تعباااااانه حيل والتعب ذابحني

السلام عليكم يابنات المنتدى انقذوني وساعدوني قد ماتقدروووون
موضووعي خطيييير جداااا وشي بعمركم ماراح تصدقوونه
اول شي انا متزوجه صارلي 5سنين وعندي بنتين ومن اول ماتزوجت وانا مستخفه ياماشاكل يااصارخ يااتهاوش واتذابح مع خواتي وكله اصرخ علي امي وعلي اهلي مااحبهم مااحب اجيهم ووكله اتخيل انهم سبب تعاستي وانهم مايحبوني كلش مع انه شخصيتي ماكان جذيه قبل الزواج كنت راعيتدين واحب اتغشمر مع الكل وماكو احد مايحبني حتي الخدم اسولف معاهم بس تغيرت من دشيت علي بيتي وانا ابي اكون صريحه معاكم ابوي مطلق امي وانا عايشه عند خوالي وابوي مايدري عنا من زمااان ولما تزوجت كان هدفي اني اهتم بزوجي واريحه وارتاح معاه ابيه يدلعني ويعوضني عن كل شي طاااااف واعتبرته ابوي قبل لايكون زوجي حتي خالتي عديتها مثل. جدتي اللي ربتني والله يابنات ماابالغ اقسم لكم بالله اني حيييل كنت طيبه معا خالتي وبناتها وكل شي اسولف فيه معاهم واستانس لي قعدت معاهم اما زوجي كان لي دش البيت جنه داش علي ابليس اعوذبالله منه كل اتهاوش وازعل منه واروح لاهلي وفوق هذا مااحب اقعد عنهم اقعد ادقدق عليه لين يرد واذارد اتعذر له واتأس لين يجي ياخذني*
جبت بنتي الكبيره انا توقعت اني كنت وحام وقلت بيرووح لي ولدت يمه لوتدرون شصاار زاد جنووني واستخفيت وجم مره اكل حبوب بذبح نفسي والله يستر علي والله ولاكنت اصلي ولااحب اقرا قرآن ظل الوضع نفس ماهو لين جبت بنتي الثانيه ونفس الوضع وصاار اسوأ ليش لاني اكتشفت انه خالتي الله يسامحها تحرش ولدها علي بكل شي تافه اطلع موضوووع وماخفي اعظم والله محد يقوووم بالعزايم غيري ومحد يقهوي غيري ومرت حماي اللي معاي بالبيت ماجنهاموجوووده ياطالعه ياسهرانه برى يانايمه يعني مانشوفهاالا بالمناسبات وزوجهاولايدري عنها المهم شرينا بيت والبيت بأسم زوجي وبأسمه امه وانا لي حق السكن لأني بدووون وفوق هذا مايبيي يجنسني المهم هني لما سكنا سكن معنا حماي اخوزوجي الصغير هو وزوجته اللي كله طالعهوفكتلها سياره ياناس ماعندها سالفه الا انا انتي احسن مني ياحظج زوجج يحبج ويوديج ةيطلعج ووووووو وهي ماتدري اني بكل طلعه انتهاوش اناوياه وموضوعنا امك قالت وانتي قلتي ووووو وجم مره ارووح لاهلي منحاشه تالي اللليل ويجي يردني وطلقني مرتين والله الاسبااااب تافهه بس العقوووول صغيييره يعيبون علي وعلي ابوي ليش قاطني وعلي بناتي يقولون معوقاات وهم مافيهم شي ويجي الوقتاللي اكشفهم فيه انا كل ماجبت خدامه اتهاوش معاها واطردهاوهو يزفني ويطقني والله طقني طق دخلني المستشفي بين الحياوالموووت كان برمضان والله ولاسال عني لاهو ولا اهله*
واروح مع امي لوحده تقرا قالت انتي مسحوووره وملعوووب فيج واللي ساحرج مرت حماااج وامه وخواته مايبونج هو يبيج وهم مسويلج عمل عشان تكرهينه وتهاوشين معااااه وهو يكرهج المهم رحت البيت قالتلي اواظب عالصلاه واكرى المعوذات والقرآن واذا فيه خير لي بيرجع وقعد 3شهوووور نزلت 20كيلووو السحر في بطني وبالقولوووون مايطلع الا اذا سويت اللي قالت عليه عطتني سبوح وشراب مقري فيه وادويهوبخووور والمرا هي ام مشعلورديت البيت وطلعت مره ثانيه وطحت طيحه قويه شفت مرت حماي بعيوني تكت علي باب الشارع شي لونه اخضر بودره جنه حنا وماطلعت بنفس اليوم طلعت عقبها بيومين والله وكيلكم ماحيت من عقب الدوسه طلع السحر الاسوووود اقوي *** يبوني اطيح انشل اقعد بالفراش بس ايماني بالله قومني وقواني عليهمرديت البيت وزوجي دري اني مسحوووره بس مايدري من منو كل يوم اقووم من النووم بالليل اروح الصاله القي حريييييم واجد قاعدين عندي واحاول اطلعم مايطلعوون ومره تحلمت اني قالتلي وحده ترا السحر مقطووط بالوعت حمامج كرمكم الله واشوفه بعيني مقطووط وكل اتحلم بمرت حماي اني بخنقها وبذبحها واني دايم احاول اترصدلها عند الباب واخنقها وحلم ثاني انه كان في جسمي نمل ةاجد داش بأيديني تحت الجلد وانا اعصره واطلعه واليوم ماقدرت اتوضي عشان اصلي احس اني حيييييل تعبت ودي استسلم خلااااص ابي اتطلق وارد انا اللي قبل بس ماابي اخسر زوجي وبيتي توني مأثثته وتعبانه فيه حسبي الله عليهم اذا صج هم اللي ساحريني اهلي يدروون بالموضوووع من اوله لي آخره ويبون يعلمووون زوجي مرت حماي كل يوووم تطلع وترد بالليل وهم يقولون لزوجي اني اخونه واخذ فلوووس من ناس والله اني شريفهواحسن منهم ولاعمري اذيت علي احد ليش يعاملوني جذيه مع اني كنت خادمتهم وحييييييل اعزهم*
قولولي شسوي انصحوووني ترا حييييل تعبااااانه

