بنتي تعذب وما اقدر اسوياها شي

الحمد لله والصلاة والسلام على رسول الله محمد صلى الله عليه وسلم .
مشكلتي بنتي صارلها سنه وشهرين اسهال مايوقف خير شر ولما شفت الوضع طول وديتها المستشفى المبارك اذبحونا تحاليل دم ومافي فايده ولما زهقوا حولوني الاميري ولما تابعت بالاميري قالت الدكتوره بنتج مافيها شي هاذا طبيعي وشديت معاهل بالكلام ابي منضار او اشاعه او اي شي من حقي اتطمن عليها ارفضت وطلبت تحويل دكتور ثاني بس للاسف كل هم ارفضوني……..حسبي الله ونعم الوكيل بنتي الحين عمرها سنتين وتجرحت من تحت من كثر الاسهال ولا قادره اسويلها شي غير الدعاء..والا انا بالكويت اطهر ديره بالعالم يرفضون حالت بنتي قلبي يتقطع عليها ومالي غير الدعاء حسبي الله ونعم الوكيل عليهم حسبي الله ونعم الوكيل

عسى الله يشافيها يارب

شدي عليها بالاكل اللي ي نشويات يعني بطاط ومعكرونيات اي شي في نشااااا علشان يثقل اشوي ويمسك بطنها

وانصحج وديها الدكتور محمد سعيد مال الاطفال ممتاااااااااااااااز وان شاء الله من بعد الله بشوفلها حل

اقري على بطنها

ماي زمزم

وروحي حق خاص احسن لج

روحى خاص اشناصر خل يولون الحكومه حاولى بالخاص يمكن يعرفون من شنو هل اسهال شوفى شنو يقولج بعد شتسوين

حبيبتي الله يعينج

من خلال خبرتي الامساك والاسهال مالهم علاج الا المغذي ونظام اكل معين وطبعا الكريمات حق الاسهال

حاولي تلتزمين بأكلها كله مفيوح من غير بهارات ولا دسم

عطيها ماي العيش لان النشا ينزل كله بالماي وخليها تشربه

بما ان بنتي ماتحبه كنت اسوي لها الشوربه منه او كنت احطه لها بدال الماي واضيف الحليب وترضعه بالمميه

في اكل معين حق هالحالات

وبالنسبه للاطبه انا ارتحت على اطبة مستشفى هادي وايد ممتازين مثلا طارق قطب وفايز وفتح الله

والشفاء من الله وكثري دعااااء وتصدقي الصدقة تدفع البلااااء

يمكن دايما متعرضة للهوا .. او يمكن ماتاكل عدل وكليها بطاط مع روب خالي الدسم .. واخذيلها مبدئيا من المستوصف المغذي مالت الاسهال حطيه مع الحليب او مع سفن اب لأنه طعمه مررر

وروحي الصيدلية طيراااان يبيلها حليب خاص للاسهال يستخدم 5ايام وصدقيني بتتحسن

ونصيحة روحي طبيب خاص للاطفال واخذي تحاليلها معاج وشوفي شسالفتها

مستشفى مبارك لايحووشك

حبوبة – وديها حق دكتور جعفر شمساه بمركز العناية الألمانية ورا جمعية السالمية

ثاني شي لازم لازم خلطيلها مع حليبتها قفشة نشا صغيرة

وبأكلها هم قفشة نشا

عطيها بطاط عيش معكرونة روب

وحق مقعدها يبيلها سودو كريم

امبيه لا كلش ولا مستشفى مبارك .. الله لا يحدنا عليهم ان شالله

انتي عرضتي بنتج على خاص ؟ حاولي تودينها مستشفيات ثانية ترا دكاترتنا خواره للأسف يمكن بنتج فيها شي بس مو عارفينه

الله يشافيها ويخليها لج

انتي من موضوعج ما رحتي خاص سألي البنات عن احسن دكتور وروحي له وخلي عنج مستشفيات الحكومة
وثاني شي فيه حليب بالجمعية مخصوص للاسهال جنه اسمه نوفولاك او شي جذي
وفيه شي مرة قالولي اياه عن الاسهال تبشرين ثوم وتخلطينه مع الروب وتوكلينها
وعسى الله يشافيها وتقر عينج فيها

الله يشافيها لج يارب انا جربت الاسهال عزكم الله مع عيالي مانفعهم غير الله وديتهم للدكتوره سعاد البصيري اللهم لك الحمد من ثاني يوم الدواء وقف انصحج فيها وديها وان شاءالله تبشرينا خير باذن الله

صاجه هالدكتور عبقري ماشالله عليه مااعرف احد راح له الا وعرف علته
ع العموم في الطب النبوي
الرسول صلى الله عليه وسلم اشتكوله ناس من حالة اخوهم تعبان حيل من الاسهال
فقال لهم الرسول عطوه عسل
ردوله بعد وقت قالوا للرسول زاد الاسهال عليه
قال لهم الرسول عطوه عسل مره ثانيه
وتكرر ثالث مره وقالوا زاد اكثر من قبل قال هم عطوه عسل
وبالاخير شفى وقال الرسول صلى الله عليه وسلم
كذب بطن اخيكم وصدق رسول الله
الله يشفي بنتج يارب

الله يشفيها ويحفظها وعليك بالرقيه والبنات ماقصروا

حسبي الله عليهم اذا حمرت من تحت حطيلها نشا وحده بوحده يوخر الحمار والتسلخات كلها
انا اقول اذا عندج فلوس وديها خاص الحكومه ماوراهم غير العذاب والله مادري ليش جذي

مشكورين وجزاكمالله الف خير انا شنو يطري عالبال سويته حليب تركيبه مخصص لاسهالعطيتها موموجود الا من مستشفى المبارك ونشا وروب حتى الخوا جوا حطيته من تحت مافي فايده جميع انواع الكريمات حطيتها بس دام الاسهال موجود ماينفع وديتها مستشفى الهادي ودكتور عبدالله العويد قالو لازم دكتور جهاز هضمي للاطفال وانا ماعرف دكتور زين بالكويت ..وديتها لبو حاتم عطاني عسل وزيت وقال روحي الطبيب بس خفت ماعطيتها العسل المشكله الحين انها كبرت وصعب اتحكم باكلها اذا كلت فاكهه وعصير غير التفاح والجوافه تسهل علطول والله اني وكلت امري لله لان شاب راسي اول مره اشوف هالحاله والمشكله ان صحتها زينه ونومها زين وتكبر اسمله عليها افكر اوديها بره بس ابوها مو راضي مثل جده اوتايلند فحوصات شامله ورخيصه………

الله يعافي بنتج ويشافيها لج يارب
جربي الدكتور محمد سعيد وان شاءالله يفيدج؟؟؟