|
|
كل عام وانتم بخير
شلونكم خواتي
بما اني وعدتكم اني هالاسبوع راح انزل لكم تجمعات لمراحل عيالكم الدراسية فراح ابلش من الحين ان شالله .
هذا التجمع ان شالله راح يخدم امهات الصف الرابع ابتدائي وراح يكون فيه استفساراتكم ونقاشاتكم كلها وان شالله نستفيد من بعض .
ربي يوفق عيالي وعيالكم ان شالله ولا يضيع تعبنا .gif "Eh S(7)")
ولدي برابعه وحاليا ماشي حاله والله المستعان عالايام اللي يايه
ولي رجعه للموضوع
التجمع بس جنه في تجمع قبل للصف الرابع
انا ولدي معاكم بالصف الرابع
في مدرسة النجاة النموذجية بنين
موفقين بالتجمع
أنا عندي ولد بالصف الرابع الابتدائي >>>وهالولد مشكلة معاي عويصه ما يعرف يقرأ ولا يحب يدرس والانجليزي العقل منه نظيف بس الحمد لله فالح بالرياضيات
يبيله متابعه من اول السنةوان شاء الله يوفقنا معاه
الله يستر من راااابعه
اليوم ابلة العربي عطتهم وااجب والله انا غصيت فيه
" صحح الخطأ في الجمل الآتيه :
١- إهتم المعلم بالتلاميذ
٢- إبتسم الطفل لأمه
٣- أحب العلم كثيراً
"
بالذمه وين الغلط بالجمل
طبعا استعنت بالقروبات اللي بالواتس اب
و حلولي اياها جذي
١- اهتم المعلم بالتلاميذ
٢- ابتسم الطفل لأمه
٣- أحب العلم كثيرا
راح تتسائلون شالفرق
انا اقووولكم
الفرق الهمزه اللي في اهتم و ابتسم
انشيلها لانها همزة وصل
والجمله الثالثه مافيها خطأ
بالذمه شهالسؤال !!!!!!!!!!!!!!!!!!!!!!!
صكني راسي والله *
عطوهم هالسنه مهارات الحياة كتاب بالانجليزي ( Communication skills )
و الاطلس حق الاجتماعيات … اطلبوا منهم الاطلس البني للمرحله المتوسطه … لما رحت المكتبه جان يقول اللي يبيع ان وقفوا البني و الحين منزلين الاطلس الازرق للمرحله الابتدائيه والمتوسطه
مشكلتها ماتحب تقرا تحب تحفظ الدروس وبس
ووايد بطيئه بالكتابه بدرجه ا دايما تحطلها المدرسه استفهام على دفاترها لانها تطول بالكتابه
انا ولدي ما عطوه كتب حياتيه كلش ولا بنتي اللي بثانيه
وتوني ادري ان يبون اطلس شخباري ؟؟؟
وبعد سؤال صج يبون للرياضيات دفتر تخطيط ؟؟
وبس
طبعا بلشوا يعطونهم اختبارات مستوى عطوه بالانجليزي
واليوم تقول معطينها املاء مفاجئ وامتحان مفاجئ بعد ,,,لا بالله انجحو عيالنا
الله يستر المناهج حيل صعبه الجيل هذا كلش مو فالح بشي غير الايباد والبلايستيشن واللعب والوناسه
الله يسهل على الجميع ويوفقهم يارب
وانا بعد معاكم بنتي برابع الله يعينا والثانية بأولىعاد صج الله يعيني عليهم
ثنيناتهم وحدة تأسيس ووحدة امتحانات فتينل ودراسة جد يالله موفقين جميعا
وعلى فكرة انا مدرسة بناتي بدوا من امس امتحانات تحديد مستوى
مو مفاجأة مثل ما انتوا مفكرين