بنتي 3 سنين وماقطت الحفاضه اشلووون

السلام عليكم ورحمة الله وبركاته

بنات بنتي تكمل 3 سنين ان شاء الله الشهر الياي

وماقطت الحفاضه للحين

وحضانتها مايعلمون الياهل يقطها

حاولت من قبل بس اهي كانت تعاند لان غيرانه من اختها الصغيره

الحين اليوم بديت وقلتلها اذا حسيتي فيج شسمه قوليلي

شسوي؟

اوديها الحمام من نفسي كل اشكثر؟

بليل البسها حفاضه؟؟

تره بجري وما اعرف شسوي

كان ودي افيدج بس للي اعرفه ابدي وياها والحضانه المفرووض يساعدونج بهذا الشي اول شي ابدي فيها الصبح بعدين اشوي اشوي خليها بلليل بعد تقووم ولا تعطينها سوائل وقت متاخر

اذا بنتج ماتعرف شي عن هالعمليه هني شوي التدريب يكون صعب ..

اولا : خليها اغلبيه الوقت اللي تحسين انها تحتاج الحمام .. بدون اندر وير .. وخليها على القيصريه تطالع التي في

شوي شوي بتربط هالمسأله بقعدتها وبتعرف وحتى اذا خلاص سوتها شجعيها .. والتدريب يبيله اسبوعين ترى مو هينه السالفه

اما اذا اهي تعرف بس غيره من البيبي .. اشتري لها اندر وير ملون وفيه رسوم والحفاظه لاتخلينها تشوفج وانتي تبدلين للبيبي ..

لاتقطعينها مره وحده يعني بالزوارات حاليا لبسيها لانج ما تضمنين بس بالبيت لاتلبسينها كللللش وقولي لها كخ مو حلوه الحفاظه هذي بس للبيبيات مو الكبار انتي كبيره انتي شاطره ومن هالكلام ..

والله يعيناااااااااااااااااا من حملهم ليما يكبرون متعبينا .. الحمد لله يارب

هذي اصعب مشكله عندي

وااااااااي انا ولدي عمره سنتين و3 اشهر والله قاعده احاتي هالموضوع لان يبيله صبر وطولت بال بس ناطره ندش عالصيف اعلمه اشوي اشوي لان الحين الجو بارد
وكل 5 او 10 دقايق وديها وانتي بكرامه الحمام قعديها بالقيصريه وبالبيت لاتلبسينها البامبرز عشان حتى لو تسويها على نفسها هي راح تتضايق وانتي لاتعصبين عليها لان مره على مره راح تتعلم وبليل حزت النومه لازم تلبسينها لين اشوي اشوي تتعود عالوضع لين ربج يفرجها وتقطعها

وعلى الحضانه مو كل الحضانات يعلموووون الياهل يقط البامبرز

وان شاءلله اكون فيدتج حبيبتي

وااااااي انا بنتي بتكمل سنتين و6شهووور

ونفس المعاناه تقووول ابي مابي حفاظه والبسها السروال الي يكووون مثل الحفاظه بس ماكو فايده

ناطره الصيييف واتفرغ لها لووووول

الله يعييييينها

هلا وغلا لقجري شخبارج

انا اقولج شنو طريقتي مع عيالي طبعا اول شي لازم تسولفين معاها
انه اهي الحين كبيره مثل ماما وبابا ولازم تروح الحمام
والصغار مايعرفون عشان جذي نخلي عليهم الحفاظه
وتالي طبعا اول شهر اخذيها مني ماراح تقولج وبتسوي على روحها
لانه ماراح تعرف تقولج او تمسكها
فانتي كل نص ساعه من غير ماتقولج دهخليها الحمام ادر المساله متعبه
وخليها تلبس ملابس داخليه وحق الطلعه البامبرز الي جنه كلوت
وبالطلعه على نفس المنوال كل نص ساعه وديها الحمام
مع الوقت راح تتعلم تمسك نفسها وطبعا كل ماتودينها تقوليلها
اذا فيييييج قوليلي عشان تتعلم انه لازم تقولج
طبعا تركي سالفة الليل الحين لانه مارح تقدرين مع بعض
وبس تعرف تقضب عمرها راح تصير سالفة الليل اسهل وايد

