|
|
مرحبا كويتيات
حبابي انا توني بديت بالشهر الثاني >>>>>>>>>>> يعني لي يومين تقريبا..
تعبت تعبت تعبت تعبت دايم دايخة وابي انام وما اشتهي شي من اشم ريحة طباخ تلوع علي جبدي واحس اني بستفرغ واللوعة على طول معاي 
(( ولله معاناة كارهة نفسي وكارهة الزوارت وكاره الناس مو عارفة شسوي…….
بلييييز بنات ابي حل اذا تعرفون اكلات تخفف هالشي او اعشاب مجربينها قوليلي عنها والله يجعله بميزان حسناتكم يارب
فانتي روحي الدكتور وقوليله ان مانفعت الحبوب للحين يمكن يزود لج الكميه والله يسهل عليج يارب وبالنسبه للناس وهالسوالف انسيهم خخخخخخخخخخخخخخ انا والله يمكن لي الرابع الى صرت اطلع وموكل مكان طلعات خفيفه والله كريم يارب وانشاءالله تعدين الايام على خير والله يثبت الي فبطنج
شوفي اختي في دكتور تغذيو يقول اذا اكلتي بسكوت بس مو اللي بالكريمة اول ما تقعدين من النوم يخفف عليج
وبعد التفاح والحليب البارد والخيار
كلهم بخففون من الحموضة واللوعة
ولا تاكلين ادوية حرام البيبي بذمتج لا يصير فيه شي
وما تشوفين شر
اذا انتى مانفعت معك الحبوب تحملى مافى حل
انا نفس وحامج واقو منج بعد عندى اربع اطفال وللحين ما لقيت حل للوحم تحملى
ولك الاجر
راح اقولج اللي نفع معاي ….خبز المحمش..أو التوست الاسمر والساده المحمص…
والتفاح الفرنسي…يخفف الغثه من الاكل..
وأهوي البيت…اجدد الهواء دايم..
ولا اتعطر..ولا زوجي طبعا..
وآكل ببطئ شديد ..يعني آخذ وقتي ولا استعجل..لو اكلت عادي رجعت وانتو بكرامه…وعلى كميات صغيره وعلى فترات
ولا اقوم بسرعه من الفراش..
وان شاء الله تروح عنج كل ما كبر البيبي
الريماس
ام غدي
الريان
تسلمون حبايبي عالردود والله يوسعها عليكم دنيا واخرة
وشكرا عالدعوة الحلوة واللهم امين
ويالله يارب تعدي هالمرحلة بكل سهولة ويسر ويخفف التعب يارب ياكريم
ويثبت اللي ببطني ويرزقني هون الحمل والولادة يارب…
جربت كل شئ ولافادني ألا علج من الصيدليـه يخفف اللوعه والحموضه روعه وشئ عجيب إسمه chooz
جربيه وإدعيلي…وهذي صورته
اكلي بسكوت مال المطاحن انا مانفع معاي الا هذا
مشكوره حبيبتي وبغيت اسألج العلج هذا يسبب اضرار للبيبي والا لأ ؟؟
ويسلمو ع المرور ………
ميومه
الله يقومج بالسلامه وما قصرتي حبوبه ………..
ومشكورين حبايبي ع الدعوات الحلوه ……………
وقالوا لي جزئي الاكل يعني التوسته خليها على 3 مراحل بس هم مافاد معاي كلش كنت اكل لقمه على طول ارجعها تكرمين والعلج الي قالت عنه انا توني بديت استخدمه لان ساعات تصير فيني حموضه والدكتور قالي على هالعلج وربي *** اول شي اكسره بحلجي وامصه شوي ما اتعلج سيده وبعدين علجيه سيده تروح الحموضه بس انا اتوقع انتي الحين مو حموضه انتي لوعه الى اذا كنتي غير عني انا توه هالشهر بدت تصير فيني من العصير والصمون اذا مو محمص وبس اكل العلج تروح الحموضه والله يسهل عليج وعلينا يارب ويرزق كل محرومه
العلج مامنه أي ضرر إن شاء الله وهو مخصص للحوامل ..والصيدلي هو اللي عطاني إياه ووصاني فيــه ومن أول شهر ليما الولاده وأنا أستعمله والحمدلله مافيني إلا العافيه ….
الله المستعان يالله الصحه والعافيه
حبيبتي تسلمين ما قصرتي والله يجزاج الخير كله وبجربه واشوف ان شاء الله
من اي صيدلية شريتيه؟؟؟…
جورية
اي ولله تعب حيل الله يعدي على خير يارب ويسلمو عالمرور..