تعالوووو نعلم بعض شنسوي بأيام الدورة؟؟

صبااااااااااح الخيــر كويتيات

بعد نقاش حااااد انا ومرت اخوي عن الدورة الشهرية وشنو لازم ناكل ونشرب ونلبس

عشان تكون ارحامنا مثاليه مشدووده وناشفه مافيها هوا ومو مرتخيه واهم شي ماتكون رطبه وافرازات

قررت احط موضوع واقولكم تجاربي وتقولون لنا تجاربكم

نفيــد غيرنا وبنفس الوقت نستفيـــــد

بما اني متزوجه مو بنت فإهتمامي بيكون اكثر من البنت

من اول يوم دورة البس دلاغات وبجامه طويله قطن اكييييييييد عشان لا يحوشني برد وهوا

وابتعد نهائيا عن المشروبات الغازيه والاشيا البارده واللزجه(موز منجا والحوامض.. الخ)

وهذي اهم الاعشاب الي ما استغني عنها:-

اشرب شوربه مع فلفل
كوب دارسين
كوب كمون
كوب حلبه (أول يوم بس) مو زينه كثرته تسبب رطوبه بالرحم
كوب زنجبيل+دارسين
اكل مرقوق+حبه سودا+شوي مردود+كمون
واهتم بوجباتي الرئيسيه وما اخلي بطني فاضي ابدا لان مو زين الجوع
اسويلي تمره مع رشاد وحبة سمرا وشوي فلفل اسود وقرنفل وشوي مردود وسمنه
وآخـــر يوم وهو طبعا اهم يوم احط تحميله البيتادين وانام
او تتبخــرين بكبــو يطلع الهوا اللي بالارحام ويخليه مشدود (بجربه بهالدورة ان شاءالله)

هذا اللي تذكرته الحين وفي بعد شغلات شكثر تفيــد

وحتى زوجـج راح يحس بتغيير لو كان بسييييط

يالله انتــــوا يالسنعااات شتسوون من اول يوم لاخر يوم ؟

شدعوا 9مشاهدات ولا وحده طلت عالموضوع تجيها الدوره ؟؟ لووول

نفس نظامج زائد اسوى عصيدة التمر واكثر فلفل اسود باكلى وتحاميل مرة وملح اخر الايام

جزاج الله خير انتي احسن من 83 وحده شاهدت الموضوع ولا قالت شكرا

انزين شنو الاعشاب اللي ما تنشرب الا باخر ايام الدوره؟

شري مرميه دارسين زعتر و قشر القهوا
وتدفي عدل

اليوم لي ثاني يوم من الدوره كرمكم الله

لازم البيجامه والدلاغات واشرب زعتر ودارسين واذا عندي لهوم احط لي قفشه مع الحليب واشربه
الماي اشربه دافي موبارد .. وبصراحه مااتسبح اول 3 ايام نهائيا
اللي اسويه اول شي امسح بفوطه امبلله وصابون وبعدها فوطه عاديه

ويعطيج العافيه

انا بالدورة ما اهتم بس بالنفاس انا قريت باحد المنتديات ان قشر القهوة مفيد تطبخينه مثل القهوة وتحطين بالمطارة زنجبيل ودارسين وتقهوي وحطي بفنجالك مرة ومقل واكلي تمرتك مع الرشاد والطبيخه بعد روووعه

موضوع مفيد جدآ

أأأأأأب

اهم شي عندي ماامشي حافية على الرخام وابتعد عن الحوامض والمشروبات الغازية
ولازم الدارسين والمرمية والزعتر وتحامييل البيتادين مااستغني عنها مع غسول البيتادين

السلام عليكم

اول شي بالنسبة للعناية خلال ايام الدورة الشهرية … بالنسبة لي انا شخصيا عندي قاعدة انج اذا ما فيج شي مو لازم تاخدين شغلات قوية

يعني اذا وحدة ما اتعاني من اي مشاكل بالرحم كالهوا و الرطوبة … الخ فمن الافضل انها ما تستعمل اعشاب قوية لانها مهما يكن بيكون لها تاثير على الرحم و احتمال اتسبب مضاعفات في المستقبل

لذلك فعنايتي بنفسي خلال ايام الدورة جداا خفيفة ,,, لان ما شاء الله مع المشاغل اليومية ,, الوحدة منا نادرا ما تلقى وقت لنفسها

و هذا ما يجعلني اختزل العناية خلال الدورة الشهرية للامور الاساسية و اهمها:

– تجنب الشغلات الباااردة و المشروبات الغازية
– الاهتمام بالاكل و عادة اسوي لي عصيدة اول يومين و احط معها حسو و فلفل ,,, و اسوي شوربة خضار و دجاج بالادوية ,, و اذا ما عندي وقت اطبخ اطلب من ام نوارة قبوط و اضيف عليه ادويتي
– ادفي نفسي عدل و اخفف من التكييف و البس دلاغات و سراويل طويلة لان بيتي سنترال
– البس كورسيه عشان يشد بطني و ما تطلع لي كرش
– اتجنب المشي و التعب ( يعني ما في روحة سوق على الاقل اول 3 ايام )

الاعشاب استعمل شغلات بسيطة ( حسو اول يومين – شاي اعشاب خفيف يتكون من زهورات + عرق هيل )

عندي منقوعة علج لبان و عنزروت و شوي مرة احطها مرات مع القهوة

اشرب قشر قهوة العصر مع دويات قهوة ( نخوة و زنجبيل و كمون و دارسين )

الغسول استعمل طبي

و اخر يوم من الدورة احط تحميلة بوثيل بس غالبا انسى ههههه

مممممممممممم حلو موضوعج

انا اول يوم اليوم

والده صارلي اربع شهور .. واستخدم اغراضي ملوت النفاس .. لانه توني جني نفاس هع << من الحرص

ما استغنى عن تمارين كييجل بالدوره اركز عليها حيل .. لانه مثل ما انتي عارفه المنطقه سبحان الله اتصير جنها مريضه وراااخيه وااااااايد وانا اتم شادتها وشاده بطني بعد تفااديااا لارتخاء عضلات الرحم اولا .. وتفااديا لخروج الهوااا ويضييج المنطقه مع الوقت

ثاني شي اسويه ..
اشرب حليب دافي الصبح مع زنجبيل .. وقفشه لهوم .. واتريق بيض مالي خلق اسوي مسلووق لووول عاد اسوي بيض مقطع ( مقلي بزيت الزيتون ) وبصل وفلفل اسود اترررسه وو كركم بعد ما اخلص الطبخ ارشه فوق البيض وخبز اسمر .. ايقولون احسن من الابيض !! << لانه افيد من انج تطبخينه

ثالثا .. اذا حسيت باليووع اكل التمر مع الرشاد وحبه سودا < مسويته امي ماعرف باجي المقادير والله
وادفى طبعن لازم

ويدتي كلللللللللللللللللللله اتقول اذا يااتكم الدوره دهنو شعركم بزيت زيتوون داااااافي ولفووه اول جم يوم عشاان الهوا لايدشج من رااسج

بس متزوجه وما اقدر أأذي زوجي بس قلت له ترا ريحتي بتصير ويييع تحمل عشان (شيسمونه) اتصير حلوه لووووول

واكل اكلي عااادي لانه صراحه مايمديني اسوي عصيده وقبوط وحركات .. اصلن ماعرف .. بس ما اجوع اهم شي

قرقت وايد هههههههههه
اخر شي اتبخر واخذ تحميله مره بيتادين ومره تحميله المره اخذتها من حرمه موثوقه من يدتي

صراحه يعطييج الف عافيه على الموضووووع الرائع"""""""""""""""

وماقصروا الاخوات استفدنا منهم**************

اما بصراااااحه عن نفسي انا مااهتمه بس عقب ماقريت والله خفت الدوره الجايه انشالله بهتم بنفسي واقولكم؟؟؟؟؟؟؟؟؟؟؟؟

ولكم خالص الحب….

الله يعافيج ياقلبي

قلتي شي مهممممم حيل ونسيت أذكره

أنا كنت اتسبح يوميا عادي واتذفا بس بعدها يصير بطني متفوخ هوا ويحوشني برد والدوره توقف

بس مرت أخوي جزاها الله خير قالتلي لاتسبحين أول الأيام مو زين بس مسحي بفوظه مبلله كل جسمج وحطي لوشن وبودره وتعطري تحسين نفسج فررررريش حتى نفسيتج تتعدل

أي صح زينه المره بالدوره تعقم المنطقه إذا مسحتيها وإذا شربتيها تطلع الغازات إلي بالبطن

بس حبيبتي لازم تهتمين بالدوره بعدييين يتراكم برحمج الدم ويتجلط ويصير تكرمين كتل مثل اللحم

حتى بالنفاس راح تلاحظين أنها تصير غزيره وتتعبج لانج ما إهتميتي قبل

عدل كلامج 100%

تحاميل البيتاذين وغسوله أفضل شي بشهاده أغلب البنات