والله يابنات مادري شقولكم بس سبحان الله
عندنا كتاب عظيم ووايد منا مقصرين عنه .. بقولكم تجربتي واللي صار معاي
وانتوا حكموا ..
اول ماكنت اقرى قرآن وايد او استمع له .. وكنت عادي اقرى احيانآ فقط
من قبل السنه وشي تقريبآ .. دخل القرآن الكريم بحياتي بشكل كبير (الحمدالله رب العالمين)
لكن القصه بدأت متى .. يابنات من وانا صغيره وانا كله تييني كوابيس واحلام مزعجه 
وهالشي خلاص صار جزء مني .. كل عمري جذي .. اذا ما استثنينا فترة الطفوله ..
يواثيم وكوابيس مزعجه بعيد عنكم .. لكن المفاجأه صارت متى .. قبل وفاة الوالد
حبيب قلبي الله يرحمه من جم شهر توفى وواضبت على قراءة القرآن وتشغيل المسجل في غرفتي
يوميآ .. وبالاخص سورة البقره .. وواضبت على هالشي سواء استمعت لها او حتى وضعت الشريط ..
بالغرفه .. وجني جذابه 
يعني اللحين لا احلام ولا كوابيس والله جني جذابه كلشي اختفى
حتى قلبي احس انه الله مسح علي .. يعني مادري شقولكم احس بغرفتي راحه ..
صج بركه لا إله الا الله .. سامحوني على الطواله بس ماتصدقون شلون اختفت الكوابيس وصارت
من الماضي رغم كل شي
فنصيحتي لكم .. لاتخلووووون ابدآ حتى لو صفحتين باليوم عقب الصلاة ..
ولاتنسون تحطون شريط تستمعون في البيت والله بركه القرآن الكريم ورحمه ويطرد عنا الشياطين …
وشكرآ ..
انا طول عمري كوابيس لحد ماصار ان لما انام انطر الكابوس وانا اضحك هههههههههه تعودت
لويحصلي رافجت الوحوش الي تطلعلي كثر ماتعودت على اشكالهم
وقمت اقرا قران وخف وايد
بس الحين القولون سببلي مثل اكتئاب نفسي وبس القران الي يطلعني منه
سبحان الله شفاء القلوب والنفوس يعني ماكو ادويه للنفس والقلب لكن في القران
مشكورة
ما شاء الله تبارك الرحمن الله يثبتج حبيبتي ..
و فعلا القرآن الكريم يبعث الراحه و الطمئنينه بالنفس ..
و كفايه سورة البقره تطرد الشياطين انا متعوده ما انام الا و انا مشغله قرآن
اذا ما شغلته ما انام خلاص تعودت و فعلا حتى احلامج تصير عاديه يا انها تكون حلوه او عاديه ما تخرع
و سبحان الله اذا كان القرآن بالبيت يشتغل يقولج الشياطين و الجن ما تدخله ..
و انصحج واظبي على اذكار الصباح و المساء يحفظونج من كل شي و لهم تأثير كبير على حياتج و بتلاحظين حياتج راح تتغير للاحسن باذن الله ..
الحمدالله رب العالمين وسلامتج يارب
والله خيتو حتى انا القولون شغال علي والقرآن وخاصه للي يقرى بخشوع ويسمع بخشوع
ماشالله بركه وخير
الحمدالله على كل حال وشاكرتلج مرورج خيتو
اختي القرآن شفاء ورحمة
الله نزله لنا رحمه لنا بس شتقولين
الشيطان دايما يحاول انه يبعد عنا كل شي يفيدنا وكل شي نقدر انحصل منه حسنات
يزاج الله خير
ربي غفر لأبوج ويجعل قبره روضه ومن رياض الجنة وافسح في قبره بمد بصره يارب
الله يسلمج حبيبتي وعدل كلامج ..وفعلأ سبحان الله تحسين بالطمأنينه والراحه اللي الانسان
يسعى لها..
ومشكوره على النصيحه وانا قد ما اقدر اقرى الاذكار والادعيه صج تشرح القلب والخاطر
تسلمين حبيبتي على مرورج المذهل
dark-sound
اي والله صاجه اعوذ بالله من الشيطان الرجيم
مشكووره حبيبتي والله يسلمج ويخليج ..
السدره2
اي والله صاجه اعوذ بالله من الشيطان الرجيم الله يبعدنا ويبعدكم عن شروروه
ويحفظنا واياكم بالقرآن تسلمين حبيبتي على المعلومه والمرور الحو
أميرة الورد
اي والله صاجه اختي والعياذ بالله من الشيطان الرجيم حسبي الله عليه مترصد لنا ترصد
مشكوره عالدعوة ياقلبي واللهم آمين .. وماقصرتي على مرورج الراقي
العود الأزرق
آجمعين يالغاليه مشكوره عالدعوه الطيبه والمرور
yam_yam
اي والله الحمدالله رب العالمين الي خلقنا مسلمين سبحانه ورزقنا هالكتاب العظيم
مشكوره حبيبتي على مرورج وتفاعلج