|
|
هاااااااااااااااااااااااااي بنات اشلونكم….وشخباركم…..
بنات مثل مانتو عارفين انا صارلي 3 اسنين متزوجة والحمد الله على كل حال ماعندي اعيال….
حملت مرة وحدة ومامداني اتهنى وطرحت من اول شهر….الحمد الله ألف مرة
انا ولله الحمد ماعندي مشاكل ماشاء الله ولاقوة الا بالله ..من سنة ونص كان عندي هرمون الحليب مرتفع واااااايد فخذيت حبوب اسمها (دستونكس) والحمد الله رجع الهرمون طبيعي….
سويت عملية منظار بطني وكان فيني سداد بسيط وافتحتلي اياه الدكتورة هدى الزكري …..وسويته من اكثر من سنه…ولاحملت
عالجت كلوميد اكثر من 6 اشهر مع ابر تفجير ….وهم ماحملت….
استخدمت ابر منشطة وسويت تلقيح صناعي مرتين …مرة عند باترك ومرة بالصباح…وماحملت ولله الحمد..
علما ان زوجي تحليله طبيعي ماشاء الله ولا قوة الا بالله……بس الله ماكتبلي الحمل
فقررت انا وزوجي اذا الله احيانا راح انسوي عملية اطفال انابيب اوتلقيح مجهري بالصيف هذ1…..
ومحتاريييييييييييين بين دكتورين (منصور العرف) أو (باتريك)
دقيت اليوم عشان آخذ موعد عند العرف حق شهر خمسة قالوا اقرب موعد عندنا 23/6 …تخيلوااااا قلت اوكي
ودقيت على باتريك قالولي اي وقت تعالي…..
قلت خل احط موعد عند الاثنين واسألكم وهم استخير أشوف عند مو ارتاح …عاد ذيج الساعة عندي موعد عند الاثنين …
ساعدوني بنات …منو الي برايكم احسن؟؟؟اتعرفون احد سوا عندهم ونجحت ؟
بلييييييييييييييييييييييييييييييييييز
ماشاء الله تبارك الرحمن نسبه نجاح العمليات عنده مرتفعه
بس بسئلج سوال واتمنى انج ما تزعلين من سؤالي
انتي متينه ؟؟
هلا bnt_kwt حبيبتي…..لا ليش ازعل …انا مومتينه …مثل مايقولون تارسة عودي …وزني 61….ليش المتن يأثر؟؟؟
مشكوووووووووووووووووووووووووووورة والله يرزقج حبيبتي عاجلا غير آجل
بس 61 وايد زين يعني ما راح يأثر عليج
المتن اهو يساعد بفشل عمليات التلقيح والحقن
توكلي على الله وروحي حق باتريك وتوها ماشاء الله تبارك الرحمن
اختنا كنكونه ولدت ويابت بنوته قمر
مع العلم اهي كانت مسويه حقن عند باتريك
توني دريت انها ولدت…..ويالله الفال لنا ان شاء الله…
راح آخذ كلامج بعين العتبار بخصوص الوزن …انا زايدة يمكن 7 كيلو من اول ماتزوجت وهذا الوزن اول مرة اوصله بحياتي …لازم اضعف لو 5 كيلوااااااااااااا….
ومو غلط انج تنزلين هال 5 كيلو
ماتدرين يمكن تحملين طبيعي
بس تعالي جم مره سويتي تلقيح ؟
ان شاء الله يكتبلي ربي الحمال من غير ماحتاج اناىبيب ولا حقن مجهري….
ماتوقعت بحياتي كلها اني بيوم من الايام راح اسوي انابيب ويلا راح اتبهذل من سالفة تاخر الحمل…الله المستعان
ان شاء اله في ميزان حسناتنا….
انتي بعد استخيري احسن علشان ترتاحين اكثر
وربي يسهل عليج امورج ويرزقج بالذريه الصالحه يارب
https://q8yat.net/showthread.php?t=146978
روحي عند باتريك
واهم شي الاستخاره حبيبتي
ماتدرين نصيبج وين
واذا نويتي تروحين انصحج بالعرف
باتريك احسه وايد صاير مادي
العرف وايد يمدحونه
اهم شي استخيري وشوفي وين ترتاحين
وانا انصحج تكررين التلقيح مرتين قبل لا تسوين العمليه
والله يرزقج ويفرح قلبج حبيبتي
مرتين وان شاء الله تصيب وما تحتاجين لا باتريك ولا العرف ولا غيرهم
و الاثنين يمدحونهم
الله يكتبلج الحمل قريبا يااارب