|
|
قبل فتره رحت راجعت دكتورتي لام الدوره متأخره على وايد وما كنت حامل
سوتلي سونار وقالتلي انه عندج ضعف في و تكيس بالمبايض وعطتني حبوب عشان تنزل الدوره ونزلت الحمدالله
واخر مراجعه قالتلي ان في علاج يديد حق حالات تكيس المبايض واهو انهم يعطونهم علاج السكر (حبوب اسمهم جلوكوفاج glucophage)
انا متردده وخايفه……..اذا في وحده مرت بهل تجربه لاتبخل على بالمساعده او اذا وحده عندها تكيس بالمبايض خل تقولي شلون عالجته
مشكورين
.gif "Eh S(1)")
اسم الحبوب دايم اقرا عنها بالمنتديات بس والله ماعرف عنها شي
انا مره طلعتلي اكياس صغيره وسألت الدكتوره قالت بسبب زيادة الوزن..لان وقتها زاد وزني
قالتلي ضعفي واهم ينزلون من كيفهم مع الدوره
بس كل حالة تختلف عن الثانيه
انا اختي طلع فيها بس كان حجمه كبير وسوت عمليه وشالته
وخليج على كلام الدكتوره واستخدمي الحبوب وان شاءالله مامنها ضرر باذن الله
دام الدكتورة واصفتهم لج مامنهم خطورة بس ترى اول ماتاكلينهم اول اسبوعين راح تحسين بلوعه وتكرمين اسهال ترى عادي لا تحاتين بعدين بتعود جسمج وكل هالاعراض راح تروح
وربي يرزقج ان شاء الله يالذريه الصالحه اللهم امين
طيب دكتورتج ما قالتلج من شنو طلع فيج؟؟انا هم فيني ومو عارفه من شنو سبحان الله وكل ما رحت لطبيبي يقولي علاجة يا الحمل يا حبوب منع الحمل عاد قلتله والجلوكوفاج ينفع ؟؟ جان يقولي خلاص اخذيهم عاد انا خفت بصراحة الصيدلانية تقولي هذيل حق مرضى السكر واحنا هالمرض وراثه فينا فخفت يلخبطلي الدنيا وعلى الله …
وقاعده استخدمهم للتكيس —> توني باديه فيهم ماصار لي شهر
وانا الحمدالله ما مريت بهالتجربة
بس مادام الدكتورة واصفتلج هالدوا لا تخافين ولا تحاتين
وما عليج الا العافية والتكيس سهالة انشالله بالادوية اللي يعطونج وينزل يروح
وانتي لا تخافين خلج على كلام دكتورتج وايد احسن
واذا الدكتوره قايلتلج عن الحبوب توكلي على الله واخذيهم وانشالله اتشافين والله يرزقج الذريه يارب
ياني التكيس لانه وزني وايد زاد بالفتره الاخيره والحين الدكتوره خليتها تعطيني ديان وعطتني معاهم الغلوكوفاج وقالتي ظروري اتنزلين وزنج بس اذا كلش كلش ماكو فايده راح تلجا حق الكي بس مو الحين لمه ايي عريس الغفله
وامي بعد قالتلي كان فيها تكيس لمه شالتهم احملت فيني فانتي دام انها معطيتج علاج توكلي على الله وسويه بالاضافه الي تجارب البنات
وماتشوفين شر حبوبه 