|
|
مرحبا يا بنات شلونكم
انا تعبانة حيل زوجي خلوق وطيوب ويحبني وايد يحبني من اي شي بالدنيا ومو مقصر معي
الصراحة انا اشتغل واهو يشتغل بس معاشي اكثر من معاشه بوايد وانا تقريبا اساعده لأنه حرام احنا متعاونين بهالشغلة
من شهرين ياني وقالي نبي انسافر السنة وبوديج على لبنان انا الصراحة هالسنة مو حابة اسافر مادري ليش قلتله بالغصب اوكي مع انه عارف اني مابي أسافر مادري ليش مابي اسافر بس جذي والله مو مرتاحة من السفره
المهم لما قررنا نسافر اخته طلبت منه يصبغلها بيتها بلبنان لأنه يعرف يصبغ عدل واحنا كل سفرتنا 20يوم وقلتله انا رايحة استانس مو رايحة تهدني وتصبغ اسبوع في بيت اختك انا شبقالي قالي عادي انا مو طول النهار رح اصبغ بالليل عندج قلتله رح تكون تعبان قالي لأ بالعكس عادي قلتله اوكي صارله اسبوع يقولي رح اخذ بونص قوي قلتله حلو انا الصراحة استانست لأنه زوجي رح ياخذ بونص حلو قلت يلا الحمد لله اشتري فيهم اغراض حقي ولبنتي عشان السفر امس قالي بعطي امي كل البونص عشان حرام تسافر قلتله اذا امك سافرت انا مارح استانس ابي اطلع وياك بروحنا حرام عليك وبعدين ليش تعطي امك انا اولا فيهم انا بولد لازم تجهزلي وبعدين السفر رح يكلف واحنا متفقين نشتري غرفة لنبتي صار عمرها سنتين وما يصير تنام عندنا خلاص قالي مو مشكلة اتسلف المهم بعطي امي حرام
انا نفسي يحسسني انه يصرف علي مو كل اشتري اشياء من معاشي انا والله ما اعارض اساعده بس ابي شوي يحسسني انا مو انا الريال والمرا بالبيت بس ماابي اجرحه بسالفه معاشه دبلتي مكسورة من سنة وكل شوي يقولي بوديها اصلحلج اياها
انا اقدر اصلح او ابدلها وهو يقدر بس مابي اسويها من معاشي ابي اهو يسوييلي ياها وقلتله اذا بتعطي امك الفلوس مارح تكفي قالي عادي اتسلف انزين انا مو احق بهالفلوس والله حرام قلتله احنا علينا التزامات امك سافرت السنة اللي طافت احنا ما سافرنا مو لازم كل سنة تسافر
من اول ماقررنا انا نسافر اهله حاسدينا والله ما اتهنى بشغلة انا وياه
اليوم بكلمه بالموضوع شنو اقوله
الأمور الماديه تقهرني خصوصا لي صارت الخاله قليلة ذوق يعني آخذ من ولدي عشان اسافر والله شنو مرته معاشها قوي تقدر تصرف على نفسها.
حبيبتي كنسلي السفره الرجال بيروح يشتغل ببيت اخته والخاله مبسطه بوسطكم لابالله خوش سفره .
ماودي اشيشج بس السفر معناته تقارب بين الزوجين وتغيير روتين الحياة مو ساحب امه معاه .
لو ان شاءالله كل سه يسفرها ..
عندج معاشاج وعنده معاشه ومو مقصر قاعد يصرف عليج ويسفرج
والله فيه الخير الي مو مخلي اهله
مافي مشكله تشيل نفسها ورغباتها الزايده عنها مثل الكماليات ( ملابس- اكسسوارات – سياره مادري شنو نوعها ) بس هذا في حاله ان الريل مااااااااعنده كلش
وبالنسبه لي اعيش على قد ريلي ولا اساعده واعوده اني البنك المركزي وبعدين يتكل علي
عموما هو الشي صار وخلص
اختي الغاليه
الحين ريلج تعود ان ايدج بايده بكل شي وهالشي طمع اهله يمكن فيه ومو بعيده تلاقينهم يطعمون ان انتي شخصيا تعطينهم حسب اخلاقهم عاد وهالشي وارد
الحين افضل شي انتي اللي تواجهين الموقف وتصلحين الغلطه اللي تفاقمت وتكلمين حماتج تفهمينها ان انتو رايحين تستانسون وانج ان شاء الله تعوضونها لها مره ثانيه وبعدين عطيها طاف
بس اهم شي انج تتعذرين بلباقه وبذوق عشان ما تصير مشكله
ونفس الشي خالتج
فهميها انج متضايقه ان ريلج ماعنده وموقادر يوفر احتياجاتج وانج مضطره تساعدينه وقولي جدامها سالفه الدبله
يمكن تحس
واذا ماحسو
تنازلي هالمره وسوي اللي يبونه وبعدين عدلي الوضع
وبعدين الحياة تعاون عندج فلوس تنغنغي فيهم ولاتنشبين بحلج زوجج وبعدين اذا الرجال مافيه خير حق امه واهله مافيه خير حق مرته وعياله
وانتي طارحه الموضوع عشان شنو !! تبينا نقولج خلي ام زوجج تولي وسافري انتي وياه ويكسر بخاطر امه !!!
