حسبي الله عليهم و نعم الوكيل:( طيبة كلينك ضيعو العالم كله

السلام عليكم
بنات والله مادري من وين ابتدي و شقول بس انا بقول قصتي لان اللي صارلي والله تمنيت الارض تنشق و تبلعني و لا يصيرلي او يصير حق اي بنت بالعالم

تخيلوو رحت طيبة كلينك اليوم سويت تحليل حمل هرموني يخلص بعد ساعتين و انا على اعصابي المهم طلعت و خلصت جم شغله ويا زوجي ويوم ردينا بناخذ التحليل خذيته ولا الرقم 83.3 حدي استااااااااااااااااااااااااااااااااااااااانس و قريته و حتى بجيت بالمستشفى قلت انا حامل؟؟؟؟ الحمدلله رب العالمين انا صارلي 6 شهور تزوجت حملت ثاني شهر و طالح الحمل مثل الدوره على طووول و من يومها وانا قلبي متشفق على الحمااال المهم و رحت حق امي و ابوي على دربنا دشيت حبيت روسهم و بشرتهم و استانسووو و ردينا بيت زوجي و دشيت حبيت راس عمي و خالتي و قلتلهم و حدهم طااااااااااااااااارو من الفرحه و كل شوي احد اييبلي فاكهه و ككاو و عشا المهم عقب هذا كله اشوف تلفون زوجي يدق مليون مره و اهوا ما كان يمه و ناديته قلتله تلفونك رن وايد اخاف شي مهم قال خل ارد و ويوم رد ولا مستشفى طيبه قالي كلميهم انتي احسن احسه توتر خايف انه صاير شي المهم تكلمت انا قلت اهلا جان تقولي مدام انتي ييتي سويتي تحليل و خذيتيييه توه!! قلتلها اييي! جان تقول اسفه بس عطيناج نتيجة وحده ثانيه مو نتيجتج و انتي مو حامل مدام!!! والله يا جماعه منحزتها و انا الارض مو شايلتني بس ابي ابجي قسما بالله بجيت قلتلها ليش تسوون فيني جذي مو حرام شقول حق اهلي شقول حق زوجي و اهله و الله و بجيت بجي السنه بساعه قالتلي تعالي اخذي فلوس التحليل و اخذي نتيجتج الاصليه!حرتني! حسستني اني قاعده ابجي عشان فلوسهم حسبي الله ونعم الوكيل والله العظيم لعبو بمشاعري لعب يا بنات و الحين اكلمكم وانا ابجي حاسه نفسي اني كنت عايشه بجنه و فجأه احد سحبني منها و طردتني بره لا حول ولا قوة الا بالله

حبيبتي لا تبجين ولا شي

انا مقدره شعورج وعارفه الموقف الي انحطيتي صعب

بس خيره انشالله

ويارب هم يكونون غلطانيين وتطلعين حامل بس انتي لا تفكرين وايد وشغلي نفسج باشياء ثانيه

الله يعوضج

ااااااف حركة خايسة

حبيتي صدقيني كل تاخيره فيه خيره
ورب العالمين رحيييم
وانشالله يرزقج ويرزقنا ويرزق كل البنات اللي يبون يحملون
ان شاءالله باذن الله الشهر الياي تحملين يااارب يااااااارب
وصبري وتحسبي الاجر
قولي (( اللهم اجرني في مصيبتي واخلف لي خيرا منها ))

اسمالله علييج والله عورتي قلبي لاتحرين نفسج

الله يعوضج بالقريب العاجل اللهم امييين

بس لاتزعلين نفسج ولا شي توج متزوجه والسنين جايه وبتحملين وبتفرحين وبتفرحين اهلج

الله يعينج حبيبتى ويزقج الضنا الصالح

الله يرزقج بارب وانشا الله نكونبن حامل وهم غلط

انا لله و انا اليه راجعون .. و الله حسيت باحساسج ..
عسى الله يرزقج هالشهر قولي آمين

حبيبتي والله مقدره شعورج

ادري ان شعور كللللللللش مو شي

بس ميخالف قولي الحمدلله الف مره

وانتي توج متزوجه وبتحملين ان شاء الله ولاحقه على اليهال والتربيه وبتاخذين حبوب مانع بعد

وبتذكرين كلامي

بس لا تسكتين .. اشتكي عليهم .. كلمي مدير المستشفى ..النسأله مو مسألة فلوس

هذا يسمونه اهمال وحسبي الله عليهم

يالله ما عليه غسى الله يعوضج ان شاء الله بس انتي هدي بالج وعليج بالاستغفار والدعاء

خيره يابنت الحلال ماتدرين شنو الله كاتب لج وهذا موذنبج بلغيهم قبل لايبلغون احد انج حامل حبيبتي و استغفري الله و هذي قسمه مكتوبه لج ماتدري يمكن على الشهر الياي نسمع خبر ولادتج ولاتتضايقين ياعمري تفائلي بالخير و انا حاسه بشعورج الله يهيدهم هالمستشفى استغفر الله الواحد مايدري شنو يقولي بس ماقول غير ربي ان شاء الله يرزقج بالذريه الصالحه و صدقيني العمر جدامج كله و الحمدالله على كل حال

خيره حبيبتي
الله يعوضج انشالله

زين يا معودة طلع عندهم ضمير و دقو عليج و ما خلوج فترة اطول من جذيه
صلي ركعتين شكر و الله راح يفرجها عليج

ياعمري الله يرزقج بذريه الصالحه احمدي ربج نعمه واستانسي توج 6 شهور لو شفتي خواتنا الي الي تاخر الانجاب صارلهم 15 سنه ولا 11 سنه هذول الي حالتهم تنقهر ربي يرزقج يامعوده توه الناس جنج انا لول مستعيله على رزقي هذا وانا جهضت مرتين وحمدت ربي واقري سوره مريم والله بيرزقج وارقي نفسج ياعمري

ميخالف حبيبتي عسى ربي يعوووووضج يااارب