|
|
شخباركم امهات ان شالله بخير
ان شالله تأقلمتم بالوضع الجديد ان في شخص يديد دخل حياتكم
حبيت ابطل هذا التجمع عشان نتحاور فيه ونستفيد من بعض
لان انا متاكده ان اكو اساله اكثيره ادور ابالنا ومو عارفين لها حل
في هذا التجمع ان ان شالله راح نتحاور بكل شي وراح نستفيد من بعض
ومن الاساله الي ادور ابال الكثير منا:
ان متى الوقت الانسب الي احط حق بنوتي تراجي؟
متى الوقت الانسب الي اطهر الياهل ووين افضل مكان؟
وين افضل الماكن الي اشتري للبيبي لبس العيد؟
شنو افضل نوع حليب للبيبي؟
واكووووووووووو اساله اكثيييييييييييره ادور براس الكل بهذا التجمع ان شالله راح نتحاور بكل الاساله
رشيقااااااااااات
ان شاء الله ربي يسهل علينا وعليكم وويعطينا الصحه والعافيه ونربي اصغارنا باحسن تربيه يارب .. ويقدرنا على هالشي ..
من أولد بدش وياكم ومبرووووووووووووووووووووووووووووك التجمــــــــــــــــــــــــــــــــــع ..
ايطاليه يشرفني انج اول وحده اتردين
الله يسهل علييج وحياج الله معانا
ان متى الوقت الانسب الي احط حق بنوتي تراجي؟
انا حطيت لها وعمرها 4اشهر تقريبا
وكنت ابي قبل بس اكثر من مرة اروح الصيدلية ويقول لي اذونها صغيرة
آخر شي غيرت الصيدلية
بس شنو بجت بجي مو طبيعي
متى الوقت الانسب الي اطهر الياهل ووين افضل مكان؟
انا شخصيا افضل بفترة النفاس وهو صغير
وفي اماكن كثيرة وياما انطرحت هالمواضيع
اذا تيسر لي بدور روابط المواضيع واحطها هني
وين افضل الماكن الي اشتري للبيبي لبس العيد؟
بعيد الاجابة
وفي اماكن كثيرة وياما انطرحت هالمواضيع
اذا تيسر لي بدور روابط المواضيع واحطها هني
شنو افضل نوع حليب للبيبي؟
دامه صناعي كلهم واحد
اهم شي تلقين الحليب اللي يناسب الطفل
يعني كل طفل له حليبه اللي يناسبه
انا شخصيا مشى مع بنتي نان
بعكس سيميلاك اذاها امساك وغازات
ناتشوو
يعطيج العافيه وحياج الله معانا
كفو والله ياكوفي 
الحمدلله يارب عقب تجمع حوامل سبتمبر صار تجمع امهات الحين سبحااان الله شفتو شلوون الايام تركض !!
انا في بنتي قبل لا اطلع من الاربعين كان لها شهر تقريبا بس مابجت حيييل شوي جان تسكت
بالزينه
انا نفسج مفكره احطلها تراجي لما يصيرلها شهر
انا مفكره برويال حياة
بس اذا اتعرفين مكان احسن عشان اروحله
ابي تراجي حلوه على اشكال
خاطري يكون شكلها على ورده وفيها اكرستال
شلووونكم
انا بنتي سمالله عليها بعد سبوع تكمل اربع شهور وقضيت اذونها بعد شهر ونص بصيدليه رويال حياه تراجيها ورده شوارفسكي وايد حلو
والحليب انا طبيعي بس مرات استعمل صناعي واستخدم سيكميلاك احس انه ياذيها غازات وامساك بس الحين الحمدلله شكلها اتاقلمت عليه
ومن وين اشتريلها كل مكاان اشوف شي حلو اشتريلها
فديتج كوفى بس عاد جنه للبجريات
يعنى اللى عندى بيبي ماتدخل
ههههههه
والله انا حايسه مع ولدى مادرى شسوى
ومرات انسى ولدى هههههههههههههه
انسى انى ولدت
ولمن اشوفه
اقول فهودى
هههههههههههههههههههه
امحق ام
الله لايحرمنا منهم
ونبي الكل معانا طرشي لهم دعوة
فدييييييييييييتج
يا حلات هالتجمع
قلب علينا الذكريات يوم الحمال بتجمع البجريات
بما اني ام لولد يعني اول سؤال ما راح ارد عليه
بالنسبالي انسب وقت حق التطهير كل ما كان ابجر احسن
انا ولدي طهرته قبل لا يكمل 10 ايام والسنه النبويه تقول يوم سابع والدكاتره يقولون انسب وقت اليوم الثالث او بعد الاربعين
وعلى اللبس مافي مكان معين اي مكان يبعجبني اشتريله منه
بس حق العيد افضل يكون ماركه من لغز الاطفال او لحظه من فضلك او ارماني جونيور او D&G
او كلش كلش اطلب من النت
والحليب الي استخدمه سيميلاك يمكن يكون فيه احسن بس هذا الي ارتاح عليه ولدي
الحين سؤالي
اذا بتسوون حق عيالكم مميه من وين تاخذون الماي ؟؟
لاني استخدم baby watre بس حاليا منقطع من اغلب الجمعيات وحتى مركز السلطان مافيه
فشنو استخدمه ماي صحه ( يقولون فيه املاح مو زين ) او ماي حنفيه ( اخاف فيه ترسبات ويكون مو نظيف )
عاد نبي وحده خبره اترد على اسألتنا ,,,, اذا كلنا بجريات شكلنا ماراح انعرف انجاوب على اسئلة بعض
وانا والله ماكنت معاكم بتجمع بجريات شهر 9 ,,,, لاني كنت مع بنات تجمع دكتوره امل
بس الحييييييييييين بجابل هالموضوووع
يلا بنات اللى اتعرف اتقولنا ,,,, متى احسن وقت حق التطهير ؟؟؟ ووين احسن مكااان ؟؟؟؟
وعندي بعد سؤال ثاني نفس سؤال ((نيلفاز)) اشلون انسوي رضعة البيبي ؟؟؟؟ وشنو الماي اللى استخدمه ؟؟؟
واذا ابي الرضعة تكون دافيه شسوي ؟؟؟؟ أحط ماي حار من الغلايه والبارد من وين ؟؟؟ ماي صحه ولا شنو؟؟؟
ساعدوني بنات
الحمد لله على سلامتج
وبشرينا شلون كانت الولاده
لان كنتي وايد تحاتين المستشفى
انسب وقت جاوبت عليه
واحسن مكان انا عندي مستشفى الراشد لان كل اهي يطهرون عندهم ومن سنين
وحق الرضعه حطي ماي مغلي والماي البارد يكون ماي مخصوص حق الياهل اسمه baby water
انا عندي بنوته عمرها 3 اشهر بسم الله عليها
التراجي حطيت لها وانا بالنفاس مابجت وايد
لبس العيد طلبته لها من امريكا.اكشخ وبصراحه ارخص
احسن حليب ماشاها نان مثل ماقالت الاخت اللي قبلي
السيميلاك يسبب غازات
نان احسه حفيف وحتى المميه مايكون فيها رغوه
بناات شكو ماي مغلي وبارد؟؟؟ اهو الماي لمن تغلينه خليه يدفا شوي وحطيه بالمطاره..مطاره مخصوصه له
بنات انا اشوف خواني يطهرون عيالهم عند الريال السوري اللي يجي البيت ماشاء الله عليه..ياخذ عشرين دينار
وينصحج ويعطيج دهان لليهال حتى عيال حمواتي عنده..