حبيباتي كل وحده تكتب تخصصها وشنو الصعوبات الي فيه لاني خرييجه ومادري ويين ادخل نوروني

انتي بتروحين تربيه اساسيه والا جامعه الكويت؟

حاليا يقولون التخصص النادر فيزيا وفرنسي

بس انتي شنو ميولج شنو اكثر مقرر تحبينه عشان نساعدج ونقول لج اي كليه تدخلين

لان حتى كليه العلوم اللي يتخرجون منها يصيرون مدرسات بعد

انا كنت ادبي ودخلت كليه الاداب تخصص فلسفه واقبلوني تدريس الحين بس قاعده اسوي اجراءات التعيين

اجمعين يارب

اذا دخلتي تربيه اساسيه مافي ترا عندهم تخصصات نادره

قبل جم سنه التخصص النادر العربي والانجليزي بس الوزير اليديد غيره الى فيزيا وفرنسي

وهالشي لازم ببالجامعه كليه التربيه لان اساسيه ما عندهم فيزيا وفرنسي

اما كون ميولج اخصائيه اجتماعيه او نفسيه فبأمكانج تدخلين كليه العلوم الاجتماعيه تخصص علم نفس

الف ممبروك
اهم شي انتي شنو ميولج وشنو حابة تدرسين لان التخصص اذا ماكنتي تحبينه ماراح تمشين فيه
فلازم انتي تحددين شنو تبين وشنو التخصص اللي يجذبج وتحسين راح تبدعين فيه..!
والحين كل التخصصات قاعده تتوظف بالتربية سواء كانت نادرة او غير نادرة

مبروك التخرج
اختي لا اتحاتين الوظيفة لان عندنا نقص في كل المراحل على كل التخصصات غير جذي قاعدين يشتغلون على مشروع تكويت المرحله الابتدائيه ومع هذا تلقين مدرسات وافدات مثل تخصص علوم ابتدائي الوافدات في قسمي اكثر من الكويتيات
عموما انا تخصصي علوم مساند رياضيات درست في التربيه الاساسيه تخصصي حلو بس دايما ً تلقين تغيرات اتصير نتيجه تغير مناهج تغير نظام تدريس و غيره
بس انا انصحج مثل ما قالوا البنات الي قبلي شوفي انتي شنو حابه و تخصصي فيه لان انا بصراحه كنت حابه تخصص اني اكون معلمة حاسوب بس على ايامي ما كان في هذا التخصص في التربيه الاساسيه
الله يوفقج

الف مبروك التخرج…اهم شيء ميولج وشنو حابه مودشين علي ميول غيرج نصيحه..وبالتوفيق

يآحلو موآليد 93 بيصيرون آبلآت
اذا حآبه تخصص معين حطي موضوع موجه لآهل التخصص قبل لآتدشينه ..,
اذا تبين الرآحه اختآري تخصص سهل ومريح مثل آبلة اجتمآعيات / اسلاميه / حآسوب ..,
هالموآد من الي آعرفه من رفيجآتي المدرسآت الضغط عليهم آقل من العربي والانجلش والريآضيات والعلوم
بالاخير آنتي وميولج ..,

نصيحة لاتروحين رياضيات

معني ماعتقد انج فكرتي

اقوولج اسهل قسم حاسوب

ولا دين

ولا اجتماعيات

حلوين

انا مع اهلج دخلي تخصص مطلوب
مثل انجليزي او علوم او رياضيات او عربي ولاتدخلين رياض اطفال ابد لانه في اكتفاء شديد بهالتخصص

75 % ما اظن تدخلين الجامعة مايقبلونج
وكل مهنة لها متاعبها ماكو شي يجي بالساهل

التخصصات اللي حطيتيها مالها مستقبل ترى

[size="5"]نصيحه لوجه الله لا تصيرين مدرسه
[/size]