوبات والمضايقات بالدعوة ومع ذلك وإذا خاطبهم الجاهلون قالوا سلاما

وإحنا مشابهين لهم تماما ..دايما يقولون لنا ما تشرحون عدل ..معاشاتكم ما تحللونها ..هذي مضايقات نتعرض لها منهم من كثر ماهم مقهورين

عادي حبيبتي خليهم يقولون إللي يقولونا ..شدعوة عاد باقي موظفين الدولة محللين معاشاتهم ((طبعا مو الكل أصابع إيدج مو وحدة ))

روحي حبيبتي أي وزارة تبين تنجزين معاملة وشوفي النفوس الخايسة شوي وتطقج ..وغير إنه كل وحدة تقطج على الثانية ..بس قاعدين سوالف وحش ((أعيد وأكرر مو الكل بس للأسف الأغلب )) ..لا تروحين لأي وزارة روحي الرتبية وشوفي العجب …

.شوفي ألحين المجاري فايضة ومحطة مشرف ما تشتغل من سنتين وموظفين الأشغال ناااايمين بالعسل ..أشوف حللوا معاااشهم عدل مدل ..الدولة بتصير فيها كارثة بيئية وأهما ما يدرون؟؟؟؟

إحنا الحمدلله محللين معاشاتنا عدل مدل ونستاهل بعد يزيدون معاشاتنا أكثر
يكفي شغلة وحدة ..إحنا المعلمات الموظفات الوحيدين إللي يقطون فلوسهم على الوسائل عشان يفهمون الطلبة وهذي خدمة لديرتنا
مو معاشاتنا لنا بس بس ..لأ.. نصها طااايرة على الوسائل …شلون ما نحللها

ختااااما

دائما المبدع والمخلص في عمله يتعرض للمضايقااااات وهذا فخر لنا جميعا

وإللي ما ييطول العنب حااااامض عنه يقوووول

الله كريم <<<<وحده مالها خلق تعلق

وااااااي اول ما قريت العنوان احتريت بس عقب ارتحت خوش موضوع
محد بالدنيا محلل معاشه كثر المدرسه حسره عليها تتأخر دقيقه حتى الاستئذان ما تاخذه كل شهر انا وحده والله تطوف علي سنه ما استئذن الا مره وحده طبعا لو بتموتين تداومين بعدين روحي موتي لو يصير شي بالطفل قضاء الله وقدره انت المسؤوله غير الورش والشغل الي من ترجعين لي تنامين وانتي تكرفين

الله يسامح الي قاعد بالبراد وقهوه رايحه وقهوه يايه وكل يوم مراجع واحد بالقصب ايي لها هذا اذا لقاها بالمكتب بعد وكعب وكشخه عالاخر من الراحه وتحسدنا اقول جربي يوم بس يوم بعدين تكلمي

