بنــــات الظاهــر خبر تقويم الكفاءة بـ يد المديرة بس طلــــع صحيـــــــــــــح

صباح الخير بنـات ..
شلوونكم .. ومبروك عليكم العطلـة ..

مادري اليوم بالصدفة لقيت هالخبر في موقع وزراة التربية ..
من جريدة الأنباء .. واليوم .. بتاريخ اليوووم 30 / 1 / 2024

يبقى الموجه الفني ورئيس القسم كمشرفين فقط »التربية «: مديرو المدارس يصدرون التقارير النهائية لتقويم الكفاءة

مريم بندق : عقد اجتماع في وزارة التربية بحضور مسؤولين عن التعليم العام ومركز المعلومات وادارة الموارد البشرية لتنفيذ نقل بعض الاختصاصات الى مديري المدارس منها: اصدار شهادتي الراتب وإلى من يهمه الأمر، اضافة الى اصدار تقويم الكفاءة النهائي للمعلمين والاداريين في المدرسة عن طريق النظم المتكاملة، على ان يكون للموجه الفني ورئيس القسم مهمة الاشراف فقط.

التربية»: مديرو المدارس يعتمدون تقارير الكفاءة للمعلمين والإداريين

مريم بندق : علمت «الأنباء» ان وزارة التربية ستمنح مديري ومديرات المدارس اختصاصات عديدة منها اصدار شهادتي الراتب وإلى من يهمه الأمر وعمل تقارير تقديم الكفاءة للمعلمين والاداريين، على ان يكون للموجه الفني ورئيس القسم مهمة الاشراف فقط. هذا واعتمد وزير المالية مصطفى الشمالي 76 مليون دينار فقط ميزانية لمشاريع تطوير التعليم للسنة المالية 2024/2010. وقالت مصادر مطلعة ان تقديرات مشروع ميزانية وزارة التربية للابواب الثاني والثالث والخامس للسنة المالية 2024/2010 تضمنت مبلغ 142.328.890 دينار لتغطية متطلبات تنفيذ المرحلة الثالثة من مشاريع استراتيجية تطوير التعليم (2007/2008 – 2024/2013). ورفعت الوزارة كتابا لديوان الخدمة المدنية لرفع الحظر عن 600 درجة وظيفية شغرت بالاستقالة.

يعني تقويم الكفاءة صار في يد المديرة فقط .. والموجه والمشرفه بس للاشراف ..
وبعد راح يصير اصدار شهادات الراتب ولمن يهمه الأمر من المدرسة نفسهـا عشان يخفون الشغل على المنطقة

مادري شرايكم .. ؟؟
بصراحه انا مشرفتي غاثتني .. هي الوحيدة اللي تكتبلي جيدجدا .. والموجه والناطرة معطيني امتياز ..
وكل كثر ما تكرفنا ما يبن بعينها ..
مادري انا أؤيد هالشي ..انتوا شرايكم بالخبر ..
يعني ماله داعي 3 فووق روسنا يقيموونـه .. شدعووووووه ..

..

انا رأي من راييج

مع اني مو فاهمه السالفه بس كلامج احسه منطقي

ان شاء الله هالخبر صحيح

قبل اقول مالة داعي التوجية اكثر ناس يعرفونا هم المشرفة والناظرة شحقة بعد التوجية بس تدرون لما صارت الصجية مابي >ــــ<

بعض الناظرات ظالمات يعني مسيطرة على المشرفة والموجهة وهالشي شفتة وصار سابقا بروضتي ولعبوا بالتقارير لعب والسبب الناظرة طيب مرات تكون الموجهة حقانية وشخصيتها قوية وتنصر هالمسكينة الحين شلون قبل تعتبر طوق نجاة الحين بيلعبون هالناظرات لعب

