|
|
بسم الله الرحمن
خواتي هذا الموضوع قريته في مدونة عالم حواء للعضوه ليااان
اتمنى مايكون مكرر
حبيت انقله لكم كويتيات للفائده وانا اليوم رحت الحواج وشريت ال …. ومن باجر بجربه وانشالله يفيد معااي وبصراحه شجعني تفاعل الاخوات معاها وعلى كلامهم جربوا وفاد معاهم
الحين اخلييكم مع الموضوع ..
السلام عليكم بنات
عندي لكم الحل النهائي للكرش..( والله كل مرة نقول حل نهائي والله يستر)
هالمرة انا مجربتها بنفسي من وحدة كانت الكرش عندها رااااااااهية وبعد تقريبأ شهر وشوي شفتها وماشاء الله ماكأنها جايبة ثلاث اولاد…
البطن رجع زي يوم اول ماتزوجت..والوجه صافي ومتفتح الله يحميها تبارك الله…على طووووووول قلت لها( يالمجرمة وش رجيمك ؟؟؟ وش انتي مسوية بعمرك هاااااااه؟؟)
وبيني وبين نفسي قلت احيانأ الوحدة تسوي رجيم والبطن تروح لكن تعالي شوفي الوجه هزيييييييل واصفر …
لكن اللي شفته غير…
وبعد مناورات والتلفت يمين ويساااار لاحد يسمعنا قالتلي السر…
وهو العنزروت….
تعرفونه؟؟؟
واللي ماتعرفه تروح للعطار وتقوله ابي عنزروت..لكن فيه نوعين…واحد يكون الكيلو رخيص وهذا اللي مو اصلي..
والثاني الكيلو تقريبا بستين ريال او اكثر وهذا هو المطلوب…والدليل انه هو اللي اقصده انك بعد ماتنقعينه يصير لونه بني محمر كأنه لون حنه شوي…
وبعد ماتشترينه انقعيه بماء داقي وخليه لما يبرد وخليه بالثلاجة..
الطريقة انك تشربين منه على الريق كل صباح تقريبأ فنجان قهوة …وراح تحسين بمفعوله لانه ينظف المعدة ويهضم الاكل..
استمري عليه كل يوم لما تشوفين النتيجة..انا بديت فيه لي يومين وراح استمر ان شاء الله..
واللي تبي تجرب يالله تخاويني..
مــنـــقــول للفائــده
مشكوره حبيبتي و ما قصرتي ودي اجربها بس شلون طعم العنزروت حلوووو و لا ما ينبلع 
ويكون بارد
الفنانه 79
تسلمين حبيبتي عالمرور وانشالله يفيدج ويفيدنا
اشلووون سوته
اهوا طبعا العنزروت مثل حبوب يابسه اشوي دقتهم بالهاون صار مثل البودره وبعدين بطل ماي صحه الصغار كان الماي دافي وتقول حطت قفشه كبيره متروسه عنزروت وخلطته مع الماي ورجته اشوي عشان لايترسب بالقاع صار لونه احمر على بني اشوي —>>>> نفس ماقالت الاخت
وبس حطته بالثلاجه باجر الصبح بتشرب عالريج والكميه مثل ماقالت الاخت بموضوعها فنيال قهوه وتقدرين تشربين بعده ماي او حليب او قهوه عشان لاتحسين بالطعم ..
عالعموم مشكورة عالوصفة
عيزنا واحنا نجرب بهالكروش تروح وكل مرة تكبر ما تخف
هههههههههههههههههه
ببجي من هم هالكرشه الزفت .. مستشاااارة دام شريتي وقاعده تجربين .. صبري شهر
وقيسي الحين .. وقيسي عقب شهر .. اذا فاد بطيره من الدنيا كلها :/
من الحين .. جزاج الله الف خير على موضوعج بعد عمري انتي
عاد مستوو انتي لج معزة عندي
اللي تقول وخروفين بذبحها :/
سفيرة العشق:- اهوا صج اسمه يخرع جنه اسم شيطان لووول بس اذا مفعوله مضمون نجربه شورانا
انشالله اذا بلشت فيه بقولكم النتايج
والاخت الحلا كله تقووول نفعها
شوفي انا مشتركه بنادي ومسويه رجيم وهمم بشرب العنزروت زيادة الخير خيرين
وانشالله مفعوولهم كلهم بعد شهر يبين
بس رفيجتي ماتسوي رجيم لان اهيا ضعيفه بس اشوي عندها بطن ومتضايقه فقالت لي نجربه راح اقولج شيصير معانا بعد شهر 
بس حبيت اسئئئل لازم نسوووي تمارين معاه اذا شربناه ولا مو شرط وبعدين بس نشربه على الريق يعني ما نشربه العصر مثثلا او اي حزه
طيب الكرشه تختفي كلها ولا نسبه قليله
طيب واذا سويناه مثل رفيجتج وخلينا ليوم الثااني ما ياثر عادي اخليه جم يووم بالثلاااجه
ولا كل يوم لازم نسوووي الووصفه
واشكرج
وبس تشربيه كل يوم عالريق الصبح لاحظي الكيمه لازم تكون قليله
واذا على الكرشه اكيد ماراح تختفي مره وحده بهالسرعه بس تدريجيا
وانتي اكيد بتحسين بالفرق وعلى حسب حجم الكرشه
اذا كانت صغيره بتختفي بسرعه بس اذا كبيره … اكيد يبيلها فتره يعني تستمرين عليه وانصحج بالتخفيف
والخلطه تسوينها وتحطينها بالثلاجه تكفيج لمده اسبوع
وانشالله بجرب هالعنزروت…؟؟ وااي جنها سبه
ويارب يبن معاي وتختفي كرشونتي
لوووووووووووووول
ودي اجرب بس اكره المر واخاف طول ايوم تبقى مرارته بحلجي