برود ,, جمود حياة زوجيه مع وقف التنفيذ ,, شنو الحل؟!

السلام عليكم ..

بنات اختي متزوجه صار لها 4 سنوات تقريبا ,,

وتحب زوجها ويحبها ,, لكن وين المشكله !!!

زوجها اول ايام الزواج بس بس كان يقول حجي حلو ,, بعدين صارت فيه حالة طرم .. مو هني المشكله

المشكله تشكي اختى تقول انا ابااادر ادلع ,,يعني مثل حريم باب الحاره لوووول ,,

وهو عمك اصمخ … لان الموضوع مو قصتي راح ارقم المشاكل الي ذكرتهم لي :

1- مايسوووولف معها ابداا ,,
2- لو قربت منه ,,يعني اقصد لو جلست جنبه على القنفه وهو يتفرج على التلفزيون يقووول ,, ابعدي عني ضايقتيني ,,

3- تقول مره لمست ايده وهو بالسياره ,,, جان يصاااااااااااااااااااارخ ,, يقول شيلي ايدج ماتستحين الناااس يشوفونا !! مايحبها تلمسه او تقرب منه

4- اذا شاف حريم بالسوووق يسنتر يلززق ,, يخز .. !!
5- اختي تلبس و تتكشخ حتى كلمه الله لبسج حلو ,, حاااااااااااااااااامض على بوزها مايقول ,,

6- مره من المرات يوم خميس وهو على التلفزيون قالت له ,, بنوم اليهال ,, وخل نسهر ويا بعض قاااال لالالالالالا الله يرحم والديج تعبااان حدي .,, وابي انام بس نومي اليهال وانا لحقكم..

تقول صدقت ورحت للغرفه ونومت الصبيان ,,, ونمت معهم.. ماوعيت الا الساااعه 3 ونص بالليل !!! والاخ للحين سهرااااااااااااااااااااااااان على التلفزيووون ….

بنااات اختي كل موقف تطقها بجيه محترمه تنقهر ,, تقول وين ابي انحاور معه اسولف معه مو كاني ولاده بس اييب يهال واكرف بالبيت اخم واغسل واطبخ !!

والطااااااااااااامه الكبرى ,,, تقول اختى بس يعيب علي باشيااء مو صج !!
مثلا:

عمرها !! يقول انتي عيوز !!! مع ان اختى توها وهو طاق ال39 سنه !!! يقول لا مو صج انتي عمرج اكبر من جذي,, مع ان امه تقول ان اخته الي اصغر منه بسنتين اكبر من اكبر اخواني !!!!

تقول وااايد ينتقدني .,, ترى انتي حيل مغروره بشكلج !! ترى انتي عيوز .. ترى انتي ,,الخ ,,

وهي تحلف >>>على ذمتها ..

تقول عمري ماعيارته .. مع ان طبعه ,, طبع شاااااااااااااااايب ,, مايلبس بجايم ,, مايلبس بدل ,, كل ثوب وقحفيه !! لوول ., ويرفض تغسل ثيابه الا بلاسبوع مررررررررررررررررره مثل شيبان اول ,,
والسروال والفنيله مايغيرهم الا بالاسبوع مره !!!! ولا يتكلم كلام حلو لا غزل

ومع هذا قدرته الجنسيه لكم عليها شوي !! تقول عمري ماعيارته ولا قلت له شي !!

بالعكس صابره واهو الي يعايرها يقول ترى انتي عيوز كلها جم سنه وماتيبين عيال !! لووول وهو الي عاجز ,, تقول مره بفكه من الحرج قلت له حبيبي ترى عادي لو تعالج وايد ناااس مثلك وصاروا ماشاء الله ولا من شاف ولا من درى يرد عليها ,, تتوقعين صج ؟!! لالالالا فشله ,, بس مااقول الا الحمد الله ربي رزقني بطفلين وش نبي اكثر خلي حياتنا جذي ؟!!

تقول تعقدت منه . مره حطت شموع وحركات ,, جان يقول ماحب الظلام ,,ولعي اليت !!!

تقول اجيب كبتشينوا .. حلى اي شي علشان نسهر وان نقعد مع بعض على التلفزيون ,, تقول يردني بفشله ,, مااابي رجعيهم !!!!

الحق بنقال بطبع ريل اختي :

مايقصر عليهااا بشي ,, حافلها وكافلهااا من والى ,,, بس طبعه جاااااااااااااااامد.. حتى اخوانه مثله مع زوجاتهم!! لوول وراثه !!

