ثقب بقلب طفل رضيع شنو هالمرض احد سامع عنه ؟ :(

السلام عليكم

بنات بدش بالموضوع على طول

السالفه وما فيها انه وحده من الاهل توها والده واهي الحين بالاربعين ويابت بنت

ودتها الطبيب لما فحص الدكتور قلبها قال انه دقاته مو طبيعيه وحولها على اخصائي القلب

وسوولها اشعة ملونه وشافوا انه في ثقب بالقلب

والحين الام منهاره وتبجي وتحاتي البنت

واللي يعافيكم طمنوني شنو هالمرض وشنو العلاج وفيه خطر عالبيبي ولا لا ؟؟؟ وفي وحده منكم سمعت عن حاله جذي وشنو تنصحوني وين نوديها وشنو نسوي ؟؟

يالله بنات طمنوني ناطره ردكم وماقصرتوا ..

حبيبتي الف سلامة للبنت وانشالله ما عليها الا العافيه

كل نقص جيني في الحمل يسبب حالة مرضية او اعاقه والحمدلله انها جت على هالشي لان اطفال يولدون ناقصين ذراع تخلف ذهني بسيط او كلية واحده وحالات كثيرة وانتو بنيتكم ثقب بالقلب اسم الله عليه الله يشفيها وحسب علمي وذاكرتي المحدوده ان في عمر معين يسوون عملية للطفلة يغلقون الثقب وهذا الكلام قديم والحين الطب تطور وما كو الا العافيه حبيبتي ربي يشفيها ويشفي امته ودخلي على جوجل اقري عن هالموضوع اكيد بتلقين معلومات شاملة واكثر دقه واوضح طمنينا عليها طمني امها لاتبكي مو زين للنفسا الزعل وربج موجود .

محد قادر ينام كلنا نبجي عليها

عين ماصلت عالنبي

مشكورين بنات على ردكم
ام منصور فديتج تسلمين على الدعوه
جاي الضحى مشكوره حبيبتي

والغاليه ام هباش انتي على راسي من فوق والله حبيبتي مشكوره وايد على وقفتج معاي بالخاص ربي يوفقج دنيا وآخره

نسيت اقول لكم انه نوعه اهو ثقب بالاذينيين بالتحديد

والله انا سمعت عن حالات جذي
وساعات سبحان الله يتسكرالثقب بروحه
او حالات تحتاج عمليه بسيطه
انشالله مافيها الا العافيه وربي يقومها بالسلامه وتفرحون فيها

مشكوره ياقلبي

حبيبتي والله لا يضيق خلقكم عارفة انها بيبية صغيرة خايفين عليها لكن في الي عينه ما تنام ارحم مني ومنكم عليها وشنو كاتب لها خيرة محد عالم الا الله سبحانه وتعالى يارب يشفيها وتفرحون فيها عروس يارب .

وهالموضوع الحين امره سهل مو صعب مثل ما تتوقعين وقد يكون الثقب ما يحتاج عمليه وايد حالات كل الي عليها توديها متخصص للقلب اهو ادرى بحالتها واذا صار وما ودكم تسوون العملية بالكويت اختارو مستشفيات في الخارج اقرب مالكم لندن وانشالله ماكو الا العافيه يارب طمنينا بعد ما يشوفها دكتور القلب .

لا تبجين حبيبتي فديت دموعج ودعيت لها بالاذان ربي يتقبل منا اجمعين .

بعد قلبي الله يخليج لي

ويحفظ عيالج يارب ويخليج لهم ويخليهم لج

فديت قلبج بعد قلبي

حبيبتي انتي ديري بالج على عمرج وان بغيتي شي ام منصور يمج على طول وربي يفرح قلبكم بخبر حلو عنها قريب يارب اقري قران وطلبي ربج الدعاء مستجاب اليوم الجمعه قبل صلاة المغرب بساعة اكثري من الصلاة على النبي عليه الصلاة والسلام وربي يفرح قلب اميمتها بلي يسرها يارب .

ما قصرتي يالغاليه :*

الله يشافيها يارب

اعرف وحده معرفه بعيده شوي بس سبحان الله بناتها 2 فيهم نفس الشي وحده تسكر منه ومن نفسه لمن كبرت شوي ووحده الحين فيها يمكن 18 بس لمن كانت صغيره كل ماكبرت اشوي سوولها عمليه بس الحمدالله كاهم عايشين ومافيهم الا العافيه

bint_looda

مشكووره يالغاليه :*

الله يشافيها ويعافيها هالحاله منتشره عندنا واغلب الاهل يرفضون علاج عيالهم في مستشفيات الدوله الاغلب يسفرونهم لندن او امريكا ويسوولهم العمليات هناك طبعا العمليه تتسوى على حسب وزن وعمر البيبي اذا كان وايد صغير سمعت انهم يرفضون يسووله بس صدقيني الحمدالله كل الحالات اللي سمعت عنها تعالجت من غير اثار جانبية والحمدالله صح انه ياخذ وقت بس الحمدالله ما ضرهم فاطمني وطمني ام البيبي

حيا الله بحبايبنا اهل الامارات

فديت قلبج تسلمين يالغاليه وماقصرتي

الله يحفظ لج احبابج من كل شر ..