حق كل وحدة حابة تكمل دراستها بكالوريوس وماستر ودكتوراه

وانا بكمل ماستر قانون واللي يهمني اقل مده بعني يالكثير سنه

وهم سمعت وياليت اتاكدين انه بمصر في ماستر قانون وبس ست اشهر وجنه قالوا جامعة القاهره اتمنى تجيكيلي

ومشكووووره

اقتباس:

المشاركة الأصلية كتبت بواسطة shea butter مشكور حبيبتي على هالمساعده وانا بكمل ماستر قانون واللي يهمني اقل مده بعني يالكثير سنه وهم سمعت وياليت اتاكدين انه بمصر في ماستر قانون وبس ست اشهر وجنه قالوا جامعة القاهره اتمنى تجيكيلي ومشكووووره

هلا اختي الماستر في مصر سنتين وتكاليغها مقدور عليها الجامعات الحكومية
اقل مدة بريطانيا سنه الماستر وخفيف والجامعات قوية يعني في بريطانيا من شهر 10 لي 4 محاضرات وتكون بس يومين بالاسبوع بالكثير 3 ايام وعقب شهر 4 تسوين بحثج
العفو ماسويت شي ومصر مستحيل سنه

انا ودي اكمل ماستر اداره وسمعت عن مصر إن في جامعات معترف فيها كويتيين يروحون شهرين بالسنه يمتحنون ويردون بنظام إنتساب
انا ادري ان ممنوع الانتساب بس الجامعه نفسها تكتب اني مداومه بإنتظام

سألت وايد عن هالجامعات بس ماني عارفه محد فادني
اذا تعرفين اي جامعات بمصر معترف فيها عندنا وبس امتحن وارد
ويزاج الله خير

قبل شهر كانو حاطين بالجريده عن جامعه يمنيه بالكويت دقيت استفسرت قالي ان بس تشترين كتب وتدرسين وتمتحنين اهني (بالكويت) والامتحانات يصلحونه باليمن بس مشكلته ان مو معترف فيه بالكويت يمكن يعترفون فيها بعدين الله اعلم

رفضوها تخيلى داخلة المقابلة وهم رافضينها من قبل المقابلة

بسألك هل للعمر دور فى الرفض

وثانيا وين تدرس سنة ماستر وهل يتغير معاشها بالقطاع الخاص منتظرة الرد على اأسئلة بالتفصيل لو سمحتى

وشكرا

اقتباس:

المشاركة الأصلية كتبت بواسطة Dalal.E السلام عليكم انا ودي اكمل ماستر اداره وسمعت عن مصر إن في جامعات معترف فيها كويتيين يروحون شهرين بالسنه يمتحنون ويردون بنظام إنتساب انا ادري ان ممنوع الانتساب بس الجامعه نفسها تكتب اني مداومه بإنتظام سألت وايد عن هالجامعات بس ماني عارفه محد فادني اذا تعرفين اي جامعات بمصر معترف فيها عندنا وبس امتحن وارد ويزاج الله خير

هلا اختي
صح كلامج مصر هذا النظام مو انتساب هذا نظام full time دوام منتظم بس اغلب الكويتيين يدرسون هناك هالنظام لان مايحسبون غياب فانتي بس تروحين مرتين بالسنه تمتحنين وتردين وغالبا الفترة 3 سنوات وهذا النظام في كل الجامعات الحكومية في مصر واذا حابة بالكويت الجامعات الخاصه فيها ماستر اداره وفي جامعة ماسترخت بالدسمة بس تعطي mba
وبالنسبة لليمن يمكن جامعه حكومية يعترفون فيها بس لازم قبل اي خطوة بدراستج تصدقين القبول عن طريق مكتب السفاره بالديرة اللي بتدرسين فيها لان لو درستي شي مومعترف فيه للاسف ماراح يفيدج بالكويت ماعدا بعض الشركات الخاصه ممكن عادي عندهم موفقة حبيبتي

اقتباس:

المشاركة الأصلية كتبت بواسطة ذات الهمة العالية حبيبتى اعرف وحدة عمرها 45 قدمت على جامعة الكويت تدرس دبلوم بالعربى سنة وحدة ادارة عامة رفضوها تخيلى داخلة المقابلة وهم رافضينها من قبل المقابلة بسألك هل للعمر دور فى الرفض وثانيا وين تدرس سنة ماستر وهل يتغير معاشها بالقطاع الخاص منتظرة الرد على اأسئلة بالتفصيل لو سمحتى وشكرا

هلا اختي العمر مايعتبر شرط وبالتالي مايعتبر سبب رفض والدبلوم يغرق عن الماستر اهيا شنو تبي ؟
وبالنسبة حق الدوام حسب سلم الرواتب بشركتهم اذا يرقونها يمكن بس دعم العماله اذا دبلوم مايزيدون معاشها بس اذا ماستر يزيد راتبها 75 دينار
حياج الله حبيبتي

حبي انا ابي اكمل ماستر انا تخصصي البكالوريوس علوم سياسية وسالت وقالولي اذا ابي بعثة لازم اخذ ماستر ودكتوراه مع بعض ولازم ارد اكون دكتوره بالجامعة 5 سنوات …. وانا ابي اكمل بعثة ماستر بس وما ابي ادرس بالجامعة ما اعرف … وبس

اي وابي بعد ielts فشنو في معهد غير british council

ومشكووووووورة….

