تنظيف المنطقة الحساسة بالمسك

وطبعا للامانه الموضوع منقول

من إحدى المواقع وأنا حبيت اطرحه لكم عشان تستفيدون منه

هذا الموضوع يتكلم عن نظافة المنطقة الحساسة و استخدام المسك

بنات خلوا كل شي تستعملونه نظيف الآن هالخلطه بنستخدمها لمنطقه حساسة في الجسم

و هاذي الأغراض المطلوبة

مسك عبد الصمد القرشي (( أحسن شي ))
– ماء ورد
– ماء عادي
– غرشة ذات غطاء محكم

أولا: روحي عند عبد الصمد القرشي وقولي له ابي مسك الحجر ريحته روعة المكعب الواحد بدينار

ثانيا: خذي نص قطعة المسك و لفيها بنايلون عشان النظافة وما تتوصخ

اطحني نص حبه المسك بس ما أتخلينها بودرة لا يعني فيها كسر

ثالثا: إحضار غرشة أو إناء يوضع فيه نص ماء الورد ونص ماء عادي

ويصير أتزيدين على حسب حجم العلبة مو شرط تتقيدون بالكميات
وحطي المسك و ماء الورد و الماء العادي مع بعض في الغرشة قابله للقفل ((يعني أم غطاه))

وبعدين رجي الغرشة زين لين ما تتخلط المحتويات((طبعا المسك ما راح يذوب))

رابعا: تحضرين القطن اللي على شكل دائري وتطوينها نصين يعني تصير نص دائرة

وتغطسينها في الخلطة وتمسحين بها المنطقة من فوق لين تحت و الخلف بعد…

للمتزوجات لازم أدخلين القطنه داخل … والبنات بس من بره.

((يجب مراعاة النظافة التامة يا بنات … يعني لا تغطسين القطنه أكثر من مره عشان ما تنتقل الجراثيم في العلبة))
وتستمرين بهاذي الطريقة
بعد ما تخلصين من الدورة ولمده 3 أيام متتالية
و اذا كنت حابه بعد الاستحمام و وقت الحاجة طبعا
وشوفي النظافة والريحه الحلوة ((حتى الريحه تعلق في ملابسج الداخلية))
و انسي شي اسمه التهابات آو حساسية و إفرازات و روائح كريهة…
أنا أنصحكم بمسك عبد الصمد القرشي عشان هو الأصلي و يكون معقم ولا تستعملون شي ثاني .

مشكورة حبيبتي

يعطيج العافيه حبيبتي
وانا اضيفلج استعمل مسك الحجر الاسود ربع توله ب16 دينار وبعد الدوره استخدمهاا
وقت الجماع بعد احط منهاا روووووعه شوي عليهاا حتى الحمام بتطلع ريحته تهبل لما تغسلين فيها
وفي الابيض حق الجسم شي خيال مع البخور

موفقه

موفقه

مشكوره قلبي ماتقصرين

مسك الحجر الأسود تستخدمينه على المنطقة الحساسة ؟ عادي يعني ما يحرق أو يسبب مشاكل ؟
أنا شارية مسك العروس الأبيض من القرشي أستخدمه حق الجسم ريحته روعة ، بس مشكلته يدبق مادري ليش؟
وعندي بعد مسك الطهارة الأبيض من الفودري التولة 16 دينار يقولون ممكن استخدامه حق المنطقة الحساسة بس أنا أخاف يأثر بس أستخدمه للتعطير من الخارج فقط

مسك الطهارة الاسود هو للمنطقه الحساسه

والمسك الابيض لااازم يدبق بس يهبل ررريحته رووعه تقدرين تستخدمينه بدال الديودرينت

ويعطيج العافيه عالموضوع الحلووو

مشكورة حبوبة

مسك الطهارة لونه اسود على بني يعني مو اسود حيل

والطهارة بالمسك سنه وموصي عليها الرسول عليه الصلاة والسلام

بس مو عارفين هل هو المسك الحجر او المسك السائل الاسود

انا عندي الاثنين بس ماني بعارفة الاحسن وين والله ضعت

بنات انا خايفه استخدم المسك
ومو عارفه الطريقه شلون
بالضبط ؟
يعني بعد الحمام استخدمه وبشكل يومي ؟ ولا شلون بالضبط؟
انا بروح القرشي اخذ منه
شنو اقوله ؟
اقوله ابي مسك الطهاره ولا المسك الاسود ؟
ادري دوختكم بس خايفه استخدمه

مشكوووووووووووووووووووووووووووووووووووره وجزاج الله الف خير
انا كنت سامعه بالمسك بس مو متأكده وخفت اجربه لاني مااعرف طريقه
ع العموم مشكوووووووووووووووور
(:

جزاااااااج الله الف خير حبيبتي….

يعطيج العافيه

بجربه من زمان بس خايفه

بنات انا شريت المسك من السعوديه ابراهيم القرشي هذا اهوا ولا لأ؟؟؟؟؟