|
|
[SIZE="4"]السلام عليكم بناات
صدقونى ماودى احط هالموضوع بالمنتدى من كثر ماشفت بنات ردودها هجوميه ووقحه 00بس للاسف اضطريت احطه 00وان شاء الله مااتندم 00هالموضوووووووع مو لى لرفيجتى اهيا ارمله وعندها ولد تزوجت وهى صغيره 17 سنه وحملت بولدها وتوفى زوجها بحادث وبعد العده تقدمولها واايد بس كانت ترفض 00الحين عقب سنين ولدها كبر وامها وابوها الى كانت عندهم توفوا الله يرحمهم 00وصارت عند اخوانها وحريمهم 00ومادراك ماحريم الاخوان اعوذ بالله بنات ابليس.gif "Eh S(14)")
بصرااحه انا معور قلبى موضوعها تستاهل الاحسن منه البنت ذهبه وجميله وحياويه بس لما اشوفها مستانسه اسكت 0000اهيا الحين تبى ترتاح وتبى تستقر وتبى الستر 00بنات الله يعافيكم الى تبى ترد علي تحط نفسها مكان هالبنت وشنو بيكون قرارها 00
0
(0باخليها تقرا ردودكم يمكن تقتنع بانه بيجيها الاحسن على الاقل مايحرمها تكون ام من جديد)[/SIZE]
والله يقدم اللي فيه الخير يارب
بس لو على مااستعيل وافكر واستخير ربي ماخاب من استخار ربه….وتشوف شاللي ترتاح له
بس لا تستعيل…بعدين اذا عندها ولد وماشاء الله كبر ليش ماتطلعلها بشقة احسن لها تشاور اخوانها وتقولهم افضل لها انها تطلع بروحها
ولاتاخذ ريال بالسر ويصير تركه لها سهل بعدين الله لايقول يازواج سنع واستقرار ولا لا اشلها بعوار القلب
والله يوفقها ويهون عليها يااااااارب
المرا تبي الستر والزوج الدايم الي يدفيها ويدفي ولدها اذا كانو محتاجين بس اهوا ماراح يكون دايم معاها لانه متزوج اهوا
وخلترفظ لا توافق وخلتحط مكانها مكان المره ترظا انه وحده تاخذ ريلها وزواج مسيار اكيد لاء حرام تظلم المره ونفسها وولدها
ولدها لمن يكبر شنو يقول اذا سئلوه امه تزوجت مسيار والله فشله قوياا
صج اذيه الحريم ولوعه بس خلتستحمل او تاخذ لها شقه اهيا ولدها ولا تتحمل اذيتهم
ولا انها تصبر تصبر وتفطر على بصله والله حرام خلتاخذ واحد زيين وسنع
لو الريال زين جان مااقلها ابي مسيار ومابي عيال مسيار يعنى بس يلعب عليها ويروح امبي حراااام والله
ترفض رفظ قويييي وتنطر واحد احسن منااااااا
صج صج خلتنطر الريال الزين وتفتك من حنه حريم اخوانها ول تاخذ واحد جذى
المال والبنون زينة الحياة الدنيا
يمكن الحين تستانس وتطلع من السجن اللي اهي فيه
بس بعدين لي خلص شهر العسل تقعد علي حقيقة مرة
ان اهو متزوجها بستانس ويفرفش وبس
يعني الاخ بينوع من ناحية العلاقة الزوجية
ما يبي يفتح بيت ويربي يهال
لان انا اعرف وحدة تزوجت متزوج حرمها الخلفة ومرمطها واخرته طلقها
خل تقعد معاه قعدة عقل بحضور اخوانها تقوله انا ش مصيري لو حملت بالغلط او لو زوجتك درت
بتتخلي عني والا بتوقف معاي وقفة ريال وتواصل حياتك معاي
وبعدين ليش بالسر دام ان الزواج شرع رب العالمين
انا ما اشوف ان لها حقوق من هالزواج اللي بالسر وبالظلام كل التنازلات من صوبها
لا احد يعرف
لا خلفة عيال
لا ضامن لها يكمل معاها طول العمر عزوة لها لي كبرت بالسن
خل تكتشف مايته ومعدنه قبل الزواج احسن ترا خوفي كلها جم شهر يستانس و يطلقها وترجع لحريم خوانها
لا حبيبتى قوليلها لا تستعجل رغم اللى اهى فيه..
