|
|
حبيباتي مو من كثر مواضيعي ….
بس صراحه ما ادري شلون ابدي ….. هل تؤمنون بحب ما قبل الزواج ؟؟؟
يعني رفيجتي قالتلي بطليه موضوع بالمنتدى …..
وهل الحب يحطم العنصريه ؟؟؟ يعني مثلا لو انتي شيعيه واخوج يبي سنيه وعلما بانكم عايله متشدده ..او العكس ….
او لو انتي من عايله … واخوج يبي وحده من عايله ثانيه ….. والعنصريه تمنع هالشي …. هل توقفين ضده ؟؟
لو كانت البنت مافيها شي ومحترمه ومتربيه احسن تربيه … هل بتحطمين سعادة اخوج مثلا او خالج ولا عمج ولا ولدج مثلا … عشان القيل والقال ؟؟؟
وهم نرد للموضوع … هل في حب قبل الزواج ؟؟ وهل الزواج ناجح …. .؟؟؟؟؟؟ واذا مانجح الزواج شنو برايكم الاسباب ….. اكيد تختلف من شخص لي شخص بس يعني الي ببالها الاسباب ؟؟ وبشوف انتو مع حب قبل الزواج او لا ….
الي مروا بتجارب او تعرف احد مار بتجارب … خل نسمع منهم ونشووف … وشنو اسباب العنصريه وهل احنا مع او ضد هالشي ؟؟
ياما ناس حبوا وتعذبوا وعانوا عشان يتزوجون ونهايتهم كانت الطلاق
وياما ناس مايعرفون بعض واستمرت حياتهم بأحسن مايكون
انا تزوجت عن حب والحمدلله حياتي ماشيه يمكن لوما اني احبه ويحبني جان من زماااان افترقنا
على عكس اختي تزوجت شخص ماتعرفه
عقب جم سنه عرفت ان مافيه عيال
و قالت اهو زين مو مهم العيال
والحمدلله الله يتمم عليها انشالله حملت الحين
هالشي بنظري مو مقياس لاستمراريه الزواج او لا
مشكوره خوش موضوع
اي اي ابي جذي مشاركات نبي نسمع لوول .. وعسى ربي يتمم عليج ويتمم على اختج ويسهل عليها ويرزقها اكثر ويرزقج يارب …
بالنسبه حق الحب قبل الزواج اهو افضل من الناحيه انج حبيتي الانسان اللي جدامج بس برايي هالايام نادر الحب اللي وراه زواج
فبرايي ان الحب اللي يكون بأيام الخطوبه اهو الافضل خير الامور الوسط
وبالنسية حق الموضوع الثاني اذا شيعيه او سنيه
بالنسبة لي الحب مايعرف شيعي وسني لان كلنا مسلمين
بس اكو عوايل متشدده بهالناحيه شويه
اعرف وحده اهيه سنيه وحبت شيعي وماتزوجت لان اهله متشددين ومايرضون ياخذ سنيه
يعني حسب العايله
والله يوفق الجمييع
ومشكووره
يعطيكم العافيه
بالنسبه حقي انا ماخذه ريلي على حب واهووو سني وانا شيعيه واهوو بدوي وانا عيميه والحمدالله مرتاااحه معاااااااااااه صارلي 11سنه والله لايغيررر علينا قووولووو آآآآآآمين
اللي الله كاااتبه بصيرر سواء الحب قبل الزواااج او بعد الزواااج
وبصراااحه خوووش موضوووع
شااااكرتلج
عسى ربي يوفقج وبخليلج عيالج ويتمم عليج.. اي والله حيل موضوع حلو بس مادري ييقروون ويمشوون البنات …نبي نسمع بس محد يمنا لووووووووووول
بس ابوها رافض انه بنته تبعد عنه وتاخذ واحد مو كويتى ، وتحطمت احلامها معاه وابتعدوا عن بعض ، والحين اهو متزوج وهى اتزوجت والله يسعدها ويوفقها
انا اشوف الحب مثل الزواج نصيييييييب وحظ
انا حبيت قبل الزواج و حسيت اني ماراح احب غيره بس شائت الاقدار و النصيب اني اتزوج غيره و قمت ابجي و سالفه بس الحمد الله الحين اموت عليه و اهو يحبني و ما اعتقد اني بعيش سعيده مع غيره .. و هذا نصيبي و هذا اللي اختاره ربي حقي … كان دعائي دايما .. اذا ابيشقيني هذا الريال بعده عني ياربي
ما كنت متوقعه انه من نصيبي كلش ملش
اهوا بدون وامبسبل ابوي وخواني يرضووون
بس انحطوا جدام الامر الواقع
وخذاني وخذى طوايف هلي
وحمدلله الله وفقه ووفقني وخلفنا ولدين زي العسسسل على الووبنا
حبيبتي الزواج نجاحه وفشله مو مقياس انه الفشل يعني حب قبل الزواج
بالعكس كل حاله له تشخيص وتفسير بروحه
مرسي بكوو عالموضوع النايس
انا عن نفسي احس اني تسرعت كل الي صار اني كنت صغيرة يوم حبيت والحين اعتبر نفسي نضجت وشفت الفرق
اما عن العنصريه احنا المفروض ان نترفع عنها لكن المفروض شيء والواقع شيء آخر في اشياء تتدمر وفي روابط تتفكك اذا حصل الزواج بمعارضه الاهل سواء لاسباب ترجع للمذهب او غيرها
بس طبعا كل واحد وحظه