بنات عفيه ابي مساعدتكم لاني محتاره ؟( اي الاحسن تجاري ولا تكنولوجيا ؟؟)

السلام عليكم

صباح / مساء الخير للكل

انا طالبه بكليه التكنلوجيا تخصص كيميا مستجده

اول ما تخرجت من الثانويه قلت بسجل بالتجاري بس نسبت اقل من المطلوب وقالوا لاتنطرين للكورس الثاني لان النسب ماراح تنزل عن المطلوب

والتجاري كانت نسبته للقبول 65 وانا نسبتي 64 يعني ما اقدر اسجل فيه

وما لقيت الا التكنلوجيا ودخلتها والحين باول كورس لي

بس امس قريت مقاله بالجريده انهم نزلوا نسبة التجاري لـ 60

اول سؤال
1. شلون اقدر ادخل للتجاري ؟؟ يعني لازم اسحب اوراقي من التكنلوجيا ولا شلوون ؟؟؟

2. شنو الافضل وتنصحوني فيه اكمل بالتكنلوجيا ولا احول للتجاري ؟؟؟؟

تكفون ساعدووني لاني محتاااااااره حيييل

تحياتي لكم

وضحت العنوان..

جنه التكنو لوجيا افضل ..

انتي استخيري..

والله يوفقج يارب..

أنا بالتجـــــــــاري

بس رايي انج تبقين بالتكنولوجيا احسن

التجاري حلووو وتخصصاتها احلى
بس الميزه الوحيده اللي تفرق عن التكنولوجيا

ان التكنولوجيا يتخرجون فنيين معاشهم اقوى بشي بسيط
ولا الشهاده وحده سواء التجاري او تكنولوجيا
وموفقه

بالنسبه لي التكنلوجيا احلى تتخرجين بمسمى مساعد مهندس

انتي شوفي شنو ميولج وشنو تحبين

واذا على طريقة التحويل
لازم تجيبين معدل 3 نقاط وفوووق بس
ودشي موقع الهيئه (( التحويل )) وسجلي التخصصات اللي تبينها بالتجاري
ونفس الطريقه اذا بتحويلين لتخصص ثاني بنفس كليتج التكنلوجيا
سألي بنات المستقله موجودين عندج بالكليه واذا تبين رقم وحده منهم ادزلج اياه بالخاص
سأليها وبتقولج شتسوين

انتي استخيري . وفكري عدل

اتصالات طيعا

لا لا نصيحه لاتحولين
التكنلوجيا أحسن لج ومعاشهم أقوى بتقريبا
ومسماج مساعد مهندس وتتوظفين بدرجه الخامسه وثلاث علوات /والتجارري بس الخامسه