على الاقل اهى الحين معرووف شنو وضعها ..
لكن بعدين ومع زوااج السر والدس محد بيدرى
حتى انها مزوجه وباااجر ممكن يطلع عليهااا حجى..
اهى اكيد فى غنى عنه ..خليها تصبر وباذن الله
يجيها نصيبها الزين اللى فى النور وتسوى لهااا
عايله طبيعيه ..ولا تظلم ولا تنظلم..
والصبر زين ان الله مع الصااابرين..
ثاني شي ..
انتي قلتي حطي نفسج مكاانهاا
لوبحط نفسي مكانهاا راح أتمنى اني اعيش مع رجااال يحبني ويقدرني واعيش معااه والكل يدري عن زواجناا يعني موزواج سر او مسيــااار..؟
شالفايده إذا يبيها زواج مسياار ..؟
ومايبي منهاا عيااال
شالفاااااااااايده منه…
خليهاا تستخير وإن شاءالله يكتبلها اللي فيه الخير
وعسى الله يوفقها ويطرح الخير والبركه بولدهاا…
مثل ما قالوا البنات خليها تستخير اكثر من مرة وتفكر عدل ولا تستعجل والله يفرجها عليها ويرزقها زوج يعرف قيمتها
يبيها بس وقت………………… ومايبي عيال؟؟؟؟؟
هذا بروحه اكبر ظلم هي مسكينة ما عاشت حياتها
الله يرزقها باللي احسن منه
لكن خليها تستخير … مدام الريال زين و مافيه عيب ليش يبيها بالسر ؟؟ اهي مره حالها حال مرته الاوليه من حقها تفرح و تعلن زواجها
و يكون عندها و يعدل بينهم .. مو ياخذها بس تفريغ طاقه و نوع من التغيير لكن تحت مسمى المسيار !!
انا خايفه يكون يبي التغيير بس الين يمل و يهدها .. مو مشكله الريال عنده خير و كل شي .. بس اذا صار وتركها ماراح يفيدها شي من خيره
او الحاله الاجتماعيه اللي اهو فيها .. اهم شي ان الريال صاج و سنع و يبيها على سنة الله ورسوله
ولازم لازم تكلمه و تفهمه اذا يبيها فعلا ويبي زواج .. اوكي يتزوجون عادي مو مسيار .. و يتأجل موضوع العيال مو مشكله
لكن اهم شي الزواج يكون طبيعي و الله يحببهم لبعض اكثر و ماتدرين يمكن لا حبها و عاش وياها يقول لها ابي منج عيال
الله يهيده و يهديها يارب
ويوفق الجميع
ولا في شي يخليني اقبل … مافكرت بولدها ..؟؟
وبعدين خ تعرف الميسار شنو هو اساسا …
انا اعرف وحده متزوجه مسيار وحبت زوجها لدرجه ماتتصورينها يغيب بالاشهر عنها ويجيها يوم بس عشان حاجته ويغيب والحين خلاها لا تقدر طالب بحقوقها ولا تقدر تقول شي …
رفيجتج تبي تتزوج عشان حاجة الاستقرار ولا الحاجة الجنسيه ؟؟؟
خليها تصبر وتدعي الله ودامنها صغيره الله بيرزقها ان شاء الله …
ادري عن سوالف حريم الاخوان ووماحرهم وادري انهم مايرحمون ..
بس لاتضيع عمرها وتتزوج مسيار … ترا مسيار مامنه فايده ولامستقبل له راح تتبهذل اخر بهذله ..
