تجربتي مع الكوي " كوي القرحة في المهبل " فلم 7 نجوم :)

مرحبا بنات

بما ان هالمكان يتكلم عن النساء وخاصة ما يجول في الانوثه بالتحديد الحمل والولادة والاهتمام بعد وقبل ذلك
فحبيت اثري ثقافتكم النسائية في شي اسمه " الكوي " والبعض يعرفه وجربه والبعض ما يعرفه وما جربه والبعض يمكن موسامع فيه ولا جربه وهلما جرا ….

بقولكم عن قصتي مع الكوي والفلم بو 7 نجوم

اول شي السبب اللي دعاني للكوي :

كنت احس في ألم عن مبيضي اليسار ونقزات وكأن مغص بعض الاحيان في اوقاتمالها شغل في التبويض او الدوره وكنت استغرب .
اول ما طرى علي القولون !! رحت فحصت عند مساعد العصفور وقالي ماله شغل !!

رحت بعدها عند دكتور النساء محمد الدسوقي وقلت له الاعراض قالي خل نفحص داخلي
فحصني وقالي : الله دي القرحة !!!!!!!!!!!!!!! قلت نعم ؟؟
قال: اي يا بنتي هذي قرحة في المهبل والحمد لله ما وصلت لعنق الرحم
فمن الافضل كوي القرحة كوي بارد !!!
انزين شنو اسبابها ؟ قالي عادة بعد الولادة اتيي القرحة من البقايا اللي تنزل من المهبل !! بس انا والدة قيصري !! هاهاهاهاهاهاها فقال احتمال من المانع الزوجي اللي تستخدمينه " كاندوم " واحتمال اسباب ثانيه غير معروفه !!

طبعا على ما اخذت قرار اني اسوي الكوي ظليت شهر وبعدها توكلت على الله ورحت حق د. دسوقي

الخطوات :
طبعا من غير بنج !! يفتح المهبل ويدخل مثل مسدس فيه غاز الهيدروجين لان الكوي بارد يدخل حتى جدار الرحم
وفي هالاثناء شنو الاحساس : أخيس احساس مر علي بحياتي
احساس في غثيان و مغص الدورة والطلق عـــــــــــــــــــــــــذاب ولوعه واحساس بترجيع وتخيلوا يستمر هذا لمدة 10 دقايق ويسوي " دبل تكنيك " يعني يرجع على القرحة مره ثانيه وهكذا

وطول الوقت انا في عذااااب ولوعة مستمراااان

الله يسلمكم خلصنا فقمت على طولي البس ثيابي وما وعيت الا وأغمى علي !!! ليش ؟ لحد الان الاسباب غير معروفه ؟؟؟

وبعدها طلعت من الطبيب مع التعليمات التاليه:

الطبيب : راح تمري في تلات حاقات يابنتي 1. نزول ماي كتير زي البووول ما تخافيش 2. نزول دم مع افرازات 3. نزول زي القشره من اثار الكوي .

العلاج : تحاميل اعشاب يوميا لمدة اسبوعين – كريم مهبلي دالاسين يوميا – مضاد حيوي
التوصيات : أوعي جوزج يأرب منك لحد المراجعة الثانيه – يعني بعد اسبوعين من العملية !!

الواقع اني من اخذت المضاد وانا في خمول ودوخة مثل الزفت طلع من اثار المضاد ان تحوشج هاللوعه
بالاضافه الى الماي اللي قاعد ينزل علي شي خيالي يمكن انا نشفت من كثر الماي اللي ينزل خيـــــــــــــــــال !!

وهذي انا مع الكوي مراجعتي بعد اسبوع والله يستر
بس على فكرة الدكتور روووووووووووعه بس الله يهديه ما قالي ان هالكثر مؤذي الكوي ولحد الحين ماادري ليش اغمى علي بعد العمليه هاهاهاها !!

وسلامتكم وهذا الفلم بو 7 نجوم اللي ما خلص

ما تشوفين شر يالغاليه

ماتشوفين شر انشالله

اجر وعافية

ماتشوفين شر حبيبتي انا كان معاي قرحه بس الحمدالله انها راحت من نفسها … قالولي من الهرمونات وانا كان معاي هرمون الحليب شوي مرتفع وحاطه لولب … نظمت هرموناتي وكان اخر حل الكي بس راحت قبل لا اكوي وعانيت معاها 7 شهور..
كنت احط قطنه فيها مره بعد الجماع عشان ماتلتهب,,,

سلامتج ماتشوووفين شر

وااااااااااااااي الله يعينج

لو انا ماافكر اسويها

ماتشووفين شر والحمدلله على سلامتج

سلامتج حبيبتي امبيي انا شاكة ان فيني قرحة الله يسسسستر

بغيت أسأل
وشلون الألم اللي يجيك أنا عندي ألم بأسفل البطن جهة اليسار مع وجع أسفل الظهر هل هذه قرحة

الحمد الله على سلامتج واجر وعافية

اي ام عبودي اصلا قالي الدكتور ألم القرحة يكون اما مثل النقزات او المغص عن الرحم ويضرب بالظهر يعني تقريبا مكان الكلى او تحت شوي فما ادري احسن لج تفحصين وتتأكدين .

ومشكورين على المرووووور والدعواة وللكم بالمثل ان شاء الله

سلامتج ماتشوووفين شر

ماتشوفين شر انشالله

ما تشوفين شر حبيبتي
لا باس عليج إن شاء الله

بس سؤال ملقوف شويه

دسوقي
وين راح
يحليله كان بالسلام
اهو اللي ولدني في بجري الله يحفظها لي

سلامات

لا باس طهور ان اشاءالله

ماتشوفين ر