|
|
شلونكم بنات عساكم بخير !
انا حدي حدي محتاره وفوق كل هذا عقلي مشوش ,مو عارفه اللي بسويه صح ولا خطأ !
انا عمري 21 سنه ,وعندي 6 خوات, وحده حده ابوي تعبان ويانا,احنا 3 بنات بالجامعه واخوي ثانويه عامه ومدرسين وعباله وفلووس
يعني مصاريف وايد على ابوي
ومثل ما قلت احنا خواتي 6 وعارفين طلبات البنات وابوي متقاعد يعني لا شغله ولا مشغله
ومن جمن يوم خطبني واحد عمره 37 سنه!
ريال ماعليه قصوور
وكل من جافه قال اكبر شي نعطيه 27 سنه يعني نمونته كلش صغيره
انا اول شي ترددت تالي صليت استخاره وارتحت الحمدلله
والله يا بنات الريال لاهو مليونير ولا ذيج اوظيفه لانه البعض بيقول شكو تآخذ واحد عود ؟؟؟؟
اهوا في الداخليه شغله وماعنده مانع اكمل دراستي وريال حالته الحمدلله زينه
اول شي فكرت فيه والله شيئين
اني اخفف عن ابوي هالحمل الثقيل اشووي
وانه امي تفرح
لانه عشنا ايام ما يعلم فيها الا الله
حتى اعرف وحده قالت لي لا اطالعين العمر الريال العوود يدلل
فمادري انتوا شرايكم ؟؟
يعني عادي؟؟ ولا لاء؟
**على فكره**
انا من يوم عمري 16 سنه يونا ناااس اشكال والوان وعيال حمايل وناس الحمدلله الله منعم عليهم
كله انرد انرد انرد
الحين كل اللي إيووونا ناس عاديييين
يعني قلت آنا لو لا قدر بالله باجر عمري 40 سنه
مراح اتزوج واحد عمره 58 ؟؟؟؟
اتوقع بلى
فأنا حاطه بعد نظر ليجدام
ومادري
زين أشلون حياتج معاه ؟؟
مرتاحه؟؟ مافيه مشكله بتفاوت الفكر؟؟
وايد شجعتيني
و دام انه زين ليش لا
اذا كان الريال فاهم و زين نعمه انتي راح تتزوجينه حق نفسج مو حق الناس ! فا ماعليج من حجي الناس اهم شي يكون ريال محترم يخاف الله يحبج و يحطج بعينه 
الله يوفقج
فآنا عن نفسي اجوف العمر اوكي
لانه لو بآخذ واحد بعمري باجر طقه منه وطقه مني ونجره
اقل شي هذا عوود فاهم وعاقل.
وباذن الله لا صار شي ببشركم
شلونج حبيبتي
؟؟
احب اعطيج من خبرتي بسوالفالزواج
الله سبحانه وتعالى امر بتزويج من ؟؟( من ترضون خلقه ودينه)
فهذا اهم شي بالزواج
سالي عن خلقه ودينه عدل
بس انا بنصحج لوجه الله
لا تخلين مشكلة بيتكم المادية سبب تتزوجين شخص مو مقتنعه بصفه من صفاته
لأن هذا زواج يعني ( مؤبد ) مدى الحيااااااة
واذا في شي انتي مو مقتنعه فيها
بيتم يأثر على علاقتج معاه مدى الحياة
لو تم الزواج بينكم على خير
بعد عشر سنوات يكون عمره 47 وانتي 31
فهل تتقبلين ذلك؟؟
وبعدين اذا مرت عليج سنتين ثلاث وتزوجو خواتج
واكتشفتي
ان ازواجهم احسن من مواصفات زوجج
واصغر
شنو بيكون شعورج؟؟
فكري بعمق في حياتج ومستقبلج
واذا حسيتي انج تبينه ومرتاحه منه توكلي على الله
بس لا تتنازلين عن صفات مهمه بالنسبه لج
بسبب الظروف
الظروف ممكن تحملها في ظل الوالدين
لكن الزوج صعب جدا اذا ما تحملتيه
فكرررررررررري عدلللل
والله يرزقج بالزوج الصالح
بخير الله يسلمج انتي اشلوونج ؟
ام السسسسنع الريال وايد زين
من المسيد للبيت من البيت للدوام من الدوام لدوانيتهم هذي حياته
حتى يوم يه خطب ابوي قال ماله داعي اسأل عنه خووش واحد وسأل عنه جم واحد بفريجهم مدحووه حق أبوي
من ناحية اخلاق ودين لا الحمدلله تطمني
وبالنسبه حق خواتي
اختي الثانيه يايها واحد ما شالله عمره 25 سنه واهي عمرها 19 وولد حموله وناس الحمدلله وايد زينين
بالعكسس فيه مواصفات احلى من مواصفات ريلي وشديت على أختي وافقي علييييه
ماتوقع بقارن نفسي بخواتي
لانه سعادتهم اهيا سعادتي
بعد قلبي ما قصرتي ع النصايح
والله يكتب اللي فيه الخير
لأني اعرف بنات خذو ريايل متوسطين في المواصفات
وعقب ما مرت الايام ندمو قد شعر راسهم
والزواج مافيه خط رجعه
اهم شي يكون زين
احسي مخربطه
بس ترى مو ناقصه شي
مادري يعني