|
|
جربتي إبرة الظهر من قبل بالولادة؟
اشرايج فيها؟
انا عن نفسي جربتها مرتين بالقيصري
اول مره مادري شالسالفه قلت ايه عطوني ابرة ظهر يمدحونها
بس وقت ما انا آخذ الابره خفت … ولما بدأ الدكتور بالعملية توترت توتر مو طبيعي عطوني كمام لاني بديت اتكلم وازعجهم
بالقيصرية الثانية الخوف من اول التاسع ولما دخلت وبدت الدكتورة اطقني الابرة قلت خلاااااااااااااص ابي بنج كامل…. لكن هو دخول الحمام (عزكم الله) زي خروجه!!! طاح الفاس بالراس ودخلت الابرة ومدتها للي ما تعرفها عشر دقايق الى ربع ساعه وانتي قاعده وحاضنه مخده ومدنقه
الحين صارلي شهرين ونص من سويت العملية لكن احس بآلام بظهري ولما اكون قاعده وابي اقوم ما اقدر افرد ظهري على طول اكون مثل الي محدب بعدين اوقف عدل بالاضافه الى ان رجولي احسها مخدره الى الان
الحين افكر المره الجايه شنو آخذ<<<<< تو الناس يا الحبيبه
مو مني من الرعب الي فيني بس شكلي بآخذ بنج كامل
الي جربت ابرة الظهر تقولنا تجربتها
آآآسفه اذا كنت طولت عليكم مع اني اختصرتها لكم .gif "Eh S(8)")
شي خيااال شي مو طبيعي
الله يسلم عقل الي سواها
انا كنت ماابي اخذها و شبعت طلوق ..بس الفحص الي يذل خلاني اصرخ من قمه راسي ابي ابره ظهر
و صج اني كنت خايفه بس قبل الولاده انا استخرت اذا فيها خير لي اخذها و اذا لا ربي يسهل علي بدونها
و الحمدالله اني اخذتها لولاها جان مايتني الطاقه و لا القوه اني اطلع بنتي لاني من الساعه 8 الصبح انا بالمستشفى ماولدت الا الساعه وحده الفير اليوم الثاني ..و كانو بيحولوني قيصري و يابوا السجاجين و حطوها جدامي بس ربي ستر و قدرت اركز و اسوي بوووش و الحمدالله طلعت شيوختي
قلت قصه حياتي
بس صج انصح فيها بعد استخاره ربكم و ربي يسهل عليكم
و لا تصدقين كلام البنات اللي تقولج كثرة استعمالها موزين او انها مع المده إييلج عوارظهر أو تسوي ديسك لاااا لأنه آنا سألت دكتوره استشاريه و متخصصه عن هالشغلات و قالت لي عااااادي ما فيها اضرار و لا شي و بالعكس احسن من البنج العام .
موفقه
انا جربتها بالصباح قيصري تهبللللل و لا قعدت لامة المخدة عشر دقايق بالعكس ثواني جان يقولي الدكتور انسدحي و حمدلله ما فيها شي لا توسوسين و لا شي يمكن انتي جسمج تعبان
انا بنت عمي ما خذتها بثلاث و لادات بمستشفى المواساة و الحمدلله مافيها الا العافية
بس الاكيد بصلي صلاه استخاره والله يكتب لي الخير
اخت دمثه توني ادري ان اسمها ابرة الرحمة
.gif "Eh S(12)")
انا معاكم انها حلوة خصوصا انا قيصري يعني ما يحتاجوني في بووش ولا دفع … يجيج شعور رهييييب لما تسمعين صوت البيبي وهو مطلعينه وانتي مو تعبانه ولا فيج شي
بس خوفي انا تدرون من شنو ؟
بس لا تضحكون علي!!!!
تجيني وساوس مثلا دكتور البنج مو شاطر او انا اتحرك ويصير فيني شي؟
غيرها من الوساوس الثانية
بس ارجع اقول ان الابرة الثانية لما خذيتها مو نفس الاولى…. الى الان تعبانه منها
في ناس يقولون لي يمكن مازال آثار البنج فيج 