|
السلام عليكم خواتي
بقولكم سالفتي واتمنى تساعدوني
حبيت شخص كان معاي بالدوام وعلاقتنا كانت نظيفه وبحدود الدوام والحمدلله ماسوينا شئ غلط … انا عرفته سنه وحده بس وعلى طول قال ابيج زواج وكلم اهله بس للاسف امه رفضت رفض تاااااااااااام وطول هالسنه واهوا يحاول فيها بس ماكو فايده وانا كنت كل دقيقه وكل ثانيه اتعلق فيه بس عقب مامر علينا سنه وشاف ان ماكو فايده خلاني وراح عشان مايوقف بنصيبي لان انا مو صغيره وكان في ناس يخطبوني وانا ارفض المهم رااااااااح ولما راح تعبت نفسيتي وتحطمت لان بنيت احلامي وامالي عليه ومانسيته وبعد 6 اشهر خطبني واحد مواصفاته تينن ووايد زين وشاريني وماينرفض فوافقت كان ببالي اني بنسى اللي حبيته وملجت وماصارلي اسبوعين مالجه بس للاسف مانسيت اللي احبه وكل يوم ابجي عليه واحن عليه
بنات الحمد لله ريلي واهله زينين ويحبوني واحمد ربي على هالنعمه بس اللي متعبني اني ليش افكر باللي حبيته وشلون اشيله من بالي واقدر احب زوجي الحين اولأ؟؟؟؟
اللي مرت بنفس تجربتي تنصحني وتعلمني والله انا تعبانه ومابي اسوي شئ بلحظة ضعف مابي اغضب ربي واخسر زوجي
بنات الله يعافيكم نصحوني بدون تجريح اللي فيني مكفيني
ومشكوورين
بس فكري مو هاذي نعمه من عند الله مو اي وحده يجيها نصيب مثل نصيبج شوفي مشاكل البنات الي بالمنتدى وحده خاينها زوجها
وحده يكرها زوجها وووووو مافي نهايه حق مشاكل البنات انتي في نعمه تنحسدين عليها
ذكري ربج ياقلبي وحمدي ربج على النعمه الي انتي فيها
واللي كنتي تحبينه ماااااضي حاولي تنسينه وخلي كل حبج واحترامج لزوجج
والله يوفقج إن شاءالله
واكثري من الاستغفار ..
واشغلي نفسج بالطاعات ..
ربي يوفقج وييسر لج امورج
او تغيرين الشغل لانه يذكرك فيه
واي شيئ يذكرك فيه ابتعدي عنه
وحافظي على زوجك وبيتك
التفكير فيه ما راح ينفعك
وألف مبروك ياقلبي
وكل ما ذكرتيه ذكري الله و تعوذي من الشيطان وادعي الله يوفقج ويا ريلج
اذا عندج شي منه هديه تذكار اي شي قطيه خلاص
والله صدقيني راح تنسين بسرعه وبعدين انتي توج متزوجه عطي نفسج فرصه وانشالله راح تنسينه وترتاحين مع الي ريلي
كل الي عليج اتسوينه انج تقضين وقتج كله مع ريلج لا تفارقينه كلش وصدقيني راح تنسين كل شي
والله يوفقج ..
والانسان يقدر يوجه نفسه للشي الي يبيه مع المحاوله ومافيه شي يجي بسهوله يبي له وقت والله يعينج ويصبرج