بس اعتقد الدخول فينا فينا اقصد التوجيية حاضرين اووووف مادري

اقول وراهم مايلغون التقويم ويفكونا مو احسن ^ـــــــ^

اتوقع هذا الافضل
تسلمين على المرور اختي

حبيبتي يعني التقويم يصير كله بيد الناظرة ..
الموجه والمشرفه مالهم ايد بالموضوع

هلا ابله خلوود

هذا الخبر في جريدة اليووم بس مادري متى يطبق القرار ؟؟

شاكره مرورج حبوبه

صاجه بعض الناظرات تكون ظالمه
بس أتوقع القليل ..
أبرك من المشرفه اللي تقعدين طول السنه تكرفين لها وتسويلها شغلات .. ومرات تسوين حتى شغلها اللي هي مكلفة فيه
وما تقدرين ترفضين وبالتالي مو عاجبها .. مو قهر ..
الموجه ماله داعي بصراحه .. يعني يحضرلج مرة وحده بالكورس .. ويقيمج عليها هذا مو عدل .. يعني مرات الدرس ما يخدمج مرات الطلبه ما يخدمونح .. مرات تكونين تعبانة ما اشتغلتي على الدرس .. ويقيمج على زيارة وحده
تخيلي موجهنا احنا ما يحضر الا اخر الكورس لما الصبيان يبون يغيبون .. ومافي دروس نكون خلصنا .. وينك طول السنه ..

انا اقول شخص واحد يقيمنا أبرك من ثلاثـه ..:dddds
يعني العوض ولا القطيعه ..

واذا الناظره ما تدري وين الله حاشرها شنو الحل

جااااااااااااااااااااااان زيـــــــــــــــن

الله يسمع منج جاااااان زين يطبقونه هالسنه

عاااااااااد رئيسة قسمي شنو غاثتني وتمنن علشان تقويم الكفاءه وتهددني فيه

وجان زين يطبقونه هالسنه ههههههههههه

واكسر عينها ههههههههههههه

أشوف ان الناحية الادارية المديرة أولى بتقييمها لكن الناحية الفنية رئيسة القسم أولى بها خاصة ان كانت المديرة تخصصها غير عن المعلمة أما الموجهة ما شوف لرأيها معنى تجي للمعلمة مرة أو مرتين وتقيمها !!!!!

لا يطبــقــووونه .. شــنو بس النــاظره .

أنــا النــاظره مــا دشــتلي الا مره وحده و كــان تقريـبــا اول الســنه .
و الكــراااف الوحيده الي تشووفه اهي المدرسه الاولـى .. من تجهيزات حق اليوم الرياضي
و اغــراض و مطــامر بالحصـه و ادوات و اشـرطه
و تقييم و زيارات و عباله حق اسبوع القيـيـم و مســكت مرحـلتيـن كنـترول

احنــا نــاظرتنــا مــاتيـيـنــا احنــا البدنيــه وااايــد عاد أنـا تعيـيـن يديد و كــرفت كـرف اليــهد والله حسـيت روحي ان
صـارلي ادرس من سـنين .

صــج حظــي نحــــــــــــــــــس

السلام عليكم

اختي حلوى ورهش شاكره لج هالنشاط والنقل المميز بس لي اضااافه على هالخبر الغريب والعجيب

اول شي ما أعتقد ان الخبر صحيح .. وفيه غلط بالموضووع
الوزيره اطلبت من الوكلاء نقل بعض الصلاحيات للمدارس وتسهيل أمور المعلمين
فتم الموافقة على نقل بعض الأوراق الرسمية للمدارس

أما موضوع تقويم الكفاءة .. أعتقد المقصود هو ان التقرير يعتمد ويحفظ عن المدير موووووو بالمنطقة
لكن مستحيل يكون اهو بروحه اللي يحط التقويم .. موومعقول ومستحيل ليييش انه هذا يخالف قانون الخدمة المدنية

اللي سمعت عنه انه في اقتراح يناسب قانون الخدمه المدنيه لان الوضع الحين مخالف له الا وهووو اعتماد مشروع الموجه المقيم ، اللي هو رئيس القسم
والتقويم راح يكون بالنسبة للمعلم :
60 % للمدير << — الجانب الاداري ومدى فعاليه المعلم في هذا الجانب
40 % لرئيس القسم<<— الجانب الفني لانه صاحب التخصص ويعرف الماده العلميه بشكل جيد والمديره مستحيييل ايكوون شامل لكل التخصصات وقادر على تقيييم المواد العلميه والعمليه فنيا

بالنسبة لرئيس القسم اللي ايقيمه :
60 % للمدير
40 % للموجه

وتقبلي اجمل تحيه

شي طبيعي الناظرة راح تاخذ الحجي من رئيسة القسم والموجه ..
يعني راح تستعين فيهم بالاخير .. عشان تحط تقريرج ..
انا عندي ابرك من ثلاث على راسنا .. شدعوووه ..
وترضين منو وتخلين منو ..