ابشركم زوجي دري بموضوووع منووو ساحرني امي علمته وانصدم

الله يعنيك يارب ادعي ربك في صلاااه الليل

باختصار

طلاق امك وابوك وتربيتك ببيت الجده

اثر كثير على سيكلوجيتك النفسيه

انصحك بمراجعه معالج نفسي

حتى تحبي نفسك اولا

وبعدها ستحبي المقربين

فوفو

انا اعتقد من اسلوبج ان في عندج ترسبات نفسية بسبب ان ابوج مطلق امج ….

عادي حبيبتي هذا شي موبيدج – بس الله يفرجها عليج ويعوضج بلم الشمل مع ابو بناتج

السحر حق حبيبتي وانذكر بالقرءان ..

عسى الله يشافيج ويقومج بالسلامه .. نصيحتي لج انج تقاومين وتحاربين الدنيا باللى فيها عشان توقفين علي ريلج وتتخلصين من السحر اللى فيج ..

لانه ريلج يحبج ويبيج بس اللي حاصل من الناس اللى ما تخاف الله ومسويتلج هالبلا عشان يفرقون بينج وبين ريلج ..

قاومي يا حبيبتي وهذا انتي الحين تقولين ريلج درا بالموضووع وان شاءالله يساعدج ونصيحه لج .. لا تقولين حق احد انكم تدرون انج مسحووره ولا تقولين انج قاعده تتعالجين

سوي شغلج كله بسكااات من غير محد يدري …

عشان ما يجددون السحر لج ..

وعسى الله يكافيج شر شياطين الانس والجن ..

قال تعالي : ان عبادي ليس لك عليهم سلطان الا من اتبعك من الغاوين .. صدق الله العظيم

عزيزتي لا شك ان هالايه الكريمه ماره عليج ..
اذا كنتي مقتنعه انج مسحوره ابيج تقتنعين بمعنى الايه الكريمه كلام الله عز وجل اعظم واقوى من اقوى *** او عمل او كيد ..!

ولا تنسين ايضا كلام رب العالمين (( وماهم بضارين به من احدْ الا بأذن الله ))

وقولة تعالى (( وما اصابكم من مصيبة فبما كسبت ايديكم ))

الحلول كلها بايدج عزيزتي ..
تعمقي بعشق رب العالمين وبالايمان بقدرته وانه سبحانه وتعالى هو الضار وهو النافع وهو المشافي المعافي
مو السحر ولا ام مشعل .. ولا غيرها .. اهم مجرد وسيله .. وصدقيني اذا الانسان من داخله ما آمن وماوثق بحكمة رب العالمين هالعلاج ماراح يكون دائم .. يمكن ينفعج يوم يومين بس ماراح ينفعج على طول .. التحصين من شر الجن والانس سهل جداً
ايمان برب العالمين قلباً وعقلاً وروحاً .. وباجي الدنيا خليها ورى ظهرج ..
حاسبي نفسج ..
هل انا مقصره مع ربي عشان استحق العقاب ..؟؟ اذا بدر منج تقصير حاولي تصلحينه واذا حاسه انج مو مقصره ابداً صدقيني ربج ماراح يضرج لان الايه الكريمه تقول وما اصابكم من مصيبه فبما كسبت ايديكم .. المصايب تطول البني ادم بسبب تقصير او ابتعاد عن الله عز وجل ولكن الانسان القريب المتعلق برب العالمين صدقيني ماراح يكون للسحر او المس عليه سلطان .. ان عبادي ليس لك عليهم سلطان الا من اتبعك من الغاوين . صدق الله العظيم

الله يحفظج ولا تنسين كلمة حسبي الله ونعم الوكيل بعد كل صلاة سجدي شكرا لله وقولي حسبنا الله ونعم الوكيل كرريها بحرقة وبنية صادقه وصدقيني الدنيا راح تدور على من ظلمج الله يمهل ولا يهمل .

