تجمع لأصحاب الرحم ذي القرنين

بغيت أسوي هالتجمع

عشان أفيد وأستفيد خنساعد بعض ونطمن بعض أكثر
نبي نتطمن على بعض وبنعرف أخبار اللي احملوا واهمه عندهم هالعيب؟ وعند منو يراجعون بعد؟تعبوا ولا مشى حملهم بدون تعب؟ واذا في منهم احملوا بتوأم ولامايصير مع هالعيب
انا وحده منهم؟
وحالتي كالتالي :: ..
اكتشفوا هالشي فيني عن طريق الاشعه الملونه وتأكدوا منه بعد ماسوولي سونار 3D بأشعة الرنين المغناطيسي
انا عندي بطانتين للرحم وحده أكبر من الثانيه والصغيرة أصلا قالولي انسيها ولا كإنها موجوده لان الياهل مايقعد فيها
و2 شي عندي كيس عالمبيض اليسار اللي ماعندي غيره ( تم استئصال الآخر وانا عمري 16 سنه لان كان كبير وايد وامحاوط المبيض ولقلة الخبرة بعد بهالموضوع لاني سويت العملية بمبارك )
وووووو حاليا اعالج بوحدة طفل الانبوب عند د. موزة الغانم ومادري متى بينقلوني حق د.حازم
وسلامتكم

ضى الايمان

والله يا عمرى ما عرف شى عن هالشى بس ما حبيت ادش بدون ما ادعى لج عسى الله يرزقج بالذرية الصالحه اللى تبرد قلبج وتبر فيج اللهم امين 000

وعسى الله يرزق كل محروم ومحرومه منهم اللهم امين يارب

اي والله المفروووض من زمان عندنا هالتجمع

انا من اصحاب الرحم ذو قرنين

حملت ليما الشهر السادس ونزل الياهل وطول الحمال معاي نزيف

الحمدلله على كل حال

بس هذا الرحم وراثه انتي عندج احد من اهلج نفس هالرحم تكفين عطيتني معلومات

انا قالتلي الدكتوره ان رحمي ذوقرنين لما سوتلي سونار بالحمل وكان جدا واضح

ضى الايمان

الله يعوض عليج يا عمرى يا فراولة بالذرية الصالحه المعافاة والبارة اللهم امين يارب 000 وعسى الله يرزقج ويرزقنى ويرزق كل محروم ومحرومه منهم اللهم امين يارب

مشكوره احزان على الردود ياعمري جم عمرج انتي ؟

سوسا وينج بليز عطيني معلومات عن هالرحم وماسالتي اذا في احد كمل الحمل معاه

هلا والله اختي احلى فراولة
انا توني متزوجه صارلي سنه ونص وماصار معاي حمل ولامرة
بالنسبه لموضوع الوراثة ماعندي احد من اهلي عنده هالرحم او يمكن مايدرون ان عندهم لان هالعيب مايسبب تأخير الحمل
ووووو انا قالتلي الدكتورة في ناس يحملون عادي لي الشهر التاسع وفي ناس حسب ماسمعت يحتاجون ربط من الشهر الثالث عشان يثبت الحمل وينشال بالشهر التاسع عشان ينولد الياهل بوقته
بالنسبه لي الحين عندي موعد منظار يوم 28 -4 عشان بيجيكون عالرحم من داخل بيشوفون شنو اللي مانع الحمل عندي لان كل تحاليلي وسوناراتي أوكي الحمدالله (وانا أراجع بالصباح)
ووووو عقب بيحددون لي موعد عشان عملية اطفال انابيب
والله يرزقنا يارب ويسهل حملنا وولادتنا

وهذي معلومات بسيطة عن حالتنا
الرحم ذو القرنين هو من التشوهات الخلقية التي تحدث لدى النساء وممكن حمل المرأة في هذه الحالة واكمال شهور الحمل التسعة والولادة تكون طبيعية …..لأن الحمل يحدث في احدى التجويفين لهذا التشوه ويستمر دون مشاكل…..ولكن في أكثر الحالات تكون المرأة عرضة للاجهاض أو الولادة المبكرة..طبيا من عيوب هذا الرحم :
1- الولادة المبكرة preterm laborتكون هناك نسبة عالية من ضعف او قصور عنق الرحم cervical incompetence
2-اتخاذ الجنين وضع مقعدي اي الرجلين لاسفل والراس لاعلى breech presentation مما يزيد فرصة الولادة بعملية قيصرية …
3-انحباس المشيمة retained trapped uterus

اما عن كيفية اكتشافه :
هنالك العديد من الحالات التي لايكتشفها الاطباء الا بعد الولادة او اثناء العملية القيصرية عند الفحص ….
وعادة ما يمكن اكتشافه بالفحص المهبلي والسريري للحوض pelvic examinationحيث يستطيع الطبيب الاحساس بالقرنين …
التنظير البطني laproscopy
التنظير الرحمي hysteroscopy
وعادة ما تكون النتيجة الادق عبر التصوير بالرنين المغناطيسي magnetic resonane MRI

