بموت من الحرة

قوووووووه

بنات محتارة عفية ابي تفاعل 00 ولدي سنتين عبثي شوي 00 مشاغب — خدامتي شايله البيت كله
لما ادوام وارجع حالة ولدي ماتسر خايف ولما ينام يعض ملابسه 00 عاد اقول للخدامه في احد يزفه او يطقة تقول لالالا
مع العلم انه ما تخلفى فيهم 00 انا اذات نرفزني اهاوشه واطقه مو دايما 00عااد الحررررررررررره اني زهقت منه جاان اقول لها وديه عندج كانت تشتغل 00 ولا اراقبها جان اطقه على راسه وتنزرة الجلبه حشاكم –

اللي يقهر اني ما واجهتها لانها راح تقول تراقبي من ورا الباب والاهم اني موظفه وماراح القى احسن منها 0 باجيلها 7شهور واهي نفسية كانت عند ناس مدلعينها حييييل — شسوي

اختي من صجج تكلمين….تسألين شنو تسوين؟استغرب ليش انتي مخليتهالي الحين…طقته وسكتي شنو ناطره اكثر….الله يعين ولدج حريتيني…لو انا مكانج اقلعها..واخذ اجازه واقابل عيالي ماراح ينفعج الدوآم

والله انتي اللي تحرين مو اهي
عسي ماشر اشفيج هذا ولدج مولاقيته بالشارع تري تعبانه عليه كافي انج ولدتيه آآآآخ شنو اصعب من الولاده؟؟
والله اخذ الخدامه واكفخها مثل مااكفخته عمي بعينها واطردها وغيرها عشر.. والله يخلي الحضانات اللي بكل مكان خل يستانس ويفرغ طاقته بالحضانه ولاحكرته بالبيت حرام

امبي اوبعد تسالين شنو اسوي وديها اليوم اطقه باجر اتسو فيه شي جايد لاسمح الله هاذي موثقه

شوفي حبيبتي انتي بنفسج مو متحمله ولدج شلون تلومين الخدامه والغلط اسمحيلي منج المفروض ماتطقينه جدامها
بعدين اذا طقها خفيف هذا شئ طبيعي اي انسان يتنرفز من جاهل بيطقه ..
المهم ماتسوي شئ جااااايد دربالج علي ولدج ولازم ماتبينين لها انج مو مستحملته هذا ولدج انتي اكثر وحده لازم تصبرين عليه
الله يهديه ويهدي عيالنا انشالله

انا فاهمتج الولد حرج وهاذا عمره بس لا يمكن اسمح لخدامه انها تطقه حرام عليج حطي نفسج ابمكانه
ترى العقد النفسيه تاثر بشخصية الواحد وهاذا المهم مو راحتج

ليش ماتودين ولدج حضانه اذا تقولين بسم الله عليه شيطان والخدامه يالله عليها شغل البيت مايصير تعطينها شيين نفس الوقت مهما كان ترى اهى بشر اذا انتى يالام ماتتحملين عيالج فما بالج اهى بتداري عيال غرب بالنسبه لها لازم اشوي تدلعينها عشان خاطر ولدج الانه بصير ضغط عليها

والله ما ادري شقولج البنات ماقصرو بالرد وأنا معاهم بالكلام

لكن أضيف اذا أمورج المادية زينه دخليه حضانه وايد أحسن

حبيبتي ، انا عيالي من عمر سنة وشي ! من يمشون تعالي شوفي الابداااااااااااع !
وبنتي بعد كانت اشوى ! ولدي وربي كان يسوي شغلات لو مااشوفها بعيني مااصدق انه سواها !
وانا عصبية اكثر منك ، واذا طقيت طقيت بس مو قدام الخدامة ، واطق على سنع ! يعني مو اكفخ طراقات والا هبد عالراس ! اطق عالايد وعالخلفية ، طق تعليم مو تهبيل !
والخدامة قاعدة تتبع اسلوبك معاه بالمعاملة ، اذا انتي تهاوشينه وتطقينه ، راح تسوي نفسك !
وبعدين دخلي ولدك حضانة الصبح لارحتي الدوام ، منها يتعلم ومنها يطلع طاقته ومنها ترتاحين وتريحين قلبك !
وراح يتغير سلوكه 180 درجة بس اصبري عليه !
لازم الجاهل بهالسن يكون عبثي وخطر حتى على نفسه !
واما سالفة انك ساكتة عشان الخدامة ، ماراح اعلق ! مااقول الا الله يسامحك ، شوفي بكرة ربي بيحاسبك على منو ؟
على ولدك والا على الخدامة !
شنو تبين اكثر من ان الولد صاير خواف ويبكي ! بكرة تعقده نفسيا ! وذيك الساعة خليها تنفعك .