عالجي السحر واهتمي بنفسج

ولا تسكتين عن مرة حماج وواجهيها وواجهي اي اتهام بعين قويه

مو من حقهم يطعنون بشرفج وانتي ام بناتهم

الله يعينج على هالحموله بس

انا مع ام كوثر

سوي شغلج بسكات عشان لا يجددون السحر

وتحسبي وادعي قد ما تقدرين وخصصي كل يوم ساعه ونص تقرين سورة البقره

حسبي الله ونعم الوكيل
اختي الي فيج فضفضه
واذا صادفتج مصيبه تستري
إلجئي لزوجج
ولا تفرقينه عن امه واهله
تعالجي وحصني نفسج وارقي نفسج وارقيه
وعيشوا بروحكم
الحين دام انه درى
نفس ما قلت لج قولي ما أبي مشاكل ولا ابي نخسر بعض
خنعيش بعيد والله الي بيحاسبهم

السحر }}}}>>>شماعه نضعها لفشلنا بحياتنا

السحر موجود ومذكور بالقران

اول شي حابه اقول ان فعلا السحر مذكور بالقرآن وهالشي ماراح نختلف عليه

وبنفس الوقت انا حيل مصدومه من طريقة تفكيرج شنوو وحده تفج !!! شنو وحده تعالجني من السحر !!! شنو *** اسود !!! شنو السحر بالقولون !!!

لا اله الا الله ,, انتي مقتنعه بهالكلام !!!!

شوفي حبيبتي انتي ايمانج بالله ضعيف ووزاعج الديني ايضا ضعيف بدليل بسيط اهو روحتج واقتناعج بكلام هالدجاله !!!

شوفي حبيبتي انا بشرحلج شغله الانسان عقله يرتكز على 4 اشياء نفس الطاوله اللي لها 4 رجول وهالاربع اشياء الانسان يحددها بحياته واذا اختل شي معين

ممكن تدخل فكره عشان تكتمل ال4 عواميد يعني نفس الطاوله اذا انكسرت ريل من ريولها تقدرين تحطين شي بديل عشان الطاوله ما اطيح وهالشي صار فيج

انتي قاعده تعانين من ترسبات الطفوله اللي مريتي فيها ويمكن امج كانت تعاملج بنفس الطريقه اللي انتي الحين قاعده تعاملين فيها ريلج وطبعا انتي ما عندج اي حجه او عذر تبررين من خلاله تصرفاتج مع زوجج فاسهل شي لج انج تقنعين نفسج انج مسحوره وتقنعين اللي حواليج بهالشي وبدليل انج برجتي عقلج الباطن على انج مسحوره وقمتي تشوفين هالاحلام !!!

حبيبتي ذكري الله وخلي ايمانج بالله قوي واقري قرآن وبالذات سورة البقره وسورة يس ولا تحطين بذمتج ان مرت حماج تسويلج *** او حمولتج

واذا مرت حماج بتسوي *** فالاولى انها تسوي *** حق زوجها عشان يحبها ويدلعهااا مو يخليها هايته 24 ساعه بره البيت !!! وما يدري عنها

والسحر الحين اصعب ما يكون ومحد يتقنه الا ناس معينه واماكن ومناطق معينه
وحبيبتي نصيحه تركي عندج طريج هالسحر ترى هالدجالين ماهم غير لفلوس ولا يقصون عليج يقولون لج انهم يعالجون بالقرأن ترى كله دجل الله يكفينا شرهم

عندي سؤال اعتبريه فضول جم خذت منج ؟ وجم طلبت منج عشان تفج السحر ؟

ايي صح السحر مذكور بالقرآن والسحر ما يصيب الا اللي ايمانه بالله ضعيف واللي يقدر عليه الشيطان

شنو هاذا
بصراااحه سالفتج تلوووع الجبد
وادوخ الراااس
باي عااالم انتووو
شنو هاااذا
تكرهين اهلج
وتسحرج
وتتطلقين
وتنطقين
وتذلين نفسج
وماتصلين
خالتج تحش فيج
كل هالمشاااااااكل والتنااااقضااات
وللحين عااايشه؟؟

امرج عجيب وغريب…

اول شي حاولي تتعالجين
ووتمسكين بصلاتج وعبادتج

وتخلين خالتج تولي اهيا وحريم حموانج

تفرغي لنفسج وعالجي نفسج
واهتمي بعبادتج

وحاولي تقطعين العلاقه معاااهم
واهم شي امج وخوات خليج عندهم لين تتعالجين

وخلي زوجج ياجر لج شقه
وافتكي منهم ومن بلاويهم