بنات مو جربت الكشف النسائي !!

قوة بنات ..

اليوم رحت العيادة عندي موعد .. جان تسألني الدكتورة جم سؤال عن الأعراض اللي أحس فيها .. بس ما فحصتني لأن باقيلي اسبوع على موعد الولادة ..

وطبعا انه ما أمشي كله قاعده بالبيت ولا أتحرك :d من العيز .. فعطتني موعد الاسبوع الياي تاريخ 27 وانه موعد ولادتي بعدها بيوم يعني تاريخ 28 وقالت لي راح اكشف عليج الاسبوع الياي اذا ماولدتي قبلها ..

واشوف اذا مطولة ولا شالسالفة واذا طولتي راح اعطيج مجال 10 ايام بعدها ..

بس حبيت اسألكم الكشف هذا يأثر على شي ولا لأ ؟؟ وصج يقولون ان الكشف هذا مو زين ؟ سمعت يقولون ان هذا بعد يسهل الولادة وفي ناس تقولي لا تخلينها تكشف عليج وفي ناس تقول خليها خل يسهل عليج عالأقل لأنج ما تتحركين .. فمنو فيكم جربته او سمعت شي عن هالموضوع ؟؟

ومنكم نستفيد

أم علاوي

خليها تكشف عليج هالشي ضروري

ياما وياما جربناه لاتخافين منه عادي

والكشف يسهل الولاده

لان الدكتورة بحركه معينه توسعلج الرحم

انا براي خليها تكشف عليش هي دكتوره وراح تفيد ما راح تضر
ثانيا اكلي تمر انا جربته ويسهل عملية الولاده وايد وايد وصدقيني

ام علاوي

انا كشفت على قبل ولادتي

و لما شافت ان الرحم متهيء للولادة

قال بساعدج

يعني الدكتوره تسوي حركات بالرحم تهيء الرحم للولاده

خليها عادي
الله يسهل عليج

ام علاوي الغالية …

شوفي حبيبتي الفحص مو زين بالاشهر الاولى لمن لا سمح الله المرة يصير معاها نزيف او شيء من اعراض الاجهاض بعض الدكاترة الخبووووول يفحص وهالشيء مو زين بهالفترة ..

بس الفحص من تدشين التاسع اعتقد انه عادي وضروري بعد عشان عن طريقه تعرفين اذا مفتوح رحمج والا يحتاجلج وقت للولادة …

انا جربته في حمالي الاول لان الثاني قرروا قيصرية ومافي داعي للفحص …

بس بحمالي الاول فحصتني لما قرب موعدي وقالتلي مفتوح 1 سم وبعدها بجم يوم ياني الطلق ولما فحصوني قالولي الرحم نفس ماهو فتح بس 2 سم وان المفروض على طلقج الحامي ان الرحم يفتح عندج اكثر وعن طريق وضعية الياهل اللي مقررين من الاول عليها القيصرية وعلى ان الرحم مافتح على الرغم …من الطلق ( حلوة على الرغم ) القي خطبة الظاهر ….خخخخ

قرروا القيصرية …

وان شاء الله تكون ولادتج طبيعي ولا تخافين من الفحص والدكاترة العدلييين والسنعييين ما ينخاف من كلامهم …

ومرات يكون احسن من حجي الحريم اللي اغلبه خرابيط

عادي والناس دايم تسويه في اخر الحمل

لا تخافين

مشكووووووووووورين بنات .. الله يعطيكم العافية ما شالله عليكم كفيتوا ووفيتوا

الحين تطمنت لأن وايد ناس قالولي لا تخلينها تكشف عليج مو زين ومن هالحجي ,, يسوون من الحبة قبة

الله يسهل عليج يارب.. انا الحين قمت اخاف.. انا بالتاسع و اول مرة ادري ان في شي اسمه كشف و مادري شنو.. شالسالفه؟؟ شلون.. و متى وو هل يعور؟؟ انا حتى من السونار الداخلي اخاف..

هلالالا بنات يتكم ام العيال <_______ لووووووووووووووووووووووووووول
لا تخافون انتي من تحملي توكلي الله ووالله انا كنت متهور اي شي يقولي الدكتور اخليه يسوييه بس بولادتي الاولى بغيت امووت يومين بغرفة الولاده اطلق كل ما قربت الولاده افتر هالعيار بس الحمدالله من تشوفينه والله تنسين الدنيا وما فيها خصوصا الاول