|
|
بنات انا سبق عرضت مشكلتي اني تزوجت واحد وجبت منه ولد وبعدين تطلقت وتزوجت وبعد شهر تطلقت منه ورجعت لزوجي الاول ابو ولدي بعد ماتزوج المهم رجعت له بس المشكله اني اغار من زوجته معنها اكبر مني انا عمري 20 سنه وهي 33 سنه وانا احلى منها بكثيرر وهي الله يستر عليها بس الي مخليني اغار طيبتها الزايده زوجي يقول والله هي كنز مايتعوض لان قلبها طيب تخيلو بنات انا حيل طيبه معاه بس يقول انتي ولاشي عندها تخيلو باعت ذهبها علشان زوجها يعالج ابوه بالخارج وحتى انا بعت ذهبي علشان ابوه وفوق هذا يقول طيبه لانها بس ساكته حتى ماتسولف ولاتضحك وهاديه حييييل وتطيعه في كل شي من غير نقاااش معني اقسم بالله يقول انتي احلى منها وتعتنين في بيتك ا كثر منها واصغر منها والله يابنات حتى مايبيني اناقشه واتفاهم معه يبيني اشوف الغلط واسكت عشان اصير طيبه وكل شوي يهددني بالطلاق وانا والله تعبت ما ابي اتطلق تكفووون ابي حل ومره فتشت جواله يقول لزوجته ياليتنا موصين الخرا تصحيني لدوام لاني دايما صحيه لصلاه والدوام واذا راح عندها يتاخر ويتغلط علي قدامها وهي محترمها حيييل من قدامها ومن وراها الحين هي راحت عند اهلها عطاها 2000 ريال وانا 500 ريال وهي ماعندها عيال وانا عندي ولد ومحتاج مصاريف وهذا انا تو صالي شهر من رجعتله شفت كل هذا
-ينقل للحياه الزوجيه-
نصيحه من اخت لك لا اعرفج ولاتعرفينها جوال زوجك لا تفتشينه لانج بتتعبين صدقيني واذا على زوجته
حاولي ما تسألين عنها ولا عنه . وقومي بواجباته الزوجيه واهتمي بنفسج وبولدج
وكل يوم تغيري اكشخي واهتمي بنفسج وماعليج من احد ولاتفكرين بالطلاق
واذا على الغيره
ادعي دايم بصلاتج وسجودك ان ربي يشيل هالغيره من قلبج
واستشفي منه شنو يحب
وشوي شوي لما يتغير اسلوبج
رح يعاملك افضل
فوفو
عيشي حـق ولـدج .. و زوجج راح يحـن لأم ولـده صدقينـي ..
ومهمـا كـان اهي ما تزوجتـه وانتي على ذمتـه تزوجتـه و اهـو مطلق ولا كـانت تدري إنج بتردين
يعني اهـي اللي بتحتـر
فـ نصيحـه بينيلـه إنـج عـاااادي
يمكن اهي ما تغـار ولا تتكلم عنـج .. عشان جذي يبديهـا عليـج
واذا تكلم عنها قـولي الله يرزقهـا كل مافيه خيـر
بينيلـه إنج عـادي لا تحسسينه إنج عاله عليه
وعسـى الله يوفقج ويخليلج زوجج ويفرج همـج قولي يـارب
ماعلينا طيبه حبوبه ماتتكلم يمدحها هالكلام مالي فيه
فكري بس انه رجعك على ذمته مع انه طلقك وتزوج غيرك
اكيد عندك اشياء ميزك عنها استغليها واهتمي فيها ولاتفكرين باي شي من ناحية زوجته الاولى
ولسى مالك شهر راجعععععععععععععععععععععععععععه يعني اتركي النكد عنك وبس دلللللللللعيه
واهتمي بحياتكم كانكم لسى معاريس
والله يوفقكم ويسخرلكم
والله ويوفقج ويسر أمرج
ارضي بالامر الواقع شي طبيعي شرايك ماراح تواطنوون بعض
حاولي تشلين المقارنه بينكم وحاولي تكسبينه ولاتجيبين طاريها وهو موجود
والله يعينج 
والله يسخره لك