الرسول صلى الله عليه وسلم قال امك ثم امك ثم امك ماقااال مرتك ثم عيالك ثم امك !!!
الام اولى بفلوس ولدها مو انتي انتي الله رازقج شهالحسد اذا الام هي اللي تعبت وربت طول السنين هذي واذا عيالها مايصرفون عليها منو عيل اللي يصرف عليها !!!
واتقي الله بنفسج اللي تسوينه بام زوجج باجر حريم عيالج بيسونه فيج
كنسلي سفرتج و يمعو فلوسكم حق غرفه بنتج وولادتج
واعتبري زوجج ماخذ البونس
انتي جذي جذاك راح تسوون كل شي مع البونس ولا بدونه
يعني فرقت الحين لما قالج بيعطونه بونس !!
هذي امه اللي تعبت عليه ومن حقها تغير جو
حطي نفسج مكانها لو ولدج قالج حصل بونس بس مرته مو راضيه شبتسوين !!
فكري بالعقل حبيبتي
والله يوفقج ويسهل ولادتج
سافري واستانسي
بلا هم بلا وجع راس
بس لما قلتي انا اولى من امه واهله حاسدينه ! هنيه خربتي على نفسك والبنات بيمسكون هالكلمتين ومعهم حق لأنها غلط !
بس ادري انك تقصدين انه معتمد عليك ، وويعطي اهله لأنه عنده انهم في حاجته اكثر منك ، وترى انتي اللي حسستيه بهالشي !
ساعدتيه ميخاالف يعطيك الف عافية ! بس بما ان الرجال معتمد عليك معناه انتي ما ساعدتيه وبس ! لأ ! انتي ريحتيه ياقلبي زيادة عن اللزوم وحسستيه انك في غنى عن فلوسه !
وفهميه هالشي حبه حبه ، قوليله خصموا علي ! عندي اقساط ! من هالسوالف ! خل يحس شوي انك في حاجته !
ومعليك بالتفاهم كل شي ينحل !
يعني انا بصراحة اهم شي عندي انكم تسوون غرفة للبنت ! ترى سنتين تفهم وتعرف كل شي !
ويوم قريت عيونج متنفخه من البجي قلت شي جايد طلع سالفه سفر وفلوس!!! ماتسوى عليج انتي حامل والدراسات تأكد ان الحمل المشوه احد اسبابه الكآبه اثناء الحمد
احمدي ربج عالمشكله اللي ماتعتبر مشكله اصلا……طقي فره عالقسم وشوفي المشاكل بتهون عليج مشكلتج….
انا من تزوجت 4 سنين والله ماوداني حتى عمره…….. شنو يعني سفر عااادي الحمدالله شبعانه عند اهلي سفر..
بعدين بالنسبه للصرف لازم تعودينه اهوه يصرف عليكم حتى لو معاشج عندج……. مو كل شي عليج…… اذا شاركتيه مافيها شي
شوفي نصيحه شوفي اي جمعيه 1000 مع بنات بالدوام ولا اهلج ودخلي الجمعيه وعلميه انج محتاجه مبلغ ودفعي مبلغ محترم من معاشج. كل شهر دشي دور او دورين…منها فلوسج بترد لج …… وعشان تكونين جدامه مديونه وتعودينه خلال هالسنه يصرف عليكم انتي وعيالج من غير ماتحسسينه بشي يزعله
؟
ماعندج سالفة الصراحة غيرانه من امه و اخته !
كما تدين تدان تحمليهم عشان ولدج يشيلج ااذا الله كتب لج ولد