|
|
مرحبا خواتي، انا ملاحظة بنتي ما تنام الا والمصاصة بحلجها و اذا حاولت اطلعها من حلجها تقعد من النوم و نبدي بسهرة الصراخ و البكاء، عندكم فكرة شنو اضرار المصاصة و اذا اكو طريقة تخليها تستغنى عنها شوية، على فكرة بنتي عمرها 3 شهور و نص، و مشكورين
بقولج سالفتي يوم اني عنونه
الله يسلمج انا واختي الوحيدين بين كل اخواني الي نمص اصبعنا ,, لي عمرنا سنتين تخيلي
يعني سنتين واحنا ما انام إلا واصبعنا بحلجنا لوول
عاد امي قالت لازم اخليهم يهدونها و من تسحب اصبعنا عاد تعالي شوفي ,,
المهم شسوت ماماتي الله يحفظها ؟
قامت حطت على اصبعنا ليمون ,, او دوا ازرق او لفت اصبعنا بالبلاستر الي يصير خام ,,
ومرة على مرة لين بطلنا :d
والحمدلله
مع تحيااااااااااااااااااااااااتي
تبدي ليمن يصير عمرها سنة وراح تتعلق فيها وايد أحسن شي عمر 6 شهور قطعيها وإذا مو راضيا تنام شليها حوسي فيها لين تنام وشوي شوي راح تتعود بدونها
بس بصراحه مريحتني
عيل خل اقولكم عن تجربتي مع بنتي …
كانت اسمالله عليها حناااااااااانة وعسرة خاصة بالليل ولأنها ترضع مني فكل شوي تقوم .. ومن يبتها وانا احاول اعلمها على المصاصة ماتبيها لين علمتها عليها وعمرها 6 شهور تخيلو (الناس يقطعون عيالهم منها بهالعمر وانا اعلمها ) ..
بس كنت مستحيييييييييييييييل احطها بحلجها اذا كانت ساكته .. او قاعدة تلعب .. او عموما مو قاعدة تبجي ..
حتى لو بجت بوقت غير وقت النوم ماعطيها ..
لأني شايفة عيال حماتي 24 ساعة المصاصة بحلوجهم وبنتها عمرها الحين 3 سنين والمصاصة بحلجها ومن جذي نطقهم بطييييييييييييييء .. بنت حماتي ماتحجت الا وعمرها قريب ال3 سنين لما دخلوها الحضانة وشافت اليهال وحجيها حجي بيبي يعني بابا وماما وغدا وتعالي بس .. وليلحين ماشالله بنتي تتحجى وايد احسن منها مع ان بنتي اصغر بسنة .. والولد ماشي على خطاها عمرة سنة ونص ولا كلمة حتى ماما وبابا مايقولها لأن المصاصة على طول بحلجه حتى وهو ساكت ويلعب ولي شالوها يصرخ لأنه تعود عليها خلاص ..
اوكي طلعت عن الموضوع بس علشان تعرفون شيصير اذا الياهل تعلق فيها وايد ..
نرجع حق محور حديثنا ..
عودت بنتي على المصاصة بس متى اعطيها ؟ اذا كللللش بغت اتنام داخت حدها .. يعني بالاول ادبخها وارضعها لين كلللللش اتدوخ واعطيها المصاصة اتمصها 10 دقايق ومن تنام خلاص اشيلها من حلجها .. علشان تتعود تنام بدونها .. ولي قامت تبجي بالليل احطها بحلجها نفس الشي 5 دقايق لين ترد تنام واشيلها ..
واخشها عنها طول اليوم ولا تشوفها .. ولي شافتها وبغت اتجربها على سبيل التجربة اقولها لا هاذي ويييييييع مصاصة ويييييييع .. قامت حتى لي شافت عيال حماتي اتقولهم ويييييييييييع قطوها وييييييع …
وقطعتها عنها وعمرها سنة ونص بس ماقمت احطها بحلجها لي نامت كلها يومين كانت اتقوم فيهم ومو وايد بعد كنت اعطيها ممية ماي بدال المصاصة بعدين حتى الممية ماقامت تبيها وكلللللش ما تعبت معاها لما قطعتها اصلا ماحست فيها ولا طلبتها ..
وقت النوم اول مايشوفني اشيله وبحطه بسريره سيدا مص الأصبع يعني وقت النوم ههههه
ومرات يمص صبعه اذا كان سرحان ومندمج بالتلفزيون هم يمص صبعه
بس صراحه الأصبع راحه >>>>>>> تنفع حق غراس
لييي ياااع بليل يمص صبعه يعني ما يبجي ويصارخ فانا اسمع صوت المص
واسويله حليب ويشرب
وبعدها يحذف الممه ويرد صبعه وينااااااااااااااااااااااام
صراحه يوم كنت حامل دعيت اني ايب بيبي يمص صبعه
اموت عاليهال الي جذي
والظاهر ما ورث مني الا هالشي يوم كنت صغيره لووول >>>>>> فضحت روحهاااااا
المهم امي شوست يابت مره ونقعت فيها المصاصه ههههههههههه صار طعمها أرف
بروحها بنت اختي بس ذاقت الطعم لا تشوفون ويهها قطتها واطالعها ساعه تردها وتقطها ليمن نستها