بنات موعدي مع دكتور التجميل الزائر بمستشفى طيبه .حياكم

السلام عليكم ورحمة الله وبركاته

حبيباتي كويتيات …نوت أختكم ضحاوي أنها تسويها وتبيعها وتوكل على الله بعد مشاورات ومطاحنات مع طويل العمر ليييين وافق(ذبحني)وهي عملية شد ورفع الصدر…
السالفة وما فيها إني صار لي سنه داشة جمعية عشان فلوس العملية…وكنت ناوية أسويها بألمانيا لأني بسافر بعد 3 أسابيع…بس سبحان الله قلت أسويها بديرتي أبرك لي عشان الوالده الله يسلمها ويطول لي بعمرها تكون يمي(تعرفون ما لنا غناة عن الأميمة

)…وزوجي حتى إرتاح لما قلت له شرايك أسويها بالكويت؟؟
وبالفعل خذيت موعد عند نيشو من شهر ونص وعطوني موعد بتاريخ 1445009 ومازلت على الموعد…
اللي صار إني شفت إعلان دكتور زائر حق طيبة كلينك وهو الدكتور الألماني ماريو..وقلت خلني أدش عليه إستشارة أنا شنو خسرانه؟؟
المهم دقيت وخذيت موعد …وشتوقعون عطوني موعد؟؟؟
في نفس اليوم والوقت اللي ماخذته من سكرتيرة نيشو!!!! سبحان الله يا ماكو مواعييد …يا كلهم في نفس الوقت!!!
طبعاً قلت لسكرتيرة طيبه إني ما أقدر العصر خليها الصبح…وهذا اللي بيصير إذا ربي أراد…
يعني موعدي باجر الساعة 10 ونص بطيبه عند دكتور ماريو والساعة 5 ونص عند نيشو…
بنات…باجر بجيب لكم سعر العملية وطريقتها وأي إستفسار تبوني أسئله لكم للدكتور أنا حاضرة…بس على شرط…واللي أوله شرط أخره نور…أن أسئلتكم تكون تخص الصدر وعملية الشد والتصغير والرفع يعني مو عن أي جزء ثاني من الجسم عشان الدكتور ما يتضايق ويحس إني قاعده أستفسر منه على الفريج
المهم من جدي يا بنات أي سؤال في صميم العملية سئلوا ولا تترددون…
أنا مبدئياً عندي إحساس أن الفرق بالسعر بينهم بيكون كبير ما أدري جذيه حاسه وباجر يبين…
على فكره أنا حالتي أن صدري وسط مايل للصغر يعني مقاس 36 B بس مترهل من الحمل والولادة والمتن والضعف لييين صار دلاغ..والله لاعت جبدي جني شايله جلي…وبس محتاجه شد …باجر الدكتور بيقول لي شنو المناسب حق حالتي…
وأدعوا لي الله يسهلها لي ويكفيني الشر…اللهم آمين…
وحياكم كويتيات

انا اسمع ان د- نيشو معروف وأحسن

لا والله يا ضحاوي انا رمان باذنجاني بس يا قلبي كم سعر نيشو ومك الالماني انا بحثت بطرق القطع للصدر وراسلت لي بنتي صفحات طبية بالنت اتصدقين القطع ماله خص بالحداثة والقدم له شغل بشكل الصدر يعني الكبير حيل وترهل شقته غير عن الصغير اللي مو مترهل غير عن الصغير المترهل المهم حبيبتي اكيد ما اخذتي هالخطوة الا بعد ما استشرتي واستخرتي الله يوفقج بس كم تكاليف العملية عند نيشو وعند الالماني والله يقومج بالسلامة

انا ماعندي سؤال بس حبيت ادعيلج

ربي يوفقج ان شاء الله و يسهل امرج

ويقومج بالسلاامه ان شاء الله

ناطرين التفاصيل
الله يكتب لج الي فيه الخير

وتصيرين احلا من صدر اليساا بعد
امين

ناطرين

صبااااحو توته يعني صباح الخير بس بطريقتي….الله يسلمج ياااا قلبي واللهم آمين إيه والله ياوخيتي أبي من دعواتكم الطيبه عسى ربي يتقبلها ويكتب لكم مثلها يارب…
وصاجه يا قلبي الشد غير التصغير وأنا مثل ما قلت لج أصلن صدري صغير بس سايح وملوع جبدي يعني ما أقدر البس غير الستيان المبطن سفنج عشان يسوي قوام مدور للصدر ما أقدر بتاتاً البس العادي اللي بس قطن ولا ساتان يصير شكل صدري مثلثات وقبيح أنا عاد دقيقه وأحب التفاصيل وهالشئ يلفت نظري في باقي الحريم فعشان جذيه أحرص أن عيب صدري مايكون واضح بس تعرفين ساعات الوحده تلبس دلعات وسيعه ولابد ما يبين أن الصدر طايح:
وهذا سؤالج يا توته:

سئلي عن عمليه الشد و التصغير لان الشد غير عن التصغير يقولون لان انا صدري يبيله شد بصراحه

بنات أنا رايحه الحين الموعد وأدعو لي من الحين خايفه الله يستر هذا وبس إستشاره خايفه عيل العملية شلون؟؟