|
|
السلام عليكم ورحمة الله وبركاته .. ي بنات ابي استشيركم واشوف رايكم
انا كنت مربربه ووجهي طبيعته مش ممتلىء , وانا اساساً ما احب الوجه المنفوخ او الخدود الأوفر
لكن من فترة ست شهور تقريباً قررت اعمل ريجيم قاسي ونحفت عشرين كيلو تقريباً هذا اذا مش اكثر !!
الا واتفاجأ ان الوجه قاعد ينحف وخطوط الفم صارت واضحه وفيه بالخدود زي الفراغات وشكلهم مره معقدني وانا توي صغيره
ووجهي صار طويل وشاهب وباهت .. وكل من شافني انتقدني وقال مره شاينه !! .gif "Eh S(16)")
المهم رحت للعياده بضبط عمري وكنت ناويه عالدهون الذاتيه الا اتفاجأ ان الدكتور قالي مافيك دهون اصلاً !!
سألته عن باقي المواد قال في فيلر دائم وفيه مؤقت , الدائم ما اتعامل معه لانه يسبب تشوهات مع الوقت .gif "Eh S(2)")
اما المؤقت فهو جيد بس ما يستمر اكثر من ست شهور .. قلت ست شهور زين الواحد يجدد عمره ويتسنع
يوم سألته وجهي كم يحتاج ككميه او كم التكلفه قالي 15 الف !!!!!!!! بينما الدهون الذاتيه 6000
المهم قلت له بجرب شيء بسيط واشوف , نفخ لي ندبات موجوده عندي بالحاجب اثر لحادث قديم
حبيت النتيجه بصراحه , لكن الله وكيلكم اسبوع وطارت بالهوى !!!!!! ولا كأني عملت شيء
وتخيلوا كميه بسيطه بس كلفتني 3000 !!!!!!!!!!!!!!!!!!!
بحثت بالنت لقيت ان الفيلر المؤقت ما يدوم غير شهرين بالكثير !!!!!!!!! رغم ارتفاع تكلفته
اللي عندها فكره عن مواد الحقن ( الآمنه) وحطوا تحت الامنه مليون خط , اللي ما تتعارض مع الجسم
ياليت تفيدوني خلاص كرهت عمري , وماعندي استعداد كل شهرين احقن بـ 15000
وكأني قريت احد الردود بهالمنتدى انه فيه حقن بالبلازما , سألت عنه هنا ومالقيت إجابه
اذا فيه بالكويت انا مستعده اطلع لأني من السعوديه .. وجزاكم الله خير
انا ممرضه وحطي حلقه ب اذنك
التجميل تجاره
يعني انتي اذا ماثقفتي نفسك لاتتوقعي دكتور بيقولك للاسف انا ماعمم لكن الاغلب هيك
وبالنسبه لل فيلر
انا سويت موقت استمر معاي 7 شهوووووور
سويت تعبة للخطوط حول الفم وشوي اسفل خدودي
كان شغل رهيب وعجبني
وكلفني 1800 ريال
وبكرر تجربه لانها عجبتني
اذا انتي من شرقيه
روحي لدكتوره هدى
ب اسطون
موفقه
وش هالفرق المبالغ فيه ؟!!!
لكن سعر دكتورتك جدا مبالغ فيه يمكن عياده غاليه
لان دكتورتي قالت لو بسوي لك تعبئه لكل مشاكل الخطوط
يمكن يكلفك 5 الاف بالكثير
حول العيون وحول الفم وزياده للخدود
وبالنهايه ترا كل وجه يختلف عن الاخرى يعني يمكن انتي تحتاجين 5 انا 10 او العكس
لكن بالنهايه اقرا وابحثي
لان سعر كانو سعر جراحه كبيره 15 الف خير
هو المتعارف عليه
انو الفلير انواع
ولكل نوع سعر
يعني انا قالت لي ف نوع خفيف بس قلت لها مابغى شئ خفيف ابغى شئ الاحظه
انا عندي وجنات ووجهي من نوع المثلث
حقنت لي بماده ريستالين
وطريقته تحقن وفورا تفرك الماده وتسوي لها مساج لان الماده بسرعه تنشف ف لازم تنشف بطريقه متجانسه مع البشره
ولا تتكتل بمنطقه اكثر من الثانيه
الحلو بعد ان نتيجه فوريه
يعني اذكر حقنت وجهي جهة اليمين بعدين عطتني مرايه
فرق بين جهتين
مو بالحجم لا الفرق ان الخطوط راحت لما ابتسم
وبالنهايه لازم تروحين لاحد ثقه لان الحقن مو شئ سهل لازم احد متمرس
بس ابغى اعرف انتي رحتي لاي دكتوره؟
حقن البلازما امن لانو الحقن يكون منك وفيك
وسعرها بحدود 1500 الى 2000
المشكله فيسي محتاج كمية كبيره لأنه نحيف لدرجة كبيره , مكان الخدود فيه زي الفراغات
وحقن البلازما هذا وين القاه ؟ وكم يجلس ؟ .. ابي عياده تسويه وشغلهم نظيف
مشكوره اختي وما قصرتي , كفيتي ووفيتي
وخدودي غايريين داخل يبيلهم نفخ بس الفيلر الدائم يمه يخوف
والمؤقت يشق شق غالي حيل وكل 4 شهور اتفخ مره ثانيه
خو انا مو موظفه قطع
اقولكم حطيته بالجبهه واسبوع وطاااااااااااااااااااار !!
قاعده افكر بحقن البلازما , يبي لي اشوف آلية هالحقن وشلون صايره بالإضافه لدكترو شاطر
مالك الا الفيلر او الدهون الذاتيه .. انا اخواتي مسوين دهون ذاتيه مره بيرفكت والشكل طبيعي والحين لهم سنين ومافش الا شوي !!
وفي حال فش وطار عالاقل الدهون منج وفيج اذا ما نفعت ما ضرت .. لكن مشكلتي نحيييفه وخاليه من الكولسترول < < هذا زيت مو جسم هههههههه
مالي الا حقن البلازما بما انه آمن .. الفيلر المؤقت بخليه آخر الحلول
قالوا هاد مش للنفخ هاد للنظاره فقط !!
شكل مالنا الا هالفيلر المؤقت
صارلي اللحين 4 شهور والماده مكانها والنتيجه جميله ماتغيرت
وقالوا لي مدتها سنه الى سنه ونص
انصحج فيها
لازم نفرق الفيلر اهو التعبئه والامتلاء للخدود
انا انصحج تاخذين دهون من الفخذين او الخلفيه عذراً ..وتملئين ويهج
ولازم تروحين دكتور شاطر
واذا انتي ويهج حيل اضعيف في تقنيه يحطولج حشوات بالخدود تصير من داخل الحلج
يسوونها دكاتره الفكين بالاسنان مو اي دكتور لازم دكتور فكين
يعني ماتصلحلج لانها ماتعطي تعبئة
٥شهور وخفت ابي شي ثابت ومايخف