اما عن العلاج :
فهو بمتابعة الحالة وتشخيصها على حسب دراجتها …وعمل عملية الربط عنق الرحم خلال فترة الحمل ومتابعة نمو الجنين والتطمن على وضعه خلال فترة الحمل …في بعض الحالات يجرى للمريضة عملية قيصرية في الاسبوع ال37 من الحمل ….
ايضا هناك بعض الحالات التي تحتاج الى تدخل جراحي يعرف بMETROPALSY يقومون فيه بقص الجزء العضلي من الحاجز ……ومع استخدام ربط عنق الرحم تزداد نسبة اكمال الحمل حتى عمر يستطيع فيه الجنين البقاء حيت خارج جسم الام …

مهم استشارة الطبيبة فى عمل تطويق لعنق الرحم وبالراحة والامتناع عن الجماع ان شاء الله في حالة حدوث الحمل

……….. منقووووووووووووووول …………

اميييييين يارب زين جم عمرج

وهل زوجج فحص ؟

انا من اصحاب الحاجز الرحمي مو الرحم ذو القرنين بنات ترى في فرق بين الحاجز الرحمي والرحم ذو القرنين أثنينهم نفس الشكل وأغلبية الاطباء ما يعرفون يفرقون بين هالشيين وانا بالبدايه كذا طبيب قالي انه رحم ذو القرنين بعدين قالولي حاجز و ينشال ابعمليه و سويت العمليه وشلته وبعدين رحت اسوي اشعة الصبغه واستغربت الدكتوره مني قالت ليش امسويه عمليه! قلتلها علشان اشيل الحاجز قالت الحاجز ما يأثر على الحمل ولا يمنع الحمل حتى الرحم ذو القرنين ما يأثر ولا يمنع الحمل واعرف كذا وحده رحمهم جذي ويحملون طبيعي ووحده اعرفها دكتورها اكتشف ان رحمها ذو القرنين بالولاده.

صادفت وحده بالطبيب منزمان وقالتلي ان اختها رحمها نفس الشي فيه انقسام وماشاء الله عندها 6 اعيال وكل سنه تحمل.

اللي رحمها ذو القرنين وما حملت خل تبحث عن اسباب ثانيه تمنع حملها مو شرط ان يكون السبب منه. صديقتي امنتدى ثاني عندها رحم ذو القرنين واحملت ابطفل انابيب والحين عندها ثلاث اعيال.

مره قريت خبر بالجريده ان مصريه عندها رحم ذو القرنين واحملت ابتوأم كل واحد في جزء من الرحم ماشاء الله يارب الله يرزقكم مثلها.

اميييين ياااااارب

ويفرح قلوبنا بعد نبي معلومات عن هالرحم بليز

انا حسب الي قريته من المواقع ان الرحم ذو القرنين انواع

يوجد نوع يكون جزء من رحم كبيروالجزء الاخر صغير وهذا النوع تستطيع المراه الحمل طبيعي جدا والي اعرفه بعد ان بعد الشهر الثالث يتم عملية الربط حتى الشهر التاسع

ويوجد نوع يكون الجزئين من الرحم مقسومين بتساوي فما يكمل الحمل يوصل الحمل الي الشهر الثالث او الثاني وينزل لان حجم الرحم لا يستطيع ان يحمل طفل

حبيبتي عاااادي لاتحاتين ولاتخافين اعرف وحده بمنتدى ثاني رحمها ذو القرنين وحملت <<<< بس كانت مسوية تلقيح
يعني في امل انج تحملين عااادي بس عليج بالدعاء ولاتخلين نفسج بلشي بالتلقيح شهر ورا الثاني لان كثرة التلقيح ورا بعض تزيد من نسبة الحمال
والله يرزقج ان شاءالله بالذرية الصالحه

انا عمري 21 وزوجي الحمدالله فحص دم (اجسام مضاده) وحيوان منوي الحمدالله مافي الا كل خير
بس المشكله الحين فيني لاني احتاج اطفال انابيب عشان احمل وما اطيح اللي ابطني
لان اذا حملت بالبطانه الصغيره بينزل لانها ماتتحمل ياهل
اهمه بياخذون البويضه من الجهة اليسار اللي فيها المبيض ( والبطانه الصغيره) وبينقلونها بعد ماتتلقح انشالله لي البطانه الكبيره
وانشالله مايطولون فيني واايد لان ريلي بدا يوله عاليهال

كيكه
بغيت أسإلج ؟
الحاجز اللي عندج كان يسبب لج عوار بنص الرحم لاني احس بهالعوار بس بغيت أتأكد يمكن يكون اللي عندي حاجز مو رحم ذي القرنين
ووووووووووبعد انا قريت بوايد سايتات ان الحاجز لازم ينشال لان يمنع الحمل غريبه قالتلج الدكتورة ليش شالوا الحاجز عادي الوحده تحمل فيه ؟ منو الدكتورة منى؟ وعمليتج كانت عملية منظار ولاغير؟
وسوري جني طولتها بالاسئله

سوسا توج صغيره لاتحاتين سوي العمليه بس لاتفكرين فيها وايد
وانا جدا متفائله لج ……

انا اعرف وحده من اهلنا فيها الحاجز الرحمي وسوت عمليه عند محمد صلاح وعقب حملت وسوالها ربط

وعندها الحين ثلاث بنات ايهبلوووووووووووووون

والفال لنا يارب