بقولكم انا شنو ودي نقدم لاهالي الجهرا الحبيبة

حزني وحزنكم شل تفكيرنا الانسان لما يموت له شخص عزيز دايما يقول ليش وشحقه ويحاول يدور الاسباب لعل التساؤل عن سبب الوفاة يبرد قلب المنفجع وبالبداية اهالتنا الماساة وحاولنا نبررها بالتماس الكهربائي وقلنا اكثر من مرة الجهرا مهملة و الدليل حريقة مستشفي الجهرا وحادثة صالة الرفاع ام صباح ولما التحقيقات كشفت عن اعترافات الزوجة ووجود شبهة جنائية قمنا نتحسب علي من كان السبب صج ان هالشي محزن ويقمت القلب لكن وحد الكويت من شمالها لي جنوبها ومن حضرها لي بدوها ومن سنيها لي شيعيها ومن اصحاب الجنسية لي البدون لان كلنا اعيال ادم ولان ساعة الحساب وساعة ما تحرقنا لسعة نار بجلودنا الهشة ما راح يشفع لي الا عملي و ربي
حسينا ان الاهل اهلنا والشارع اللي انفجع بالحريق شارع بيتنا وان الديرة مرت باسوا ماساة من الغزو الغاشم والتحرير اول مرة ننهز بهالصورة ونبجي ببيوتنا علي ناس ماتت واتيتمت وانا شخصيا ماني متخيلة ان هالبيوت بترمض وبتعيد في ظل الكارثة لان الكل بيرد لحياته الطبيعية الا اهل المصاب الجلل الا بيوت اهل الضحايا ارمضان هالسنة غير مظلم كئيب ناس كانوا يضوقون من طباخ ام فلان ع السفرة او من نقصة ام فلان جارتهم بس للاسف هالسنة ما عادوا الشهر ويانا الله ما عطاهم عمر وناس ما تعرف تجهز للعيد الا مع الام او الجدة او الخالة ما تقولون لي اشلون الريال بياخذ بناته للسوق يجهز لهم صعبة وربي ع الريال المترمل صعبة
المنتدي وادرته ما قصرو ا فتحوا لنا هالقسم بس للاسف اذا حولناها لقضية راي عام وما حافظنا علي مشاعر اهل الضحايا وما حافظنا علي مصدر المعلومة راح ناثر علي الحكم النهائي للقضية خل ناثر ع الراي العام الكويتي والخليجي والعالمي بايجابية مو بسلبية ما قصرتوا بالدعاء ولا بالتعاطف بس ياريت اللي يقدر ينظم تجمع نروح للبابطين نزور المرضي ونقرا لهم وندعي لاهل المصاب او نزور الجهراء الحبيبة برمضان وما ننسي اهل العزا خل نطوع نفك عنهم كربتهم ياما تطوعنا لاهل البوسنة واهل غزة والقريب اولي من الغريب مجرد اقتراح وتقبلوا مني واجركم الله في هذا المصاب

جزاك الله خير

انا معاج بهالشي

انا معاكم شنو ما تسوون

اهلنا اولى من الغرريب

توكلوا على الله

تبون تزورونهم وياكم

تبون نتحاطط ونشتري لهم ورد هم ما عندي مانع

كله لعيون الكويت يهون

وانا والله بعد معاج
هالي صار مو شويه
ويحتاج منا الكثير

انا افترح يسووون مبرة خيرية خاااصة لضحايا الجهراء وكل الكويت تتبرع لهم بحيث هالمبرة تراعي الايتام اللي ما عاد لهم معيل الى ان يكبرون ويشدون حيلهم ويقدرون يعتمدون على انفسهم

انا بعد وياج

وان شاءالله بميزان حسناتها اللي تعطينا افكار واتيمعنا على فعل الخير لهم ..

حبيبتي هالمبره موجوده

نبيل العوضي اعلن عنها بالوطن

اتوقع مكانها بالجهرا ..

يزاكم الله خير اكو مبرة جنه وحدة من البنات كتبت عنها بنفس القسم بس انا ودي يحسون ان احنا بمنتدي كويتيات خواتهم وامهاتهم وخالاتهم وان شاء الله عوض لهم ودي يوصل لهم صوتنا بدون حواجز ودي يحسون بمشاعرنا وايد منا بجوا وتحسبوا للضحايا الاجر ياريت مشاعرنا هذي توصل لهم عساها تبرد قلوبهم وتمسح عليها وتخلي رمضان يمر عليهم بسلام

يزاج الله خير ع التوضيح

وياج ^.^

اب

لان الموضوع مهم …!!

اب اب نبي دعم من البنات ما تقصرين حبيبتي

جزاك الله خير

جزاج الله كل الخير
و
في ميزان اعمالج انشالله

بنات وينكمـ …………..؟!؟!؟

نبي اقتراحات واشياء نقدر نسويها لاهالي الجهرا