|
|
السلام عليكم
شلونكم خواتي
عندي موضوع اهو خاص فيني لكن عام للكل بنفس الوقت
اذا تقدم لج شخص ماتعرفينه بس شرطه انه ماتكملين دراسه ولا توظفين ولا تسوقين ولاشي؟؟
انا تعرضت لهالموقف ويو الناس وعجبتهم لكن انصدمو لما دروا اني الحين اكمل دراستي وقعدو يقولون اهو مايبي وحده تدرس او تشتغل
علما باني كبيره ماني صغيره وكانت ظروفي صعبه فحصل تاخير باكمال دراستي وليسني لكن انا الحين الحمدلله اكمل دراسه وحاطه بالي ااذا الله سهل اكمل ماستر واعتمد عالسايق مؤقتا لين اسوق بنفسي وناويه اشتغل او افتح لي مشروع يعني حسيت انه كل طموحاتي واحلامي بتروح بلمح ا لبصر اذا رضيت ووافقت على هالشروط
عطوني رايكم واكون شاكره لكم
مااتخلى عن طموحييييييي كلش
اتخلى عن شي بسيط ممكن بس دراستي وشغلي لا ابدا
اوكي ريلج احبج ويموت فيج بس مهما يكون لمن يكون عندج شهادة انتي تحسين نفسج غير
الشهادة اولا بعدين الزواج
حق عيالج بعدين ماتدرين شنو يصير بالدنيا
ماتعرفينه وبتتخلين عن كل شي؟؟؟
اكبر غلطه اتسوينها اتوقفين دراستج على ريال
لا تتوظفين على الاقل شهادتج اتكون بيدج عشان لا سمح الله
لا صار شي بعدين ما تحتاجينه واتكونين معاه طول عمرج
بس عشان يصرف عليج؟؟
ترا غلطة امي اوووكي انا اقولج اياها اشكره
خلصي دراستج وشهادتج بايدج بعدين تزوجي مو مهم تشتغلين بس الشهاده بايدج
واذا على لسواقه لا اتسوقين شكله اهوه يبي ياخذج ويودييج
جذي اوكي
بس على الاقل تعلمي اتسوقين
ترا السياره مهمه شلون تقدرين تستغنين عنها؟؟؟؟؟
وانتي حره واللي اتشوفينه صح سويه
بالاخيير الراي لج 
والله يوفقج عسولة
انا مؤيده كلامكم ورايي من رايكم
مستحيل اتخلى عن كل شي واهد تعب سنين عشان انسان ماعرف عنه شي يعني يمكن يعوضني يمكن لا وحتى لو ماضمنه ولا اضمن الزمن
خصوصصا انه عندي اختي تعاني من هالشي لاوظيفه ولا تسوق وهم مو معوضها بطلعه الروح تطلع ولا تصرف لانها مو مستقله بوظيفه او سياره
يعطيكم الف عافيه اهو موضوع حبيت اتناقش فيه وياكم لاني مستحيل ارضى
بس شالي يحدنا نفكر جذي غير المجتمع الظالم الي عايشين فيه الوحده من تعدي ال25 وماتزوجت خلاااااااص الكل يطالع لها بشفقه وجنه مسويه ذنب
سوري قرقت عليكم بس من حرتي
انا بقولج وجهة نظري
شوفي اذا كان رجال محترم واخلاقه حلوه زالنعم فيه ليش تردينه ؟؟ الدراسه ممكن بعدين تقنعينه بطريقتج الخاصه واتوقع ماراح يقصر عنج
يعني قولي لابس بخلص دراستي مو شرط اتوظف عشان تظمنين مستقبلج !!
واهم شي الاستخااااااااااره ؟؟ استخيري والله يكتب اللي فيه الخير ؟؟
بشرينا عنج !!
خلي دراستج هي طموحج الاول لانها اهي معينج على الحياه ,,
احنا ما نضمن المستقبل و لا تضمنين الرجال نفسه !!!
الحياه فيها العديد من المفاجآه و المتاعب ,,
تمسكي بدراستج ووظيفتج و مثل ما قلتي لوكانوا متمسكين فيج فاكيد ماراح يمنعونج من الدراسه !!او الوظيفه !!
و اتمنى تطمنينا عليج قريب
لأنها بتنفعني أكثر من الريل
ممكن أستغني عن الوظيفة و السياقة طبعا بشرط يوفر لي إللي أبيه و يوديني و إييبني
لكن الشهاة لااااااااااااااااااااااااااااااا و ألف لااااااااااااااااااااااااااااا
بس لازم اكمل واخذ شهادتي..
وغير جذي يعوضني يعني يعطيني مصروف يكفيني ويزيد ويوديني ويبني ..
انا معاج بحاله انه يكون مايتطوف ومقتنع اني اكمل دراسه عالاقل بس الي عرفته من اهله انه رافض هالشي نهائيا واهم انصدمو لما دروا اني ادرس واخاف ااذا تنازلت من البدايه خلاص مالي اي مجال بعدين
الف شكر على ردج ياعسل
فعلا كلامج عين العقل مانضمن شي لا المستقبل ولا الريال نفسه
مشكوووره حبوبه
مشكووره حبيبتي انا معاج الشهاده اهم شيييي
اهم شي تكملين دراستج وتاخذين الشهاده موفقه يارب
المصيبه شدراج انه بيوفر لج كل شي الي اشوفه اكثر الرياييل مو مجابل طلبات مرته وبيته بصراحه بهالزمن صعب تعتمدين عالريال بس خصوصا اذا صار عندج يهال بعد تزيد المسؤوليه
صج الشهاده تنفع وتخلي لج مكانه وتنفعج انتي قبل اي احد والظفيه نفس الشي تنفع وتخليج تعتمدين على نفسج بس السنين تركض
الشهاده والفلوس ما راح ينفعونج اذا بقيتي وحيده
المره مالها إلا بيتها وزوجها وعيالها مهما وصلت لأعلى المراتب
يعني بالعربي اذا جاج ابن حلال وشفتي انهم ناسب توكلي على الله
الله يوفقج