تفضلوا شوفوا فكرتي لنهاية الحصه ^ _ ^

الكتاب اللي فيه صور لصق عن موضوع محدد

الطعام ……..الالوان…….الاعداد ……وسائل النقل

مثل هذه شوفوها

[IMG]

اشتري بس اربعه من نفس النوع لكل مجموعه كتيب

واوزع معاها ورقه A4 مكتوب فيها المطلوب تلصيقه

واول مجموعه تخلص هي الرابحه …..طبعا هدايا من ابو ميه

لا ويطير عقلهم بعد فيها …..ياحليلهم

معلومة اضافيه ……خلي ورقتج ممتعه يعني fun

مثال ….انا سويت عن الطعام في سنه ثانيه وهذا الكتاب اللي استخدمته ….

[IMG][/IMG]

وشنو كان المطلوب ….؟؟؟

كان المفروض كل مجموعه تلصق من الكتيب صورتين للطعام اللي ابيه

شنو سويت …؟؟؟؟

طبعت ورقه فيها صورة شخص على كبر الصفحه وبطنه كبير مربع

تقدرون تسووونها بالورد من اشكال تلقائية ….راس مدور وجسم مربع ورجول مستطيل

وبس ….المهم …بعد ما سويت الشخص …خليت

يطلع منه كلام يقول ففيه اللي يبيه من انواع الطعام …..وعلى الطلبه

انهم يلصقوا الطعام المطلوب في بطنه ….بعد ما يقروا كلامه ……

طبعا سويت اربع اورق لكل مجموعه ورقة

اشرايكم ……طلعت وناسه ولووول

وانا اشجع منو اسرع ….طبعا كل مجموعه طعام غير

عشان ما يغشون بعض

المهم ….بعد التدريب عرفت قدرتهم على القراءة والمطابقه ومعرفة الطعام وهذا اللي ابيه

ايضا عندي فكرة على الالوان بنفذها …..وهذا كتيبه

[IMG][/IMG]

وبحط بالورقه ….صورة هذه الصحن مال الالوان اللي دايم مع الرسامين

نفس اللي بالفانيله

عرفتوا ….وراح اطلب من كل مجموعه تلصق اللون اللي انا طالبته

هاه …….شرايكم

صدقوني يا بنات جربوها وماراح تندمووون

تنفع في كل المواد

اذا انتي علوم وعندج عن الاالوان او الاجهزة اوا الاعضاء او وسائل النقل

راح تنفعج روووعه

اذا انتي دين في عندج عن خطوات الوضوء او الصلاه او المساجد او اي شئ ثاني

اذا انتي رياضايات في عندج كتيب عن الاشكال والاعداد ….روعه اذا بتعرفين مدى استيعابهم

اذا انتي اجتماعيات او وطنيه …في كتيب الاعلام …او مظاهر الكويت …او الجو

اذا انتي عربي ….كتيب عن الحروف …والكلمات …وغيرها

وغيره غيره من المواد

الى هنا وصل ابداعي …..انتوا كملوا بابداعكم

اتمنى اكون افدتكم يا بنات …..ونفعتكم

انا على طول اشتري من هالكتيبات واخليها عندي

تنفعني وقت الوهقه …زياره مديرة ولا موجهه ولا غيره

تحياتي اختكم