حبيباتي أمهات التوحد الابطال– لاتحرموني من مساعدتكم

السلام عليكم خواتي أمهات التوحد الذي يآجركم علي مصيبتكم ويخلفها لكم خير منها ان شاء الله ويشفي ابنائكم ويصبر قلبكم خواتي حبيباتي بغيت منكم المساعده وانا ما شاء الله عليكم لقيت فيكم التعاون والترحيب لكل شخص يدخل موضوعكم وتقدمون له المساعدة والنصيحه — حبيباتي انا لدي ابن عمره سنتين وعشر شهور في شهر 9 / 2024 شخص بسمات التوحد من قبل الطب التطوري في مستشفي البنك الوطني ولك انا قلبي غير مرتاح لتشخيص حالة ابني حبيباتي اكو دكتوره تشخص الحاله بنصف ساعة المهم انا أخذت موعد عند الدكتوره عبير وناطره الموعد لانها بإجازه الان لذلك قلبي يحاتي ولم اجد بعد الله احد يساعدني غيركم —— حبيباتي انا ابني كان يعاني من مشكله في السمع حيث اكتشفت المشكله عندما كان عمره سنتين وشهرين حيث كان له ماء في الاذن وعملت له العملية وضعوا تيوب في اذنه — الصفات التي وجدتها في ابني هي

1- التواصل اللفظي ( كلام غير مفهوم )
2- التواصل البصري اقدر اقول جيد او مقبول علي حسب المزاج
3- ما يقول ماما او بابا ما ينادي اسماء اخوانه

هذه الصفات التي توجد في ابني

اهو كان يحب يلعب بالسيارة ومازال يلعب يمشيها فوق الرف او الطاولة لعب اطفال عاديين ومرات يمكن كل ثلاث ايام يلف العجله مو علي طول دقيقه واحد وانا احس ان هذا الشيء عادي ما ادري انتو اهل الخبره لان في مدرسة ولدي الكبير في الحكومه يقلبون الدرجات الاولاد ويلفون

ابني يلعب مع الاطفال اي ان التواصل الاجتماعي عنده ممتاز يحب يطلع بره ويذهب مجمعات بس تصدقون انا اذا شلته مرات يتعسر والشغاله يموت عليها الله يعيني تبي تسافر يمكن لان انا ماربيته كلا عند امي بسبب مرضي وانا خارج الكويت
المهم اذا كنا في السوق مرات يعند ويجلس علي الارض ويتصلب لدرجه عند حمله اخاف امصعه ولكن لايضرب راسه ولا يتشنج ولايغضب الحمد لله واذا رحنا للسوق كذلك لايستطيع ان يجلس في مكانه اكثر من نصف ساعه الحمد لله لازم يتمشي انا انا مره خليته يتمشي بروحه واراقبه من بعيد بشوف شو راح يعمل —- يلتفت وراءه يشاهد هل في احد خلفه اذا شاهد احد مثلي انا او الشغاله او اخوته يكمل مشيه واذا ا في احد يوقف الللله يخليييييييييكم سسسساعدوني هل ابني فيه سمات توحد مثل ما قالو الطب التطوري ريحوني الله يرحيكم بدنيته وآخرته تصدقون صرت وسواسية اي حركه يسويها اقول اها اكيد توحد واقعد ابكي حتي لو كنت زايره ناس او ي السو قالدموع علي طوا ما توقف والنوم ما اعرفه ابي ارتاح واعرف بالضبط شنو في ولدي علشان اقدر ابلش معه العلاج والخطوات والله المستعان— الحمد لله علي كل حال

شكرا لكم حبيباتي

والله يزيكم قوه وصبر والله انا كل ناقرأموضوع لكم ادعيلكم من كل قلبي

يا حياتي حياج الله بينا ترى التوحد تختلف درجاته وانشاءالله الي عند ولدج مو توحد بس احنا ما نقدر انحكم على الطفل لانه ممكن يكون اللي عند ولدج من الدلع او العناد
انا ولله الحمد والمنه ولدي تم تشخيصه يوم صغير بالتوحد الكامل الخفيف وكانت عنده كل صفات التوحد بس الحمد لله الين تطور واااااايد ل ودخل مدرسه
فلا تيأسين وظلي ادعي تى ولولا سمح الله شخصوه فعلا بالتدريب التوجيه والتدخل المبكر وقبل كل هذا ادع له ان الله يرفع عنه ويشافيه
خليج على المراجعه اللي حاطتها واالله كريم يشافيه ويعافيه لج باذن واحد احد

عبير عنها التشخيص الاكيد و الا التطوري كل من يدش عندهم فيه توحد الحمدلله والشكر و بتعرفين الفرق بالتشخيص لما تروحين لعبير