واولا واخييرا خليها تستخير …
باجر لا سمح الله صارلها شي او مرضت واحتاجته شلون بتتصل عليه؟؟ وين بتلاقيه ؟؟ شلون توصله..
فرضا دزتله مسج واهوا كان مو يم التلفون .. يتسبح .. نايم … يتغدى .. وزوجته الاولى شافت المسج …. شنو ردت فعل الزوجه الاولى؟؟
شنو موقف الزوجه الثانيه ؟؟ شنو مو قف الزوج اللي خدع زوجته الاولى واستغفلها … شنو مصير الزوجه الثانيه ؟؟
اكيد بتصير مشاكل لها اول مالها تالي … واهيا اكيد بغنى عنها … واكيد الزوج بيخضع لزوجته الاولى .. ويمكن يطلق الثانيه .. لانه ما يبي يخسر بيته وعياله .. والثانيه ما ثبتت نفسها عنده حتى لو بطفل … فا شي طبيعي انه بيرد لزوجته الاولى وعياله وماراح يتخلى عنهم .. وبيعتبر الثانيه نزوه وعدت مع احترامي لها … وتأكدي ان مهما صارت من مشاكل بين الزوجين .. الزوجه الاولى راح تسامح زوجها وبترد تعيش معاه .. صدقيني .. الاولى هي الاولى والاخيره بالقلب .. وخصوصا هي ام عياله..
انصح صديقتج ما تغامر … وتقلبها بمخها عدل … وتحط جميع الاحتمالات والمشاكل اللي بتصير جدام عينها ….
حرام تصوم تصوم وتفطر على بصله
اعرف وحده .. تزوجت عن حب .. وبعد 8 سنين زواج .. اكتشفت بتلفون زوجها ان عنده علاقه مع وحده ثانيه ويبي يتزوجها.. .. وصديقتي زعلت وقلبت الدنيا .. وشالت قشها وعيالها وراحت بيت اخوها .. وارفعت قضايا بالمحاكم .. وصارت سالفه كبيره وفضحته عن اهله انه خاينها مع وحده وكان بينهم علاقه وسخه وفوق هذا يبي يتزوجها .. المهم .. اخر شي الزوج تراجع عن الزواج من الثانيه .. والزوجه الاولى تنازلت عن القضايا وقبل يومين دقت علي تبشرني انها تنازلت عن القضايا ورجعت بيت زوجها …
الهدف من القصه .. ان الزوج باع الثانيه برخيص .. ورجع حق مرته ام عياله .. وسلامتكم
تحياتي
بالسر = خايف من مرته وخايف على مشاعرها و يحترمها و مايبي يزعلها و يمكن يحبها بعد وهذا أول دليل عالخطر وعدم الجدية
ما يبي عيال = ما يبي يتورط بعيال لأنه أساساً مو جاد ومو واثق من إستمرار هالزواج.
والله ردودكم على راسى نفس احساسى والكلام الى بقوله 00انا اتوقع انها لو مقتنعه بالبدايه من الضغوط النفسيه ابسبب حريم الاخوان هى نفس الى تنحاش من نار وتقط بروجها بنار الى حتى معاشها محسوب وين تصرفه00 00الريال الى متقدم لها ااانانى وماهمه الا راحته ووناسته بس يبيها بشكل شرعى وحلال ويمكن تكون نزوه وتنتهى ويدمر حيات المسكينه 00و حرام يحرمها من انها تكون ام وتعيش باستقرار وراحه بال00ترى مو من كبرها توها 28 سنه 00 واخوانها رافضين تعيش بيت بروحها لو تموت ماتطلع بره بيتهم 00اهيا لو تقدر تسكن بروحها ماتفكر تتزوج طول عمرها 0بس موت امها وابوها كسر ظهرها وخلاهم يتقوون عليها
بااقنعها وباخليها تقراء ردودكم الواقعيه وربى بيعوضها بالاحسن وان شاء الله الفرج من ربى قريب