|
|
قصة واقعية …
اهي بنية جميلة خلوقة ومن عايلة محترمة … وعندها اخت نسخة طبق الاصل منها
الثنتين يدرسون في كلية الطب ….
اهو مخرج في التلفزيون .. وسيم عمره بالثلاثينات من عايلة ملتزم وخلوق
تعرفوا على بعض بالصدفة
على قولتهم اعجاب فقبول ( نجمهم تلاقى بالسما )
استمروا يكلمون بعض فترة اشهر على اساس انه ناوي يتقدم لطلب ايدها
اهل الولد كلموا ام البنت و طلبت جم يوم تاخذ راي الاب و ترد عليهم
كان رد الاب واحد وصريح: ما يزوج بنته حق واحد يشتغل بالاعلام مخرج
ما يزوج بنته حق واحد عمره بالثلاثينات
يزوج بنته لدكتور او مهندس فقط
قصة واقعية تصير في كل بيت يمكن
وفي قصص اكثر من هذي واغرب ….
فيه 100 عيب ..
اذا حابين تعرفونها
الام طلبت من البنت تقطع علاقتها بالولد وتغير ارقام تلفوناتها
الولد اسبوعين ما قام ياكل ( نفسية صارت صفر )
البنت اسبوعين بجي على قولة اختها
الام و الاب رافعين الجام 
حطي باااارت كبير قبل لاتطلعين
مو اجزاء نتتتتتتتتتتتتتتفه
وشكرا
البنت تتحاشى مقابلته
مرة تقابلوا بالصدفة في المارينا مول ( الكلامم هذا قبل سنتين طبعا ) البنية تدودهت مع اختها
الصبي كان طالع من ستاربكس طاحت منه صينية العصير و الكرواسان جدام الناس
والله الموقف ولا الافلام الهندية يخليج تبجين
اهي لما شافت جذي قامت من مكانها مع اختها ودموعها ما وقفت
اهو من الاحراج تسمر بمكانه مو عارف شلون يتصرف
بس المشكلة ان في شي اسمه القدر واقف في طريجهم اللي اهو الاب و الام
البنت ما تقدر تخالف امها او ابوها حتى لو على حساب حبها
الولد صايم عن الزواج ليومكم .. ويخاف يروح مكان يشوفها بالصدفه وتنفتح جروحه
البنت باجي لها ثلاث سنوات وتتخرج من الطب
والله احيانا اشوف ان في قصص حب تستحق الواحد يوقف ويتأملها
السؤال ليش الاباء يوقفون في طريق سعادة عيالهم
احيانا الاباء يعتقدون ان سعادة الابناء في انهم يمشون على اراءهم
ما يخلون عيالهم يتخذون قراراتهم بانفسهم
مع ان الاب هذا دايما مسافر خارج الديرة يحضر مؤتمرات في الخارج وقليل يقعد مع عياله وزوجته
شقول الواحد غير الله يصلح بعض الاباء و الامهات
لازم يحاول
يشوف وسيط من العايله له كلمه على الابو
اذا الصبي زين … يقدر يغير شغله
انا ما الوم الابو
اغلب الي يشتغلون بالاعلام ياخذون سمعه
و مساكين يكونون بحالهم
بس كلام الناس
الله يكتب الي فيه صالحها انشالله
ربي يكتب لهم اللي فيه الخير والصالح
بس الاهل ساعات يظلمون عيالهم مثل سالفة الاصل