حبيبتي الطب التطوري
تحبيط بتحبيط روحي عند دكتورة عبير وشوفي
شنو تقولج عن تجربه مالج شغل
بكلامهم قطييييييييه بحرررر
الله يبرد قلبج انشالله

عسى الله يبرد قلبج حبوبه .. وفي موضوع مثبت عن التوحد
للأخت ريحانه 14 هي معلمه وتقدر تساعد في أمووره
والخواات مشاعل الشمري وايمانوفا ما يقصرون معاج ان شاء الله باللي تبينه
حياج الله فديتج بينا

حسب وصفج لولدج انا اشوف ان تصرفاته طبيعيه طفل عااادي
وانتي تاكدي اكثر عشان يتطمن قلبج
الله لايروعج ويطلع كلامهم غلط وتفرحين فيه ان شاء الله
كثري استغفااااااار وادعي ربج هو وحده القادر على كل شئ سبحااااااااانه..

الله يحيك ويفديك والله يا اختي اكتب وأنا ابكي الله يعينكم ويصبركم مو قادره اكمل

الله يجزيك ا خير ختي شيخه والله لايوريك مكروه

ويبرد قلبك يا البطله انشاللله

الله يحيك ويفيك يا البطله وانا ادري انتو ما تقصرون ما شاء الله عليكم اسرة واحده

اللهم ان استغفرك واتوب اليك — استغفر الله — استغفر الله — استغفر الله

جزاك الله الف خر يا اختي البطله

شوفي اذا اهو حسب التصنيف كارز من 30 و اقل عبير راح تقولج ما فيه توحد بس تاخر و لازم تمشينه على النظام الغذائي

فنصيحتي يا تردين الطب التطوريعند دكتوره ناهد العتيقي او تروحين فاطمه الهوضي في عيادتها فاطمه كلينيك و اهم شيء لا تاخذين الموضوع بعاطفه علشان يكون ردج على الدكتور ما يظلم الولد

انا ادري ان كلامي صعب بس انا ابيج ما تطيحين في اللي احنا طحنا فيها لان الولد صغير و اذا لا سمح الله طلع فيه شيء تقدرين تساعدينه من الحين

الحين عمر حمودي 7 سنوات و جم شهر صدقيني الاستثمار الوحيد الصح اللي اهو التدريب فان شاء الله يطمن قلبج و ان شاء الله ما يطلع فيه شيء

و طمنينا عليه

انشاء الله ما يكون توحد انتي قلتي كانت باذنة ماي يعني ما كان يسمع يعني ما عندة محصول لغوي .
كان عندي طفل بالروضة من قبل 9 سنوات (بالفترة الي كنت بادية اشك ان ولدي في توحد ) وكنت الا حظ على الطفل انة دايما يلعب بروحة ولما انادية ما يرد علي ويطنش .استدعين ام الطفل وقلتلها ليش اهو جذية هل اهو بالبيت نفس حالتة عندي بالصف؟؟ردت الام بنعم .نصحتها انها تروح وتراجع وتشوف السمع عندة واكتشفت ان بالاذن ماء وبعدين سوولة عملية سحب الماي واللة العظيم بعدها الصبي صار عادي كباقي الاطفال يشاركني ويلعب بس كان بدائي بالكلمات كانة توهة ينطق.

السلام عليكم
انا بنتي اكتشفت ان عندها سمات توحد والحمد الله لقيت العلاج بعد الله عند باحثه سوريه اسمها هيفاء كيالي والحمد الله 80% من الاعراض اختفت وفي اطفال تعالجو على ايدها

ما يشوف شر الغالي ان شاء الله
وخليج على موعدج عند عبير انا رحة لفاطمه العوضي وقالتلي معاه توحد بس ما قالتلي درجته بس قالتلي شلون اتعامل معاه بس اتصدقون
والدكتوره عبير من اول شهر ثمانيه مسافره معقوله ليمى الحين ما ردت ؟؟
ونصيحة اخت اقري على وليدج بعد المغرب والفجر انا احسه صار احسن من بعد القرايه والله انا اللي اقرى عليه بس والله مرات اخاف منه فديته لمى ينزل يدي عن راسه ويعصب وخزني ذيك الخزه
ابي مكان الحداد ولا عرفة اوصله
وبالنسبه لولدج تقريبا مثل وصف ولدي
وازيد عليج ولدي يقعد من النوم مخترع يوميا ويا ويله ابوه اذا شاله ولا المسه بس يبيني مع العلم العصاري والصبح يبي ابوه
والحفاظه ليمى الحين ما قطينها لاعة جبدي وانا اعلمه