حقوق و واجبات المعلم !! اللي تعرف تفيد خواتها

حياكم
اقلطوا

هلا والله بخواتي المعلمات

بصراحه كلنا دخنا دوخه بهالمدارس وهالوزاره

باختصار احنا عارفين كل مدرسه الناظره تحط قرارات من كيف امها!!!!

فيا ليـــــــت وحده شطوره وعندها خبره بهالوزاره الدكتاتوريه تعلمنا شنو الأساسيات اللي المفروض كل معلم قبل ما يتعين اول كل موظف بالدوله عنده علم شامل فيها

يعني شنو حقوقي وشنو واجباتي ؟!!!!!
ابي اعرف علشان لما كل ناظره تنافخ بويهنا وتصكنا افادات عالفاضي والمليان نعرف نرد عليها

ومشكورين مقدما

للرفع

للرفع
حتى انا ودي اعرف يشنو ممكن اغلط وانصك افادة
وشنو الفرق بين الافادة ولفت النظر والعقوبة وايهم اشد من الثانية

إللي أعرفه

من حقج

1- الإستئذان

أربع مرات بالشهر

ثلاثة عادي بأي وقت تاخذينهم والرابع يرجع لموافقة الناظرة
كل إستئذان مدته ساعتين والساعة الثالثة استثنائية بإيد الناظرة
ما يصير الإستئذان الصباحي من البيت لازم تيين الصبح توقعين بعدين تستأذنين

2- العرضي

لج حق بالغياب العرضي أربع أيام بالسنة ..يومين في كل كورس
لج حق تاخذينهم في أي يوم بالإسبوع ..
بس 90 % من المديرات ما يرضون ناخذ العرضي في يوم الخميس والأحد إلا للظروف الخاصة وبإيد الناظرة

يحق للناظرة ترفض العرضي إذا كانت ظروف المدرسة ما تسمح ..يعني مثلا وااايد أبلات غايبين بالمدرسة ..

3- الجدول

حدج تاخذين ثلاث حصص أخيرة بالإسبوع . . يعني إذا عطوج أربع حصص أخيرة بالإسبوع يحق لج ترفضين

4- الإحتياط

عادي يعطونج إحتياط وهذا من حق الإدارة عليج
بس إذا مجموع ( عدد حصص الإحتياط + حصصج الأساسية ) إذا عدا عدد نصابج من حقج تعترضين

يعني إذا نصابج 16 .. بيس جدولج هالسنة بالصدفة 10 حصص ..

هني من حق الإدارة تعطيج 6 حصص احتياط بالإسبوع عشان تكمل نصابج..ويصير16

هذا كل إللي أعرفه ويحضرني ألحين إن شاء الله إذا ذكرت شي أقول لكم

يا حياااتي مريومه وفلونه مشكورين للرفع

ابله كويتيه يا عسى ربي يشافي ابوج وخالتج ويخليج ذخر لكل ابلات الكويت انتي فعلا كنز
ماقصرتي على هالمعلومات القيمه

بعد ابلات شنو تعرفون؟!!!

للرفع
نبي بعد معلومات
ومشكوووورين على هالمعلومات

اي والله نبي معلومات انا صكوني افادتين وانا مالي ذنب فيهم
وحده مستعسرين معانا يبون حلو وفطاير علا ظهورنا واذا ماسوينا يحقدون علينا

مافيه حقوووق كله واجبات وتعاون بالقوه

استغفر الله ,,, أنا نصابي 5 حصص وبالأسبوع أشيل 10 حصص احتياط <<<جني خدامه عندهم
يعني صار صابي كامل 15 حصه مع الاحتياطات … مو ظلم هذاااااااااا ؟

رفع الله مقداركم ياقلبي
والله صراحة عيب
المعلمات اللي قريب يتقاعدون نسألهم عن هالمعلومات يقولون : ماندري!!!!
شنو هالتعسف؟!!
وغالبية الناظرات يقولون هذي معلومات سريه هههههههههه
مو قلتلكم وزارة الديكتاتورية!!!

ياليت معلومات اكثر

وتوضيح اكثر

صراحة حيل تعبنا

[color="navy"]
اي هذا عدل تدرين ليش يا قهوة

عيل عدل اني اخذ 22 حصة وانت 5 وبنفس الراتب

المهم
على الاقل ما راح تحضرين وتشرحين

المفروض لكل حصص زيادة عن رفيجاتج زيادة فلوس هذا العدل
لازم بالعدل نفكر بكل الاطراف [
/color]

فلونه معاها حق
المواد الاساسيه مثل العربي/ الرياضيات/ الانجليزي
هالمواد اللي تشيل الابله 15 حصة
المفروض ما يساوونها مع باقي الابلات
عيل من اوصل المدرسه لين اطلع ما اشوف الكرسي
وبعد اخذ التحضير معاي البيت غير شغل المشرفه !!!
حتى ريلي قام يتحلطم ( الدوام للدوام البيت للبيت)

بنات العرضي 4 بالسنه

ليش مدرستناا العرضي مرتين بالسنه

كل كورس يوم واحد

ومايعطونا ياه بعد

العام ماعطوني عرضي

شسوي اشتكي عليهم

انا اللي اعرفة من حقوووووووووووووووووقج العرضي 4 بالسنة بكل الوظايف
مو كيفهم احتجي اذا محتاجتة غصب عليها تعطيج مو كيفها
وتكون ظالمتج اذا ما عطتج 2 بالكورس بس قبل الامتحانات

مشكله اذا قامو يتمنون عليج جنج تطرين منهم العرضي والله عيب