جنه العيال بس عيالج عشان تتحملينه عشانهم

انتي واااااايد متشائمه ..

>>>>ههههههههه ليش ؟؟

ان شاء الله تتزوجين اللي يشيلج على كفوف الراحه

ترى والله الزواج حلو واذا شفتي جم نموذج مو زين

هم اقولج احنا الحريم اذا تضايقنا نهول الموضوع

اخذي الدنيا بسهاله .. وخلي علاقتج بربج قويه

ما راح تشوفين اضطهاد

وعلى فكره الزوج اللي يتعطر لزوجته لازم ..

وفي ازواج يكشخ ويهتم بنفسه اكثر من مرته

اصابعج مو سوا وصدقيني انتي تعلمين زوجج

يحترمج ويحبج مع الوقت ويسمع رايك

ونصيحه دايما .. خليها ببالج

" ومن الضعف قوة "

كل ما صرتي عبيطه وغشيمه (جدامه بس )

يهتم فيج اكثر ..

وكلامي هذا مو شرط ينطبق على كل الرياييل

يعني كل ما شفتي اكثر تتعلمين اكثر

اقوول يمال القطيعه الي تقطعهم بس استغفرالله ياربي

احس انتي فاهمه الزواج غلط .. حبيبتي مو شرط كل متزوجه مضطهده بالعكس في رياجيل ينحطون ع الجرح يبرى اصابع ايدج مو سوى حبيبتي انتي

تفائلي ياقلبي وشوفي الزواج من ناحيه إيجابيه ..

صح في رياجيل من النوعيه اللي قلتيهم وهذول موجودين بس مانجمع ونقول كل الرياجيل جذي

انا بسألج انتي متزوجه ؟؟؟

والله يالغاليه تري مو كل الريااااايل مثل مانتي تقولين في بعضهم يشيلوون الزوجه علي كفووف الراحه بس تطلع مع الاسف ناكره العشير ولاتحمد ربهاااا وفي بعضهم يسون للزوج يدهينه لاتنكتين واهو يدووسهاا ويخونها ويمد ايده عليهاااا
انا من راي ومن خبرتي بالزوااااج مسكي العصااا بالنص خلج واثقه من نفسج ذات الشخصيه القويه
سوي واجبااتج تجاه الزوج ودللي عمرج وانتي عايشه علشان نفسج مو علشاان ريلج صدقيني راح تلقين يركض ويهرول ورااااج اما اذا شافج ضعيفه الشخصيه وميته عليه راح يسوي اشياااء لاعالبال وعلي الخاطر الي متي احنااااا ندلل ونفكر ونعصر مخووخنا علشاان التغير بحياتنا تري الغلط فينا مو في الريال دللي عمرج اول وبعدين ريلج

صاااجة اختي نور 78

انتي مخطوبه وجذي متشائمه @@

امبي انا ايام الخطبه لا تشوفين شلون مدلعه روحي ومستانسه وادلع عالكل واحلم بالحياه السعيده

والحمدلله

ريلي والنعم فيه كلمه حق اقولها فيه
مو مقصر معاي بشي

ومهتم بالبيت وفيني

ويكشخلي ويتعطرلي

اشدعوه جذي شايفه الحياه !!

بالعكس اصلا انتي اذا تزوجتي تكونين سيده البيت (خالتي قماشه) لوووول

لا اقصد يعني انتي الكل بالكل ببيتج

ومن قالج الرياييل كلهم يخونون

الخوان ايمانه ضعيف

والنفاس فتره ابتلاء من الله للريال .. يعني اللي خربوطي بيضعف اما اللي ايمانه قوي بالعكس يظل ينطر مرته تردله عروس

وبعدين سوري عالكلمه بس مو كل الرياييل تفكيرهم شهواني

ولا كل الرياييل نفس الي شفتيهم

ولا كل الرياييل نفس النماذج السيئه الي يتكلمون عنهم البنات اهني

الحمدلله الدنيا بخير

والطيبون للطيبات

اولا :

منطق ان المرا تكشخ حق ريلها هذي مو من التعليم ان نقدس الحياه الزوجيه

هذي يصير عن طيب خاطر من داخلنا احنا .
يعني المرا تسويه بروحها بدون لا احد يعلمها شلون وليش

وبالعكس الحياه الزوجيه حلوة

زوجج على ماعودتيه ..

عوديه على طريقتج يمشي عليها

تدرين ليش تصير خيانه؟؟

يمكن صح يكون في تفاهم بين الريال ومرته لكن مايحطون النقط على الحروف
اسلوب الزوجه يصير مشوش بالنسبه للزوج عشان جذي يلجأ لمكان ثاني
لكن كل ماكنتي واضحه وصريحه وياه وتطرحين وجهه نظرج بين فتره والثانيه وتعلمينه شتحبين وشنو تكرهين ونفس الشي تعرفين اهو شنو يكره وشنو يحب اهو بيرتاح نفسيا معاج ومستحيل يخونج

ومبدأ ان الزوج مايكشخ لزوجته غلط × غلط
يمكن يشوفها اهي هامله نفسها بالتالي اهو يهمل نفسه

او ممكن اهي تكشخ بس بيتها وصخ

او ممكن مافي تفاهم بينهم مافي نقطه وصل بينهم

عشان جذي يروح يدور هالوصل بمكان ثاني

وايد اسباب تخلي الزوج يخون بس الاكيد ان مافي شي بدون سبب

تدرين في ازواج يخونون من كثر ما زوجاتهم يدلعونهم؟؟
لان مثل ما المرا تدور نقطه قوى في الريال هم الريال يدور نقطه القوى بالمرا

المسأله كلها مسأله وقت وتفاهم ومبدأ وصبر
لا اكثر ولا اقل

والزواج حلو لا تشوفينه بنظره تشاؤوم بالعكس هذي سنه الحياه

المرا مسكن لزوجها ومكان راحته واستقراره والعكس صحيح

اولا .. اصابع ايدج مو سوا .. مو كل الرجال يخونون .. مو كلهم مو زينين .. مو كلهم معفنين هع

ثانيا .. مو معناته مشايخنا رجال يعني يهمهم حقوق الزوج فقط ..!

القران والسنه موجودين ولنا عقل وفكر نبحث ونشوف .. بالعكس شكثر يتكلمون عن حقوق الزوجه والرسول -صلى الله عليه وسلم -قال : ( ورفقا بالقوارير ) ..

المشكله مو بالمشايخ المشكله بالشباب الي مايعرفون ابسط امور دينهم ..

يعني انا بعد عرسي باشهر ..

جاني زوجي مستاااااانس قالي .. تدرين اذا طلعتي من وراي تلعنج الملائكه ..! }}} عباله جايب شي جديد ..!

قلت له .. آدري .. بس انت ليش مستانس بالمعلومه القديمه هذي ..!

قال :توني آدري عنها لما قريت كتاب عن الحياة الزوجيه بدوانية واحد ..

قلت له وشنو قريبت من حقوق الزوجه .. رد علي وقال .. مانتبهت .. آهم شي حقوقي ..

يعني الشرع عطانا حقوق في حدود المعقول نقدر نتصرف على آحكامها بس العيب الجهل الي فينا ..

ثالثا .. المره اذا صبرت على شان عيالها مو معناته انها ضعيفه .. بالعكس آقوى نوع من جهاد النفس هو الصبر ..

وتكتب لها الجنه عند ربها .. يعني شي مو هين الصبر والعاقله الي تصبر ..

الزواج مو طقني واآطقك بالعكس الزواج اسمى من الشي هذا .. محتاجين بس حسن التصرف ..

هذي الدنيا