|
|
بناات مساعه قاعده اشوف اوبرا
ولا تسولف تقول يانى ارق بالليل ماقمت انام غير انه قلبى قام يعورنى وريولى ورمت تقول رحت حق الدكتور عطانى حبوب حق الارق وقلة النوم رحت حق دكتور ثانى شكيتله اللى فينى قام وعطانى حبوب حق القلب تقول رحت اربع دكاتره كلهم نفس الشى كل واحد يعطينى حبوب غير
لما عيزت ورحت مسشتفى كليفلاند وشافنى دكتور وسوالى تحاليل طلع فينى كسل بالغده الدرقيه تقول يوم رجعت حق الدكاتره قتلهم ولا واحد منكم سوالى فحص الدم ويشوف عندى الغده الدرقيه كسلانه ولا لا !!
بنات فعلا انا ملاحظه وايد ناس فى الكويت يهملون هالشغله اذا ياهم عوار قلب ولا دقات مو منتظمه دايما ايهملون روحهم انتو روحو بروحكم جيكو على الغده الدرقيه ترا لاتستهينون فيها اهى سكان الانسان
اهى اللى اتمشى كل شيى بالجسم انا والله كان فينى الغده الدرقيه ماكتشفتها الا يوم مات البيبى فى بطنى وكان عمره 5 شهور وبعدها هم حملت وطاح وعمره شهرين
يوم رحت لندن علاج ويه امى سويت حق روحى تحليل الغده وكنت تونى حامل وقالى الدكتور انتى حامل فتله اى قالى الحين لازم تاخذين احبوب الغده لانه عندج نقص فى هرمون الغده الدرقيه والحمدالله يبت ولدى وقمت استمر على الحبوب الحين صارلى 12 سنه وانا مواصله عليه
ا ترا بعد الغده اتسبب جفاف بالبشره وتساقط بالشعر والله يجيركم ان شاءالله من الامراض
ومن اسباب كسل الغدة الدرقية بعد عدم انتظام الدورة الشهرية وكثرة النوم والاحساس بالكسل
ويعطيك العافية
وانا توني سويت تحليل غده اتأكد
فعلا الغده منتشر بالكويت
ومو كل من يعرف اعراضة
اسمالله عليينا
مشكوره مشكوووره حبيبتي يعطيج العافيه
تقول اذا نست تااكل الحبه قلبها يقعد يرقع رقع تحس شوي ويطلع من مكاااانه
النوم الكثير
الكسل
الكآبه و ضيقة الخلق
زيادة الوزن
برودة الاطراف
جفاف الجلد
و يمكن التعرف على خمول الغده من خلال تحليل الدم
و العلاج يكون حبوب هرمون الثايروكسين و الجرعه تحدد من قبل طبيب الغدد .
و لها تاثير على تاخر الحمل او الاجهاض .. و خلال اشهر الحمل لابد من المتابعه مع الطبيب و الجرعه تزيد لي وقت الولاده و بعد الولاده ترجع او تثبت .. و الحبوب مالها تاثير على الجنين .
و لابد نذكر ان خمول الغده الدرقيه .. افضل كثيرا من نشاطها الزائد .. حيث علاج نشاطها الزايد اصعب .
و الله يكافينا وياكم شر الامراض .
وماتشوفين شر
والأهم اني اخترعت لأن شعري وايد خف واطرافي كله بارده
بروح اسوي تحاليل يوم الأحد ( عقب مااخلص الدوره)بمختبر خاص جدام لابجيت السالميه نسيت اسمه دقيت عليهم تحليل الغده الدرقيه ب 18 وتالتحليل الشامل للدم اللي يسمونه سماك بالإضافه لتحليل البول اعزكم الله ب 30 دينار وتحليل الغده مومحتاج صيام بس الشامل لازم تكونين صايمه من 12 الى 14 ساعه ومالها شغل الدوره بالتحاليل ماعدا تحليل البول اعزكم الله يأجلونه فقلت اروح لما اخلصها مره وحده
مشكوره اختي عالموضوع وعلى التذكير الله ينعم عليج وعلينا بالصحه والعافيه
كل الاعراض فيني
انزين شلون احلل وين عند اي دكتور
ووايد منتشر هالخمول بين الحريم
ومره طلعت دكتوره منى الغريب .. تقول اكثر سبب لخمول الغده ( الزعل والكبت ) علشان جذيه يكون عند الحريم اكثر
