|
|
السلام عليكم
اشلونكم بنات شخباركم ؟؟
بنات انا عضوه جديده بالمنتدى بس كنت اتابعكم واتابع مواضيعكم من بعيد صارلي فتره السنه لين قررت اني ادخل واشترك
احترت مادري وين احط الموضوع
ومالقيت الا هالقسم ويااليت من مشرفاتنا ان مايشيلونه
ودي افضفض واخذ رايكم بموضوعي
انا عمري 20 سنه وطالبه من 7 شهور تقريبا تعرفت على واحد والحمدالله ياربي لك الحمدالله ان خوش انسان وعلاقتنا حيل حيل شريفه وناوين على زواج باذن الله
اهو عمره 22 وموظف وقلنا على اساس يتقدم لي شهر 6 الجاي على اساس نتزوج السنه الجايه يعني يتقدم 6 .. على مايصير كلام حريم ومع ابوي وجذي قولو 3 اسابيع شهر عقبها خطبه رسميه واخذ فتره خطبه شهرين او 3 عقبها على شهر 9 نملج وعلى 1 2024 العرس
بس الي صار غير وقلب الموضوع كللللللللللللللللله من فوق لي تحت
انا صارحت امي الله يطول لي بعمرها بالموضوع وافرحت لي بس قالت لي لازم نستعجل بالموضوع خلي امه تتصل على نهايه هالشهر !! .gif "Eh S(1)")
وحاولت تقنعني ان ماراح يصير شء الحين كل شيء على راحتج يعني اهو بس خل امه ادق وانا اقول حق ابوج وعلى مانسال وجذي وسالفه الفحس والخطبه نحاول نطولها والملجه نحاول نطولها
اوكي انا ماعندي مشكله
انا قلت حق الولد
بس الولد يقولي من صجج ! من كان الموضوع عقب سنه لي عقب شهر ! فاحس انه منضغط
وانا بيني وبينكم خايفه ومتوتره ومرتبكه حيل حيل مادري شسوي وخايفه من رده فعل ابوي
ابيه يوافق
ونسيت لا اقولكم .. اهو موظف الصبح بس بليل قاعد يكمل الثانويه مسائي توه اول سنه يعني باقيله 3 سنين وعلشان جذي قلنا ناجل سنه عشان يكون باقيله سنتين ع الاقل
انتو اشرايكم بالموضوع ؟؟؟؟؟؟؟؟ 
انا خايفه خايفه خايفه حيل ابي احد يطمني ابي احس ان الموضوع سهالات وعادي والامر طبيعي
انزين تهقون ابوي بيوافق ؟؟؟؟؟؟ وايد افكار بمخي مادري شنو ابي بالضبط
بنات تكفون كلموني ردو علي لحد يدخل ويطلع بس جذي
حبطتيني بصراحه عادي ابوج داري داري سواء الحين او بعدين ليه الخوف..
وانتوا ملجوا الحين بعدين الزواج بعد سنه ع اتفاقكم لان مو حلوه يعلقج سنه بدون شي رسمي يعني ماتدرين هل هو جاد ولا لا وحرام يتقدمولج غيره وتردينهم عشانج تنطرينه ترى والله محد يظم عمره هالايام,,,
الله يوفقج ياعمري..
ماتقصرين هونتي علي
لا تطولون السالفه ويصير حجي وكلام ويشوفج احد معاه وتصير جلجله وانتم اساسا مجرد حبايب ما يصير هالكلام احنا بمجتمع قاسي ما يرحم
انتي بنت يا قلبي ديري بالج
ان شاء الله
والله كلامكم ثلج على صدري
وان شاء الله ياربي ياربي ابشركم بالموافقه
قولو امين بس
|
المشاركة الأصلية كتبت بواسطة مس لوتس
 الله يوفقج ياقلبي ,,,
عادي ابوج داري داري سواء الحين او بعدين ليه الخوف.. وانتوا ملجوا الحين بعدين الزواج بعد سنه ع اتفاقكم لان مو حلوه يعلقج سنه بدون شي رسمي يعني ماتدرين هل هو جاد ولا لا وحرام يتقدمولج غيره وتردينهم عشانج تنطرينه ترى والله محد يظم عمره هالايام,,, الله يوفقج ياعمري.. |
^
^
^
^
صح كلامها
بدال ماتصير الملجه 6 شهور زيدوها سنه
أهم شي يكون في شي رسمي جدام الناس
عسى الله يوفقج ويسير أمرج*
ماتقصرين
ماتقصرين حبيبتي