|
|
https://www.q8yat.net/showthread.php?t=159924
توني صكرت التيلفون منها تخيلو شنو تتوقعون صار
تقول ……..
تقول…………..
تقول………………
صعدت معاه السياره (المشكله ماتسوق البنت )
طبعا سوى نفسه بكل برود وان ما في شي صاير
اهيا سكتت طول الطريج واهوا يحاول يكلمها ويقولها شفيج( ابيه من صجه هذا لو انا اذبحه)
ليما دخلت البيت
وبدلت وصلت وراحت للدار
وعلى فكره اهوا دايم يسابقها على الفراش
الريال بدل بسرعه وراح يكلم التيلفون واهيا تسمعه يتحلطم ويقول كل منك وهقتني صارت براسي حسبي الله عليك اهلي مطنقرين وواصلين حدهم (خخخخخخخخخ)
البنت نغزها قلبها تقول اسمعه يسفل بالريال ويتحلطم
والا يرجع لها ويحاول يكلمها والبنت مو راضيه تقول لو مكلمني لحظتها جان حطيت عاليها واطيها وخربت البيت بالي فيه
ويرجع يدز مسجات ومحد يرد عليه
فجاه لقيته يكلم واحد يقوله روح طق عليه الباب في بيتهم وكسر الباب بوجهه النذل سوى فعلته ونام وقلبها علي
شوي والا يكلم واحد ويزفه زف وقال كله منك ماراح يصدقوني وطبعا كل هذا واهوا برى الشقه مو داخلها وكل ماطلع برى الشقه البنت تروح تتسمعله
والا يروح لعنها للدار ويصكر القفل ويقولها يابنت الناس السالفه جذي وجذي واذا ماانتي مصدقه الله يسامحج وانتي تظنين فيني جذي هذا اخر ماتوقعته فيج وانتي تعرفين تصرفاتي وانا مو مال هالسوالف واخذ كل القران الي عندهم بالبيت تقول 4 وقعد يحلف على القران وشوي يبجي والبنت مومصدقه
والا تاخذ عباتها وجنطتها وولدها وتبي تروح والا يمسكها ويحلف عليها وتقول صار فيني ضغط نفسي وبنفجر والا تقول اخرها بجي والعن ابو اليوم الي عرفته فيه ومن هالسوالف ليما كبرت السالفه وصارت سوالف مابي ابط راسكم
والا يقولها السالفه ومافيها
رفيجي بالدوام قال عفيه عطني موبايلك شوي ابي ادز مسج خاص بسرعه
ومن قرادة حظه الريال ان رقمج مسيفه اول اسم وكتب رقمها ويحط سند ويرسل والريال مو منتبه والا ماينتبه الا انتي راسله المسج وانتبه ان المسج مرسل لج وللرقم الثاني وقالي رقعلها وقولها حلم واستر علي مرتك تعرف مرتي واخاف تقولها السالفه وتفضحني (لاااااااااا اخاف صج يالخاين )
وريلها يحلف يقول لو ادري ان بيدز حق وحده والله ما اخليه والله واهوا ماكان ناوي يقول وماسح المسج بس كل شي الله مو راضي عليه يفضحه
وطبعا ريلها حطلها السبيكر والريال يتعذر ويتسمح ويقول امسحها بوجهي (الريال مايدري ان ريلها حاط سبيكر)
واوضحت السالفه والبنت هدت وبس شايله على الريال
طولت عليكم
شرايكم
هي بتصير بقلبها ولو اييب الريال هم ما راح تصدقه بس علشان ولدها تكمل معاه كل الرااايل لهم عرات وادري وايد بيقولون لا اسم الله على ريااايلنا
اقولهم لو مو هم يركض ورا اللبنات البنات يركضون وراهم
والله يعين
على الفكرة ترى السالفة صارت لصالحها لأن اذا ريلها مو مال خرابيط فهذي تعتبر قرصة أذن حقة ان إذا يوم من الأيام فكر يخربط ماله إلا العين الحمرا.
بس تدرون مره كنت مسافره مع زوجي ولما وصلنا للديره اللي احنا فيها كان حماي سابقنا لها وصدفه كان زوجي نازل اللوبي ويوم جيكت على تلفونه لقيته مطرش مسج لاخوه يقول فيه شلون البنات اهناك 
هذا وانا مسافره معاه حسبي الله عليه
على قوله المثل المصري يامأمن الرجاله يامأمن الميه في الغربال
|
المشاركة الأصلية كتبت بواسطة الاستاذة
 اممم مادري احلى مو مقتنعه ليش رفيجه ما عنده موبايل؟الله يعينها وانشالله تكون سالفته صج
|
نفس الراي
احد يعطي موبايله لريال ثاني علشان يغازل فيه؟
لا والريال متزوج
اسمحيلي ريلها مشكوك بأمره ويوم حط السبيكر اتوقع كان متفق مع الريال قاله اذا دقيت عليك يعني مرتي ابتسمعك معاي
يعني فبركوها واطبخوها علشان المسكينه تقتنع
|
المشاركة الأصلية كتبت بواسطة TeAcHeR_BeZaRiN
شوفي حبوبة سواء السالفة كانت صج ولا مو صج المهم ان الريال شرى رضاها وحاول بكل الطرق انه يتعذر خل اتهدي اللعب وتتعوذ من ابليس واتطوفها هالمرة بمزاجها بس خل اتحط بالها بالمرات الياية وتدعي ربها انها يصد عينه عن كل بنت غيرها
|
صاجه والله وهذا الي انا قلته لها
|
المشاركة الأصلية كتبت بواسطة miss-one
خل تتعوذ من ابليس وتكبر راسها علشان ولدها ،، حرام تصير مشاكل وتقعد تراقب تصرفاته معاه يمكن يكون مظلوم
|
مشكوره وكلامج عين العقل
|
المشاركة الأصلية كتبت بواسطة فجر@@
شوفي ماكو ريال ما يطالع ولا يتله عره على بنت والا مره
هي بتصير بقلبها ولو اييب الريال هم ما راح تصدقه بس علشان ولدها تكمل معاه كل الرااايل لهم عرات وادري وايد بيقولون لا اسم الله على ريااايلنا اقولهم لو مو هم يركض ورا اللبنات البنات يركضون وراهم والله يعين |
مشكوره فجوره انا معاج ان الريال انسان وكل عين بتشوف خو مايترس عينه الا التراب
ومسكينه اهيا تقول ماسامحته مطوفتله بس هم ماراح انسى السالفه
|
المشاركة الأصلية كتبت بواسطة بنت نشمية
بدام السالفة طلعت جذي ( إذا كانت صج ) عيل خلاص خل تتعوذ من بليس و خل علاقتها مع ريلها ترجع مثل ما كانت و ان شاء الله يهدي سرهم و يسخر لها ريلها
على الفكرة ترى السالفة صارت لصالحها لأن اذا ريلها مو مال خرابيط فهذي تعتبر قرصة أذن حقة ان إذا يوم من الأيام فكر يخربط ماله إلا العين الحمرا. |
مشكوره وانا قلتله ريلج الحين راح يحسبلج الف حساب