اقتباس:

المشاركة الأصلية كتبت بواسطة حنانو 89 حبيبتي مشكوره علي ردودج علينا وتخصص وقت لنا مشكوووورة … حبي انا ابي اكمل ماستر انا تخصصي البكالوريوس علوم سياسية وسالت وقالولي اذا ابي بعثة لازم اخذ ماستر ودكتوراه مع بعض ولازم ارد اكون دكتوره بالجامعة 5 سنوات …. وانا ابي اكمل بعثة ماستر بس وما ابي ادرس بالجامعة ما اعرف … وبس اي وابي بعد ielts فشنو في معهد غير british council ومشكووووووورة….

هلا حبيبتي العفو ماسويت شي
اللي تقولين عنه اذا طلعتي بعثه على جامعة الكويت لازم ماستر ودكتوراه
بس في طريقة ثانيه تطلعين عن طريق دوامج تروحين ادارة التطوير والتنمية بوزارتج وتسالينهم متى تقدمين بس راح تكون تكاليف دراسه عليج بس يمشيلج راتب وانا انصح بريطانيا لان بس سنه وتكاليف الجامعه من 5 الاف الى 7 الاف على حسب الجامعة
وبالنسبة حق الايلتز في مركز اسمه idp مركز استرالي تمتحنين عندهم ايلتز بس اهما احسن من بريتش كاونسل من تجربتي لان اللي يصلحون استراليين مو بريطانيين ولاحظتهم انهم اكرم بالدرجات موفقة حبيبتي

اقتباس:

المشاركة الأصلية كتبت بواسطة sara9292 السلام عليكم أنا عندي دبلوم إدارة مواد وتو نزل تعيين في وزارة التربيه معدلي 2.95يدزوني بعثه حق التربيه الأساسي ؟ وعقب جم سنه حابه اكمل بخاطري حيييييل

هلا اختي يدزونج بعثة بكالوريوس اذا اقل من سنه خدمتج بدون راتب اذا سنتين نص راتب اذا 4 سنوات خدمة براتب كامل وبالنسبة حق التربية الاساسية كل مرة تتغير شروطهم لازم تروحين تسالينهم على دبلومج هذا ممكن اي تخصص يقبلونج عليه واذا ماصار تربية اساسية عندج الجامعات الخاصة يقبلونج

اقتباس:

المشاركة الأصلية كتبت بواسطة فلورا000 السلام عليكم ورحمته الله وبركاته انا سعوديه متزوجه كويتي ومعاي شهاده ثانويه لها 7 سنين وحابه ادرس لاني بصراحه مليت من جلست البيت ورحت اسجل معهد التطبيقي ورفضو ونفس الشي التجاري والسبب ان شهادتي قديمه ابي حل جزاكم الله خير ولو ابي اتوظف فيه شي يقبل شهادتي

هلا فيج اختي تقدرين تعيدين الثانويه هذا حل وعندج حل الجامعات الخاصه وبعد بما انج سعوديه في جامعات بالسعودية حكومية عن بعد وسعرها موغالي جامعه الملك فهد وجامعه طيبة فيها والتسجيل فيهم سهل بس لازم وقت الامتحانات تروحين السعودية تمتحنين
وفي حل بالكويت في معاهد خاصه يعطون دبلوم مثل الاثري والانفوسنتر ويقبلونج ماعرف اسعارهم بس تقريبا بين 500 دك الى 1000 دك وحاولي انج تقدمين على بعثات السعوديه انج تدرسين في الكويت وزوجج محرمج معاج بس لازم تشوفين شروطهم هل يقبلون الابتعاث على الجامعات الخاصه في الكويت موفقه حبيبتي

انا بثقل عليج بسوال بعد
انا اشتغل بالتربية ابي ادرس بعثة بدوله اجنبية او عربية ( الامارات فقط) وابي ادرس ماستر … هل اذا درست بعثة اطلع من الوزارة او ابقي فيها … هل في زيادة بالراتب… ومعاشي اخذة كامل او لا …. وهل في مرافق لي ولا انا بس …. وبس

مشكووووره