|
السلام عليكم ورحمه الله وبركاته
بنات منو فيكم جرب حبوب زيت كبد السمك القد ؟
شكثر بنات يمدحونه زين للشعر والبشرة والاظافر .. بصراحة انا شريته لقيت منه نوعين واحد صناعة المانيه وواحد انجليزيه اخذت الانجليزية من سفن سيز يصراحة الكلام اللي سمعته شجعني يار يت اللي مجربته تفيدنا .وتقول اذا يزيد الوزن ولا لا على فكرة انا سالت الصيدلانية وقالت زين للشعر والبشرو والاظافر وما يزيد الوزن .بس هم تقول اسال مجرب ولا تسال حكيم
انتي تقصدين فيفسكال اللي تجي علبتهم سوده و سعره بـ 20 دينار ؟؟
لا انا مجربه حبوب فيفسكال عجيبين و صج يكثرون الشعر و ينهون التساقط نهائيا اصلا و لا
شعره تطيح منج يوقف التساقط على طول و يقوي الاظافر و يكثف لرموش و الحواجب و قيمتهم
بـ 20 دينار بس للاسف هالحبوب ما عندي فكره عنهم ..
ما عليج امر بغيت اسألج شكثر وبين مفعولهم ؟
لانه انا عندي اياهم والصراحه مو قاعده استخدمهم احس انهم خرطي
واايـــد واايـــــد زيـــن ومفعوله عجيــب
يطول الشعر ويقوي الاظافر حتى عقب اسبوع او اسبوعين تشوفينهم يلمعون..ومفيد للبشره وكل شي
بس انــا لاحظت ان شهيتي انفتحت بعـده..بس بنت خالي لاا ماصار شي
الحين شاريتهم من بوتس الي بلندن يابهم لي ولد خالتي واحـد مالتي فايتمين وواحد كالسيوم والثاني مال الليل..
خلصت علبه فيها 90 حبه والحين بديت بالكالسيوم
صارلي شهر تقريبًا ما لاحظت شي لا ببشرتي ولا شعري ولا أظافري كلللللللش
بس أبي أنطر شوي يمكن ما يبين إلا بعد أشهر يعني شهر مو كافي أحكم عليهم
أنا اللي أستعملهم من سفن سيز فيهم 500 حبة قاللي الصيدلي لازم أخذ 3 حبات باليوم .. الحبوب صغار لونهم ذهبي جنهم حبوب مسباح خخخخخخخخخخ
والعلبة شفافة وغطاها ذهبي عليه رسمة باخرة <==== وصف دقيق
شكلي بجرب فيفسكال بس أخاف فيهم هرمونات .. بسأل إن شالله .. وإذا لقيت فيهم هرمونات ماراح استعملهم
ريفيل ضحكتيني
حتى أنا أحس شهايتي انفتحت وزاد وزني بس ماربطت بينها وبين الحبوب
الصيدلي قاللي هي تزيد الوزن
وشاريتهم من صيدلية الاندلس بس ما كملت نص الغرشة
لانها تفتح الشهية وايد ………..
وفوق هذا سالت عنها صيدلانية فى صيدلية قرطبة ( السالمية )
قالتلى احسن اتركيهم :
لانهم فوووق انهم يزيدووون الشهية ما يتخلص منهم الجسم فى البول لا
تتخزن فى الكبد
ف مو زينييين من هالناحية
مع انها قالتلى ان فايدتهم حلوة للشعر وتبان بسرعة
بس علشااان هالسببين اتركيهم احسن
أنا أخذ مرات 4 حبات
عروبة انتي متأكدة من الكلام اللي تقولينه ؟
ما اتوقع انها مضرة لأنها مو بس يصرفونها للشعر والأظافر بعد كبار السن يصرفونها لهم يعني اللي سمعته أنها صحية حييييل
بس مادري اي نووع