الزم ماعليج ولدج والخدامه بدالها الف خدامه

دخلي ولدج حضانه احسن لج واحسن له

ياماما شنو ماراح القي احسن منها ؟
هذي مافيه اسؤا منها اللي وصلت انها تطق ولدج
يعني بالعربي تعطينها فلوس علشان تعقد ولدج
استغرب من بعض الحريم اللي عادي الخدامه تطق عيالهم وساكتين علي ابو والله انها مريحتني!!!!!!!!!!!

لين يروح ولدج منج و يضيع تالي تعالي عضي اصابعج ندم عليه

انتي ابفهم من صجج والا اكيد تتغشمرين ؟؟

لالالالا تتغشمرين صح ؟؟

تشوفين بعينج ضناج ينطق على راسه وتنخشين تخافين منها ؟ والا لايكون اهي دافعة لج معاش ؟ والا اهي المعزبه وانا مادري ؟؟

لو تحبين ولدج صج تقومين تقلعينها المكتب يعلها الويعه وكسر يكسر ايدها المعفنه

تدرين شنو كثرة الطق تسوي براس الياهل غير انها تزيد نسبة الغباء فيه ؟؟ سويي بحث بقوقل وتالي شوفي

وشلون قلبج يطاوعج تداومين وانتي تدرين ان ولدج ينطق وممكن يصير له شي وهو قاعد مع مجرمه مابقلبها رحمه ؟؟

وانتي بس يايه تشاورينه احنا ؟ وتقولين بموت من الحره ؟؟؟

بتموتين منها عدل عدل بس نطري مو الحين لما تسكتين عن اللي يصير . هذا وانتي بالبيت عيل لو بره وتغطين شتسوي فيه ؟؟ وتصرفاته حبيبي وخووووفه وصل لي مرحله يعض ملابسه ؟؟ انتي ام بذمتج ماعندج احساس ؟؟ ماتخافين ؟؟؟ هذا امانه من الله جنج قاطته بزباله وماشيه عنه

شوفي انا ادري كلامي ماراح يعجبج بس اسمحيلي من حرتي انا لو خدامتي اشوفها تبطل عيونها وتخز الياهل اشلعهم لها واذلفها

انا يايبتها عون مو فرعون والفلوس اللي يابتها تييب عشره امثالها المهم راحتي وضناي لا تصيرين اختي انانية وتفكرين بدوامج ونفسج دخليه حضانه ابرك

وركبي كاميرا وشوفي اذا قلبج قوي لان متاكده انها مجرمه وراح تشوفين بلاوي سوووده وترى من حقج تراقبين وخل تدري بالطقاق اهي الغريبه في بيتج وانتي كيفج وحره فيه ماعجبها بالطقااااااااااااااااااااااااق

والله معاج حق

الجويريه … وين الامومه؟ وين الحنان؟
لهالدرجه الخدامه اهم من ولدج؟
والله حرتيني
هذي لو عندي كان كسرت راسها من الطق و بعدين قلعتها المكتب و افتش اغراضها و بعدين احط له دراعتين من ملابسها وبس
حر يحر جبدها
اقلعيها و حطي ولدج عند امج او خواتج او حضانه مؤقتا لين تلقين حل
والله دايم احذر من الخدم الله يقطعهم
شنو تستفيدين لو الطقه جت بمكان حساس براسه وصار معوق؟؟؟؟؟؟؟؟؟؟؟
ترى طقة الراس مو زينه و تسبب اعاقه

قية عليج ساكته ومتحملتها لا وبعد بتخلينها سبع شهور
لاوالله استوى الولد اخذيها مني اذا استمر على هالحال بصير معقد وعدواني وخواف
شوفي حبيبتي الخدامه بدالها خدامة بس الظنا غالي
لاتواجهينها ولا شي عشان ماتحقد عالولد وعليج روحي طلبي خدامه سنعة ولما توصل ودي القديمة المكتب واستلمي الثانية
**موتبيعين ولد جعشان راحتج ***
والفترة هذي سجلي ولدج بحضانه ولاتخلينه مع الخدامه بروحه عشان اذا رديتي من الدوام ينام معاج واذا طلعتي اخذيه لاتخلينه كله ولد واحد مايأثر
وتدرين ليش ولدج عدواني ومزعج والله من اللي فيه يمكن الخدامة تهاوشه وتنزرة وتطقه على اي تصرف حتى لو بسيط فردت فعله اذا شافج تصير بهالازعج والحنه
فتكفين لاتخلينه معها بروحهم

اتصدقين عاد انتي لازم تموتين من الحرة من نفسج مو منها والله هاذي اذا عندي جا طقيتها اب أب شي جدامي على راسها و أقول حق ولدي شفت اللي يطقك حبيبي شسوي فيه ؟ و أي أحد يطقك قول حق ماما
عالأقل أحسسه بشويت أمان و ثقة و اخذي اجازة وجابليه ترا والله حراااام و خيولي الدوام
ياحبيبتي لاتخلينها عندج و والله آنه من الحرررة كلمتج ابهالأسلوب و ياريت تصحين و تقلعينها بقرب وقت
تقبلي مروري