تأخر الزوج والهياته

قوة بنيات ….. كيف الحال

والله انا عندي مشكلة بالنسبة لي عوييييصة ….. واهي ان زوجي يحب يتأخر بالديوانية لمن الساعة 2 او 3 الفير ….. ولمن اقوله ليش تتأخر يقولي تاخذنا السوالف واللعب مع الربع وانسى الوقت ….

قلت له يعني تنسى بيتك وعيالك ….. وجم مرة اكلمه وخليت اهله يكلمونه يتعدل جم يوم وبعدين تعود ريمه لعادتها القديمة ….

شنو اسوي ؟؟؟؟

اهو الحمدلله مو مقصر بالبيت …. بس سالفة التأخير والطلعات والروحات …. ويعني ساعات مانشوفه ….

انا اعرف ريلي ان الحمدلله ماعنده سوالف بطالية …بس اهو طبعه جذي من زمان يحب الطلعات مع الربع والديوانية واليمعات …..

لكن ساعات تحسين انج مليتي …… شنو اسوي اخليه على كيفه لمن مادري متى الله يهديه ولا اروح بيت اهلي واحطه جدام الامر الواقع …… وانا ماحب ادخل اهلي بالسالفة لأنه يحبهم ويحبونه ….

ومرةابوي نغّز عليه بهالسالفة …بس عمك اصمخ ……

دلوني دلوني …. ياهل الوفا دلوني

ادري قرقت وايد …بس شسوي مليت ….. ان الله مع الصابرين والصابرات

حبيبتي السالفه ما تستاهل تروحين بيت اهلج وقولي الحمد الله والشكر ان زوجج يروح الديوانيه احسن من اماكن ثانيه وفي وايد حريم تمر عليهم مشاكل وسوالف اكبر من جذي بس مستحملين انشالله رب العالمين يهديه

حاولي مره تكلمينه ومره تبينينله انج متضايقه او على الاقل خل يبدي فيها انه يوم ديوانيه ويوم بالبيت, يعني حبه حبه وانشاءالله يتعدل… وعليج بالدعاء

لي صارت الساعه 12 ونص وحده دقي عليه قوليله تعال البيت

لا دقين عليه ولاشي صدقيني حبيبتي صدقيني فترة وأهوا راح يمل وبيرد البيت امبكر بعدين الريال مو حلو تقولليله لازم ما تأخر وترد امبكر وين هيبت الريال تصير بعدين مدام الحمدلله ما عنده سوالف ولا خرابيط خليه على راحته وبمل
آنا كنت كذيه أول ما تزوجت وللحين صارلي 11 سنه وأهوا بالهبه كم يسهر بالدوانبة لين الساعه 3 و4 و5 بعدين يقعدلك بالأشهر يا أنه مايروح خير شهر أو اذا راح رد امبكر
وأنتي تقولين أنه مو مقصر ببيته فالحمدلله
ولا تدخلين بهالموضوع أهلاك ولا أهله

انا معـــــــــــــاج صح

رفيجتي تقول لج شغليه بمشاوير تخصج علشان ينشغل عن الديوانية وثاني شي حاولي تجذبينه بانوثتج ورقتج وشخصيتج

هلا عزيزتى

انتبهى تعلمين اهلك ماله دااااااااعى

دام طبعه كذا وش تسويين

الله يهديه ويسخره لك ياااااااارب

والله حاااااله مايعطى زوجججج حق زوجى اشوى اتمنى ان زوجى يتاخر, انا اشوف اتصلى عليه قوليه مسويه عشا تعال ولا اجر فليم وييبه معاك هالسوالف عشان يصير فى شى يقعد بالبيت , بس تبين الصج خليه يمكن توكم مزوجين والبيت فاضى اشوى ويبى حركه وربعه باجر تكثر المسؤليات عليه يبى له وقت اهو يرتاح فيه

حبيبتي لا تزعلين بس ماعندج سالفة تروحي بيت اهلج عشان هالسالفة
جربي تطلعين معاه على يوم بليل عقب الساعة 12 وقت دوام و مري على الدواوييين … بتلاقين كل شباب الديرة هياااته
انا ريلي جذيه هالشي اللي مو لاقيتله حل لي الحين
شنو السحر اللي بالدوانية يخليهم لي الفير فيها
ما اقول الا يارب اهديهم
و اقول الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف الف حمد و شكر انهم بيزيلوووووووون الدواويييييييييييييييييييييين
لووووووووووووووول

لا أختى غلطانه تزعلين وتروحين لاهلج علشان يتاخر بداونيه ؟
عادى الدوانيه احسن من شي ثانى وبعدين انتى قلتيها انج تعرفين زوجج مو مال سوالف بطاليه ولا مقصر
عليج فماله داعي تكبرين الموضوع..
مادرى اذا زوجج طول النهار معاكم ويلبي كل طلباتكم واذا بالليل يروح دوانيه
يستانس مع ربعه ما فيها شي بعد لازم يغير جو البيت ويرد مشتاق له .

أي والله كلام ستايل صح والبنات بعد كلهم خليه يرد مشتاق لك ترى اذا علطول بالبيت يمل وما يشتاق لك والله وبعد هذي وناسة الرياييل الدوانية أحسن من هالفراره بهالمجمعات خليه على راحته ولا تزعلين ولا تشكين لأهلك
بس شتسوين مره قولي له أشرايك أنروح المجمع الفلاني وونسيه بهالطلعه خليه ما يشبع اذا طلع معاك من الوناسة والسوالف الحلوه علشان يشتاق حق الطلعه الثانية وبعدين مو علطول طلعاتك يكون اليهال معاك ترى بعض الرياييل يحبون الطلعة والتمشي والتسوق حق بروحه يكون أهوا اللي اباللك
ترى آنا كذيه بهالطريقه تغيير والله حتى ساعات لو بطلع مع أهلي كل ساعة يدق وينك يله ردي بالبيت صارت فيه غيره اذا طلعت مع أهلي والله صدقيني ترى الريال يهب هبه وبعدين يطخ

شرايج تاخذينه بالسياسه …تقولين له مثلا لك 3 ايام يالاسبوع تتأخر و الاربع الباجي ترد مبجر ؟
و اذا هو من النوع الي ضميره يأنبه ……قوليله انا ماراح انام راح انطرك لما ترجع ….يوم ورا يوم راح يستحي ان يتأخر وراح ايي لج مبجر …
و نصيحتي لج ….ترا الرياييل ما يواطنون المره الحنانه !! فلا تدقين عليه وايد ….بالعكس قوليله عليك بالعافيه روح استانس مع ربعك …..الريال يحب ان يكون له وقت خاص له و لربعه ….

انزين سؤال …..عرفنا يرد الساعه 2 او 3 الفير …..بس متى يروح الدوانيه ؟
يعني ورا المغرب طلعو مع بعض…روحو مشاويركم ….ووراها قهوه او مطعم الخ الخ و يردج البيت مثلا على ال10 و بعدها يروح هو دوانيته …..بهذه الحاله ونسج وونس عمره ^_^

كلااااااااااااااااااااااااااام حلو وعدل يا أنتيكه

الله يهديهم يا رب