|
|
السلام عليكم ورحمه الله
كيفكم يابنات
ماشاء الله متعودين حنا البنات خصوصا
ان اي اي وحده يحصلها مشكله او تتعب نفسيتها او تتوهق في امر على طول تلجآ بعد
الله لبعض
وهذا الشي مو مستغرب عليكم لانكم بنات اجاويد تحبون الخير
والحمدلله ان الله عز وجل سخر هالمنتدى عشان نحس ببعضنا فيه ونعين ونعاون
كم من اخت كانت بتضيع وجهتوها كم من انسانه احتاجتكم ومارديتوها كثير وكثير مواقف
اسال الله العظيم رب العرش العظيم ان لايحرمكم من امنياتكم ويكتب لكم
وصلح نوايانا اجمعين وان يضيقيكم سعاده تغمر قلوبكم
وهذا الدعاء خالص من قلبي وليست حروف كيبورديه اسال الله انا يتقبله
انه ولي ذلك والقادر عليه سامحوني ع المقدمه الطويله وبدخل في سالفتي ع طول
لانكم اكثر من خوات صح ماعرفكم شكليا لكن باطنيا ارتاح لكم وهذا اكيد
طبعا اكيد ماراح تخلوني لان هذي نخوتكم مايبلها كلام
انا امر بحاله نفسيه صعب اوصفهآ وخصوصا لوحده بسني انا متاكده
لو وحده فيكم عندها نفس معاناتي مادري وش يصير فيها وانا متحمله وراضيه
بقضاآء الله وقدرة لكن لازم ابذل السبب
مابغى ادخل في التفاصيل واللي صارلي موشويه يعني يمكن لو ذكرت الاسباب البعض يمكن يحسبني ابالغ
لكن لله الامر من قبل ومن بعد
انا الحين يابنات في صدمه نفسيه كبيييييييييره
تخيلو
ها اقول
تتوقعوا ايش ممكن ,,
لحظه لحظه
عمري 23 وادرس في الكليه طبعا ويتيمه والحمدلله على كل حال
تخيلو من اولى متوسط وانا ماقدر ابتسم لان اسناني صناعيه
لاتضحكووون ولا تجرحوني بس والله اني صادقه والحين كل الاسنان الصناعيه طاحت
تعبت نفسيتي وحتى اهلي معاي تعبت نفسيتهم واخواني وماني عارفه شلون بداوم
وابي بنت حلال وبنت وبنت تحب الخير تدلني على اي دكتور او احد ممكن يعالجني ويركب لي اسنان بسعر رمزي
او تقسيط
تكفوووووون حسوا فيني والله الذي لا اله الا هو الي تكون سبب بعد باني اطلع من معاناتي
بدعي لها كل ما اصبحت وامسيت تخيلو كل ماضحك احط منديل عشان ماحد يلاحظ ويضحك
وامي فديتها ليل نهار متقطع قلبها وعيونها من البكى علي مابيدها شي غير تدعيلي لاني بنت شابه وبهالمنظر
يابنات تكفووووون اللي تعرف احد يساعدني دكتووور اي كائن بشري ممكن يقسطني او ياخذ سعر رمزي
اقلها 200 ريال وانتم عارفين سعر الاسنان تكلف 12 الف ريال انا يتيمه ماعندي اب يهتم فيني وابمستشفيات الحكوميه بجده تدرون شللون
تعبت من واعيدهم ولخبطة الدراسه
وبس ماعندي كلام اقوله اكثر
اسال الله ان يجزي خير الجزاء االي توقف مع اختها وبس,,
ي حياتي ماتشووفين شرر والله ماعرف بس الله يفرج عليج ياارب
ماعرف شقولج غير عسا ربي يعوضج عن كل الي شفتيه و يهونها عليج
انا ماعرف اي طبيب و شكلج من المملكة بعد و امكانياتج مو لين اهناك من جذي ماقدر اساعدج و ماعرف احد مناك ..
( اللهم يا سامع الصوت و يا سابق الفوت و يا كاسي العظام لحما بعد موت ارزق اختي " انفاس ! " ما تتمنى و هون عليها مصيبتها بحق جاه نبيك يا ارحم الراحمين و صلي اللهم و بارك على سيدنا محمد و على ال بيته الطاهرين " ..
اي صج تذكرت و قلت خل اعدل ردي تقدرين تحطين لج موضوع بقسم الاستفسارات الجمالية و همن تقدرين تحطين لج موضوع بقسم الصحة " العمليات الجراحية " و اكيد في بنات حايسين بهالعيادات يقولوج و بتلقين تجاوب اكبر و حاولي تبحثين اكبر بالنت سمعت في عيادة بالخفجي وايد زينة و معروفة بس نسيتها و عروضهم حلوة لدرجة ان في ناس من جماعتنا يروحون مخصوص لها بسالج عنها و لي عودة بس اهيا معروفة حيل ..
و آب لعيونج يالغلا
وعندج عيادات الخفجي للاسنان رخيصه وفيها ناس فاهمه وتقسط للي عندهم ضروف والله كريم
والله ييسر الامور
بس انا اهتم بالطب البشري مو طب الاسنان
ما اقدر غير ادعيلج ان الله يرزقج اسنان يدد بعد مو تركيب
نصيحة على ما تدورين واحد اقساط ادعي ربك بقيام الليل اسنان يدد
تره الله يقدر يرزقج لو امنتي بقرارة نفسج ^^
أب
الله يفرج همج
والي تسال انا عندي انيميا منجليه وضعيفة واسناني ماتحملت السوس وتاثرت كلهااا من صغري
هي وين ولو تعرفين لها اسعر ارقام تدليني لو هي رخيصه
روحي عيادات الخفجي اذكر حماتي راحت كذا مره عندهم ويتعاملون بالاقساط