آنآ اقولج ليش

الحسد متفشي بمجتمعنآ اللهم يآكآفي

لولآ الحسد مآ مآت أحد

هذآ وآنآ طآلبة الحين

بنآت عمي الكسلآنآت معآشج ومعآشج

شدعووووووة عليكم اللي بآخذه بتعتبي

وحآسدين المدرسة على اجآزة شهرين واجآزة الربيع

ويه والله تطلع من عيونهآ بـ 9 شهور تدريس

كآفي تعآشر أرنآق من الطلبة ونفسيآت أوليآء الأمور

عشآن اكون وآقعية فيه بعض المعلمآت وهم قلة الحمدلله نقولهم حللوآ معآشآتكم

أمآ بالحقيقة المجتمع يقولهآ للمعلمآت بتعميم حسدآآ

عنوانج نرفزنيييييييي حسبالي من صجج هههههههههه

والله ما اقول الا صح لسااااااااااااااااانج

وانا وايد احتر لمن مثلا اسولف مع احد ما جرب الشغل بالمدارس

وبارده مبرده تقولي

طايحه في بطونكم همجه بالصيف …

واجازه بالربيع والصيف وتعطلون ويا عيالكم …

ما يدرون ان حالنا حال الفراشات الي ينطرووووووووون الاجازه مناااااااااااطر علشان بروحون حق اهلهم .. ما نقدر ناخذ اجازه بالوقت الي نبيه …. يا مرضيه يا داومي غصبن عليج وما مايجوز نتميرض …ساعات اشتهي اروح العمره ولا اسافر بنص السنه … ما نقدر والسبه ان ما نقدر ناخذ اجازه … واذا بروح عمره لازم ارجع السبت واداوم الاحد وانا متكسره ……. يالله الحمدلله كله بأجره …

والله العظيم وايد ناس يطالعون المدرسه وراتبها وما يطالعون التعب الي تتعبه ….

وعلى قولتج لمن ولي امر يقول حق مدرسه حللي معاشج … شوفي هو يشتغل بأي وزراه الي قادر يحظر اجتماع اولياء الامور

مو احنا وعليا علينا الاستأذان علينا بالحسره وكل شوي نطالع الساعه ….

واخر شي دوالي وصوتنا في بحه …. وكل هذا … حللوا معاشاتكم

كلامج عسسسسسسسسسسسسسل

جان زين اطرشينه ايميل حق الي تعرفينهم وبسرعه ينتشر بالديره ….

لان للاسف صوتنا ما وصل

ماخلاني اطلع من التدريس الا الكراف واللوعه اللي فيه ..
والمعامله الزززززززفت يمنون عليج بالاستئذان بالعرضي…
كأنه شي مومن حقج.. لووووووووووووووووووووووووووووووووووووووووووعه…
ينعاف هالمعاش اللي جذي لازم يتحمل الواحد…. دفعة بلا

اللي يقول هالكلمه قولوله خل يدش التدريس بعدين يتحجه

هالعنوان اهو الكاميرا الخفيه مالت المنتدى حق رمضان _03ba:

صاجه اختي اهما لو بس يعيشون الجو المدرسي من بدايته لي الهده جان غيروا رايهم (هذا اذا عندهم انصاف وعدل واحساس)

وانتي اللي مشكوووووووره على ردج

هذي النقطه اللي نسيت اقولها

المدرسه من زود حرصها على شغلها تاخذ باجي الشغل معاها البيت…وبالمقابل تقصر بحق عايلتها
لكن محد يقدر هالشي
لا التوجيه يقدر ولا الاداره ولا رئاسة القسم ولا حتى باجي الناس!!!

للاسف يكلفون المدرسه بشغلات مستحيل كلها ممكن تنجزها بوقت الدوام الرسمي وخلال الفتره اللي يبونها
وتضطر تخلصه بالبيت

والعكس صحيح في وظايف ثانيه على قولتج ماياخذون من الدوام غير الجريدة وبطل الماي

وراحه البال

الله يهنيهم وعقبال الكل

مشكورة على مشاركتج

ان شاءالله ماكو حق عند الله يضيع

على قولتج الواحد يسوي اللي يرضي ربه وضميره

مانصير مهملين ومطنشين…هم ربي بيحاسبنا على التقصير

العفوووو

من صجج تبين تحقرين وتطنشين
كلامج عين العقل حبيبتي……..المدرس المخلص يكاد يكون بمرتبه الرسل …..ههههههههه عسى مانصير نفس بعض المذيعات والممثلات اللي ماعندهم غير جمله (الفن رساله)

عالاقل مهنتنا اشرف رساله

وصاجه حبيبتي طاعي البلاوي اللي قامت تصير بوايد من قطاعات الدوله بسبب التقصير والاهمال
لكن ماكو حسيب ولا رقيب

جنه المدرسه اهي الوحيده اللي لازم تتحاسب على شغلها

وعلى قولتج اللي مايطول العنب…….

بس ياوخيتج تبين الصج احنا ينشلع قلبنا على ماناخذ هالعنب بالصيف

الحمدلله على كل حال