بنات ساعدوني بقرار حياتي الوظيفيه

مرحبا بنات

شلونكم

بغيت اسالكم سؤال قبل لا اقدم على هالخطوه خايفه

انا خريجه علم نفس جامعه الكويت

انقبلت باماكن كلمن ينحاش منها

صحه-شؤون-داخليه-تربيه-عدل

المهم انا رفضت وكان السبب الرئيسي المعاش 470 يعني لاكوادر ولاشي

بس بعد الزياده بديت افكر بموضوع الاخصائيه النفسيه لان فوق الزياده في عطل وانا احتاج العطل لصحتي الحاليه من القولون والشي الثاني اختار مدرسه قريبه بدل ما اضظر كل يوم اوقف بالازحادم

شرايكم اتوكل على الله واروح اسالهم اذا يصير الحين انقبل بالتربيه خلاص اصير اخصائيه

قرار ممصيري الوظيفه وايد تغير الحياه فودي اسال للي عندهم خبره بمجال الوظيفه هذي او يعرفون ناس

وانا ركزو اخصائيه نفسيه مواجتماعيه

انا شي واحد رادني بس ان انا ماحب جو المدرسه لما ادش مدرسه احس بغلقه وضيقه وطول عمري ودي اتوظف بمكتب بمبنى حلو ومتطور وعالمي لوووووووووووووووول احلم وايد وبعد انا ماحب المكان الي يدفن داثر احب اشتغل واتميز واترقى بس ماعتقد في مجال للهشي لاصرت اخصائيه واحاتي لاصارت الناظره لعينه وياكثرهم

بس فكرت اني ممكن استغل الوظيفه باني ايمع وافكر بعدين بشغل خاص

اعتبروني مثل اختكم الي محتاجه رايكم
ومشكورين

حطي المميزات بصوب(المعاش. الاجازات. مده الدوام باليوم…)

والعيوب بصوب(انج تداومين بمدرسه)

….

انا اشوف المميزات اقوى من العيوب وربي يوفقج

انا بالنسبه لي الراحه وبما انج ما تحملين الزحمه روحي مدرسه قريبه منكم وانا اللي اعرفه انه الاخصائيه النفسيه مو مرتبطه بمدرسه وحده والله يوفقج ياارب

أستخيري حبيبتي
والله يكتبلج اللي فيه الخير و الصالح

الشي اللي تشوفينه يناسبج ويريح سويه،، اذا في شي تحسين انه يضيق خلقج لا تسوينه مو ملزومه تشتغلين في مكان ما تحبينه ولا تحبين الجو اللي راح تكونين فيه

الاخصائيه النفسيه ماتروح مدرسه وحـده بــس

لان الي عندنا 3 مرات بالاسبوع تيي عندنا وباجي الايام تروح اماكن ثانيه

تدرين انا بنت عمي تخرجت علم نفس واشتغلت ابله روضــه تطلع مبجر ويهال يونسون ومعاش زيــن واجازات احسن من المتوسط والثانيه واحسن من المشاكل وعوار الراس

وتوني ادري انج اخصائيه نفسيه يعني اذا ضاق خلقي بدق عليج واشتكي لج هههه كل مره ودي اروح حق الاخصائيه النفسيه بس استحي

ماعندي مشكله بس في شي فيني ودي اغيـره

مشكورين لانكم رديتو علي

بنت الدلال ههههههههه دقي اي وقت حياج

انا المشكله ماعندي خيارات ثانيه مثل مايقولون احسن السيئين

بس بنات اول مره اسمع اكثر من مدرسه شلون يعني؟؟؟؟؟؟؟؟؟

سوسو مو امج مدرسه ؟؟

اذا في اخصائيه بمدرستها خل تسالها..

واستخيري ..

والله يوفقج يارب..

توكلي على الله اخذي خبره بعديين غيري مكاانج بلمكاان الي نفسج فييه
والله يوفقج

اسطورية انتي نفس تخصصي وانا بعد لي الحين ماشتغلت

بس مافكر اصير اخائية كلش لاني جربتة بالميداني والاخصائية المشرفة علينا كانت تقول لنا لاتصيرون اخصائيات لانكم بتتعبون وايد

هذا رايها وانتي استخيري والله يكتب الي فية الخير

والله حلو أخصائية نفسية وبالعكس جو المدرسة أحسن مليون مرة من الوزارات

وليش ماتجربين القطاع الخاص؟

وإذا حابة مهنة التدريس صيري مدرسة رياض أطفال

وسوي أستخارة حبيبتي

الله يوفقج ويوفقنا كلنا

اسطورة حبيبتي لاتسمعين كلام احد استخيري وايد احسن لان هذا قرار صعب .
وعسى يارب ترتاحين عقب الاستخارة والله ينورلج طريجج ويوفقج

ما انصحج إلا مدرسه علم نفس ولا متوسطه اجتماعيات انا اخوي انقبل بالمتوسطه مدرس ونفس تخصصج

وموفقه ان شاءالله

استخيري ، وكثري من الدعاء حق نفسج ..

الحين إنت مسماج خريجه، لكن إذا توظفتي وشفتي مجال التوظيف وكان ودج تغيرين، إحتمال يكون صعب

لان أغلب طلابات التوظيف لو تلاحظين يبون خريجين جدد ما سبق لهم الوظيفه !!

فلازم تكونين على قناعه بختيارج للمكان، وتذكري إن الوظيفه فيها الزين والشين

ومافي وظيفه راح تكون على مزاج الشخص نفسه،لو جذي جان كل الناس مرتاحه بوظائفها !!

حاولي تسوين زيارات حق جم مدرسه وتسإلينهم عن شغل الاخصائيات النفسانيات..

وبشرينا باللي يصير ، موفـــــــــــــــــــــــــقه إن شاء الله …

حبيبتي انا اشلون رفضتي الصحة عشان راتبهم ….. رواتب الصحة نفس البترول ؟؟؟