بليز ابي حضانه تستقبل من 4 شهور وتكون بالوقت اللي ابيه

السلام عليكم
بنات بليز ابي حضانه تستقبل عيالي وخدامتهم عندي واحد عمره4 سنين والثاني 4 شهور وانا ادوام من الساعه 4 للساعه 11 بالليل ومااقدر اخليهم بشقتي بروحهم واهلي كلهم مسافرين بليز اللي تعرف حضانه تستقبل بهالحزه تقولي وماابي اسجلهم يعني ابي بالوقت اللي يكون عندي دوام احطهم ويا خدامتهم عندهم ومشكورين

حوستج حوسه والله عسى الله يسهل امورج انشالله

المشكلة ان الوقت اللي تبينه صعب – حضانة معرفي ياخذون بس مو لحد هالحزة بس تدرين شلون توني دقيت على صاحبة حضانة ام الخير بالدسمة كلمتها عنج قالتلي عطيها رقمي خلاشوف شلون ممكن اساعدها ، الحين ادزلج ياه عالخاص

حبيبتي
حضانه البلازا بمنطقه حولي

اشدعوه 31 وحده داشه ولا اكو رد

حياتي انتي الله يساعدج
بس دقي على حضانة الدسمه مثل ماقالت البنت
ولا بلازا حولي

ماحبيت اطلع وماارد

ان شاء الله البنات فادووج

حبيباتي مشكورين عالردود بس الحضانه اللي بالدسمه ماتقدر مع انها ماقصرت وحاولت بس مااقدرت وحضانة بلازا ابي رقمهم مو محصلته

والله ما ادري اذا في حضانة تستقبل لي ساعه 11 بليل , ما اقول الا الله يعينج

روحي حضانة الدكتور الصغير اللي بجنوب السرة – الزهراء تستقبل بعمر 4 شهور ولليل

حبيباتي مشكورين عالرد بس هالحضانات اللي كتبتوهم دقيت عليهم ومايستقبلون للساعه 11
اشدعوه 77 وحده داشه مو عارفين ؟

طلبج غريب عجيب …

بس أموت و اعرف شنو هالوضيف اللي تبدي 4 وتنتهي 11 ؟ ؟ <<<< ملقوفه هههههههههههههههه

إنشالله تلقين مرادج ..

_03ba: حتى انا ابي اعرف وعسى ربي يسهلج خاصة بو4شهور يعور القلب

حبيبتي الله يعينج وتلقين طلبج ( تري اختي طلبج صعب ) ولا تشرهين علي الخوات اكيد حابين يساعدون بس ما اتوقع في حضانه للساعه 11 بالليل كنت بقولج عن حضانه بمشرف اسمها كيدز تايم تستقبل بأشهر بس عذريني من قريت مع الخدامه ومن 4 الي 11 بالليل ما توقع اهم قالولي عندهم العصر من 4 الي 8 حدهم
واختي اتوقع دوامج شفتات مافي مجال تغيرينه لصباحي افضلج ولعيالج ولدج بو 4 سنين راح يحتاجج لكبر ودخل الأبتدائي بالتدريس
والله يوفقج وتلقين طلبك

حبيباتي مشكورين عالردود وانا وظيفتي في فيلا مودا ودوامي اساسا من 10 الصبح لي 10 بالليل بس على مااطلع واخذهم يبيلي وقت وفترة الصبح مااخاف عليهم لان يكونون نايمين