تبين تعرفين اجراءات الفحص الطبي بالتفصيل حياج :)

شلونكم بنات

قبل لا اروح الفحص الطبي كنت ادور بالنت شلون ؟ وين وشالطريقة عشان لا اضيع ,, بس اليوم لمه رحت قلت ضروري انزل موضوع عشان الكل يستفيد .. مابي منكم غير الدعاء

اول شي الله يسلمكم رحت الصباح ومعاي 3 اوراق ,, تروحين مبنى مكتوب عليه ( المجلس الطبي العام )

اول ما تدشين المبنى تمشيين كله سييده في على اليمين اخر شي دريشه مكتوب عليها غرفة 20 والتعينات
تروحين تعطينها اوراقج كان فااااضيي ماكو الا انا لاني وصلت 8 ونص عندهم , تعطيج ورقة ( تحليل البول ) وانتو بكرامة
و( الاشعة) وتقولج روحي المستشفى تابع حق منطقتج طبعا انا انصدمت لاني تبع الاميري
قلت ليش هالعباله اروح وارد جان تقولي روحي الجراحه والباطنية اهني بالصباح عشان لا تتعنين ورحت اول شي الجراحة اهناك سويت (تحليل البول )
الحمام زوين بس اكيد لازم تكونون يايبن معاكم كلنكسات ديتول وهالسوالف <== تفصيل ممل

عقب تقولج روحي خلصي من الباطنية على ماتطلع النتيجه يعني يمكن 20 او 30 دقيقة تاخذ وقت
رحت الباطنية بالسرداب تنزلين تسوين اشعه اقل من 5 دقايق تخلص ,
طبعا يعطونج الظرف الي موجود بكل بيت ابيض شطووووووووووله مكتوب عليه وزارة الصحه مايخلىى اي بيت من هالملف ..شطوله و الاشعة كبر جف اليد

المهم , رديت خذيت نتيجه ( تحليل البول ) وانتو بكرامه ورديت حق المجلس الطبي ,, عطتني اوراق وطلبت صورة وحده شخصية قالت لي روحي غرفة 7 عبي بياناتج , بورقتين وحده تكتبين فيها اسمج وعمرج وشغلج وهالسوالف والثاني يسالونج اذا عندج امراض معينه تحطين نعم ولا ولا سمله علي وعليكم

عقبها تنادي اسمج الي بغرفة 7 تسوين تحليل دم , تخلصين تعطيج ورقة رقم حق الدكتورة تدشين على الدكتورة تفحص بطنج ونظرج وقلبج وتجيك على الاشعة وبعدين تعطيج الاوراق الثلاثه ملوت اول الوقت وتقولج وديهم الدريشه (غرفة 20) طبعا ماصارت 10 وربع الا الحمدلله انا خالصة كل شي
سهاله ماكو وايد زحمه بس عقب بنفس المبنى صار وايد في رييايل ملوت البنوك يقعدون يقنعونج تفتحين حساب عندهم طنشووفهم

بس الشي الغريب ان الي بالدريشة قالت لي تعالي الاربعاء الياي استلمي النتيجه شدعووووووة
الي كان باقي لي بس الدم , كل النتايج الباجي طلعو شماله هالطواله
بس شكلي بروح لها الاثنين الياي ماراح انطر لي الاربعاء