ني حق سالفة الليل بعد ماتتعلم

تحطيلج منبه كل ساعتين طبعا هذا بس اول اسبوع
ماتشررررررررررررررررررررررررررب اي شي قبل النوم بساعتين على االاقل
عشان ماتسويها عليج
وقبل لاتنامين وديها وتالي بعد ساعتين هم قومي زخيها وديها

تالي زيدي الوقت شوي شوي طبعا اكيد لابد بتسويها جم مره بس مع والوقت تضبط روحها

صج الي كتبته شكله صعب بس ان شاء الله سهالات لاتحاتين

انا بعد وياكم

هلا حبيبتي السالفة سهالات انشا الله والله بنتي قعدت ادربها اكثر من شهرين بس الحمد لله تعلمت
اول شي لاتلبسينها بامبرز بالبيت كلش وكل شوي وديها واشتريلها النونية حقت الاطفال وشغلي الحلفية واذا سوتها صفقيلها وحسسيها انها سوت شي حلو راح تستانس وشوي شوي كل شوي وديها تقريبا كل نص ساعة
واذا طلتي بيت اهلج اوحمولتج لا تلبسينها واستمري وديها للحمام واخذي معاج اندروير اكثر من واحد
مرات راح تسويها على نفسها عادي لا تخانقينها
خلي الحفاضة بس بالليل
يعني بالنهار كلة لا تلبسينها عشان تتعود راح تتعبين بس تحملي
لاتحطين مدة معينة لما تتعود راح تمسك نفسها 4ساعات وهي تقولج ماما وديني
بعدين خلاص قطي الحفاضة بالليل وكل 3ساعات شيليها ووديها للحمام وهي نايمة
الحمد لله هذه طرقتي
وقوليلها انتي كبيرة ماتلبسين حفاضة وهذا دادا
الله يعينج حبيبتي

هلا وغلا لاكجري

اشلونج عساج بخير ؟؟ الله يخليهم لج إن شاءالله وتشوفينهم قرة عينج يااااارب

والله انا مثلج بعد حدي محتاسه مع ولدي أحسه يعاند وإلا يطفرني لم أدخله تكرمين الحمام مايسوي شي وبس ألبسه البامبرز يقولي ماما نونو

بنوتي ماتعبتني مثله اسم الله عليهم وإن شاءالله برد أشد عليه بس خل يدفى الجو وأتفرغله عدل

زجولة ماقصرتي يالغالية كفيتي ووفيتي عسى ربي يحفظهم ويبلغج فيهم اللهم آمين

انا بعد معاكم بنتي عمرها سنتين ونص

انا كنت نفس معاناتكن بس الحمدلله انحلت بيومين بس تخيلو صرلي 6 شهور بحاول فيها مرة ضرب ومرة تشجيع ومرة تصفيق ما خليت طريقه ومافي فائده حتى اجت امي ودخلت حكتلي استلمها انا التلها تفضلي يومين كانت نضفانه اول مرة عملت على تيابها اخدت امي ملقط الغسيل وحكتلها اذا بتعملي مرة تانيه رح حطلك الملقط وردت عمله تاني مره على تيابها حطت امي الملقط على خلفيتها طبعا اتوجعت شوي وصارت تبكي تالت مرة صارت تركض على الحمام خوف من الملقط وهيك نضفت بنتي
خوفا من الملقط هلا بنضف ولدي بنفس الطريقه متجاوب معي خوفا من الملقط

اختى شيء طبيعي اذا حست بحسره راح تسويها لازم انتى تاخذينها كل ربع ساعه تودينها قولي سوي <<<عادي سوت ما سوت اهم شيء كل ربع ساعه ….وبليل لبسيها ..بتتعود من كيفها

3 سنوات اسم الله عليها كبيرة

عوديها اشوي اشوي

):×