اختى تبي تغيرررررررررررره ,,,

الشعب يريد تغير النظااام !! لوووول شلون ؟

تبيه مثل الناس يسولف ,, يتغزل,, لو بدت اهي بشي مثل عصير ,,مع سهره مايردهااا وهذا ابسط شي .

بليززز ساعدوهاا ..

اتوقع مايبها تشوف انها احسن منه لانه يدري فيه نقص
اهيا لاتبين له ان فيه نقص وتبين له انها ميته عليه

الله يعينها ويتغير

حلوه الشعب يريد تغير النظام لووووووووووووووووول
اتوقع انه حاله ميؤس منها الله يعينها

الله يعينها عليه

واضح ان فيه نقص ويدري بهالشي وحاس فيه وكردة فعل منه يحاول يكسر مجاديف اختج لانه يظن انها شايفه نفسها عليه وهالشي بسبب النقص الي فيه ..

الحل بإيدها .. تقدر ترفع معنوياته بكم كلمة .. وتواظب عليهم ليما يصدق عمره شوي . وفي نصايح بخصوص قدرته كرجل المتزوجات ينفعونج فيها .. بس المفروض هي تتصل على دكتور مختص وتستشيره وهل في نظام غذائي معين يتبعه عشان يحسن من حالته او ادوية معينة ياخذها ؟.. في حلول وايد بس يبي لها صبر .. وكل شي بالطيب والصبر والدعاء بيصير ان شاء الله

الله يسخره لها ويوفقهم ويهنيهم يارب

واااي الله يعينها مسكينه احباط

الله يسخره ويهديه لها

الله يعينه ويسخره لها …

نفس رايي

شوفي اهو مدام مو مقصر معاها من الف لي ياء يعني يحبها ومرتاح معاها بس فيه احساس بالنقس وانها احسن منها من جذي يقط عليها حجي ويحاول يغثها عشان لا تشوف روحها عليه ويحبطهااا ويحسسها انها فاشله لان هاذا احساسه بنفسه ومايبي يحس فيه بروحه

لا آنه عـآآرف نفسه ويستحي من هالشعور فيهآآجمهآآ وينتقدهآآ
بجذي يحس خذ حق منهــآآ وآن آهيه بعد موب كآآمله وفيهآآ وفيهآآ
آهيه المفروض تمدح شكله آي شي حلو وبسيط فيه تقول آحب آقعد معك
آرآآتآآح لمه آسولف معك آنت تفهم ورآيك يعجبني تقص عليه بالكلآم
حتى لو يلعبون ورق وله ىي لعبه خليه يفوز عليهآآ سولف وضحك وتحط شي
مسرحيه آي شي يضحك تجبره يطآآلع معهآآ وتكلمه بصرآآحه ع اللي مضآآيقهآآ

كل شي كوم وغسيل وتبديل لثياب مره بالاسبوع

كيف تبي تقعد يمه ماتلوع جبدها الله يعينها ويصبرها وبعد له عين يتحمق

وي وي كل هذا الله يعينها لو انا منها كان انفقع قلبي من الصياح
ماقدر اتحمل يارب لك الشكر
هذا بدال مايحاول يعوض النقص الي فيه وهذا وهي ساتره عليه ماتكلمت ولا قالت له شي
الله يعينها ناس ماتقدر الاحسااان ..

ما دام حافلها و كافلها من والى خل تحمد الله و تشكره خلاص مولازم يكون الريال كامل مكمل من كل النواحي لانه الكمال لالله و بس ترى ماكو ريال كامل و تلقين الي يتغزل و يدلل و يدلع مقصر بالمصروف او العيشه او شي ثاني و تلقين زوج مو مقصر يشي بس ما عنده مشاعر و العكس هذي الدنيا كل وحده و نصيبها بهالحياة الله كاتب لها جذي خلاص قولي لها ياوخيتي عيشي حياتج ترى
في بنات لا حافل ولا كافل عاد هذا الي ما يكفل زوجته شالفايده لا قال لها عمري و احبج وقلبي و من هالحجي

لان اهو فاقد الثقه بنفسه بس مايبي يبين لها فيحاول يفقدها الثقه بنفسها عشان ما تشتكي منه في يوم من الايام وعشان يخش عيوبه الله يصبرها هاذي شيغيرون فيه عااد ؟ اهم شي اهي ماعليها منه وان حاول يفقدها ثقتها بنفسها خلها اترد عليه وتتفاخر ابروحها ترا الريال مايحب المراه اللي مو واثقه من روحها ولو كانت ملكة جمال وخل اتقلل من اهتمامها فيه اشوي الظاهر اهي دلعته وايد وعطته ويه قام يتغلى عليها ويشوف نفسه عليها